San Lucas 8:49 - Ti Baro a Naimbag a Damag Biblia

⁴⁹ Madama pay laeng a sasawen daytoy ni Jesus idi dumteng ti naibaon a naggapu iti balay ni Jairo. “Natayen ti anakmo,” kinunana ken ni Jairo. “Saanmon a ringgoren ti Maestro.”

Ti Biblia (1973)

⁴⁹ Ket idi agsasao pay laeng, immay ti maysa a naggapu iti balay ti panguloen ti sinagoga a cuncunana: Tay anacmo a babai natayen, dica bannogen ti Mannursuro.

San Lucas 8:49 Iomraidhean Croise

Isaias 7:12

Insungbat ni Ahaz, “Saanak nga agkiddaw iti pagilasinan. Saanko a suoten ti Apo.”

San Mateo 26:10

Ammo ni Jesus ti sasawenda isu a kinunana kadakuada, “Apay a babalawenyo daytoy a babai? Nasayaat unay ti inaramidna kaniak.

San Mateo 9:18

Madama a sarsaritaen ni Jesus daytoy kadakuada idi immasideg ti maysa a pangulo a Judio. Nagparintumeng iti sangoanan ni Jesus sana kinuna, “Kapatpatay ti anakko a balasitang. Umaymo kadi ipatay ta imam kenkuana ket agbiagto.”

San Marcos 5:22

Dimteng ni Jairo, maysa nga ofisial iti sinagoga iti dayta a lugar. Idi makitana ni Jesus, nagparintumeng ket nagpakpakaasi kenkuana,

San Lucas 11:7

“Kas pangarigan ta isungbat ti adda iti balay, ‘Dinak ringringgoren! Nairikepen ti ridaw ket nakaiddakamin kadagiti annakko. Diak mabalinen ti bumangon a mangted kenka iti uray ania.’

San Lucas 7:6

Kimmuyog ni Jesus kadakuada. Idi asidegen ni Jesus iti balay, nangibaon ti kapitan kadagiti gagayyemna tapno ibagada daytoy kenkuana: “Apo, dika la agbambannogen ta diak maikari nga umawat kenka iti balayko.