San Lucas 8:33 - Ti Baro a Naimbag a Damag Biblia

³³ Rimmuar ngarud dagiti demonio iti tao ket simrekda kadagiti baboy. Nagdadarison ti entero nga arban iti teppang, sada timmapuak iti dan-aw ket nalmesda amin.

Ti Biblia (1973)

³³ Ket idi rimmuaren dagiti sairo idi tao, simrecda cadagidi babuy; ket di arban timmappuac iti maysa a teppang iti danaw ket nalmesda.

San Lucas 8:33 Iomraidhean Croise

San Mateo 8:32

“Inkayo,” kinuna ni Jesus. Pimmanawda ngarud ket simrekda kadagiti baboy. Nagtataray ti entero nga arban a nagturong iti teppang sada timmappuak iti dan-aw ket nalmesda amin.

San Lucas 5:1

Iti naminsan, idi agtaktakder ni Jesus iti igid ti Dan-aw ti Genesaret, nagdidinnuron dagiti tattao nga umasideg kenkuana tapno dumngegda iti sao ti Dios.

San Lucas 8:32

Iti asideg sadiay, adda dakkel nga arban ti baboy a mangmangan iti bakras ti turod. Nagpakpakaasi dagiti demonio ken Jesus a palubosanna ida a sumrek kadagiti baboy. Pinalubosanna ida.

San Lucas 8:34

Idi makita dagiti agtartaraken kadagiti baboy ti napasamak, nagtatarayda a napan nagipadamag iti ili ken kadagiti barbarrio.

San Juan 8:44

Annaknakayo ti Diablo nga amayo, ket kayatyo a tungpalen ti pagayatanna. Mammapatayen manipud idi damo ket pulos a dina kanunongan ti pudno, ta awan kenkuana ti pudno. No agulbod, ar-aramidenna laeng ti natural kenkuana ta sigud nga ulbod ken ama ti amin a kinaulbod.

1 Pedro 5:8

Agsalukagkayo. Agsiputkayo. Agdakdakiwas ti Diablo a kabusoryo—kasla leon a ngumerngernger nga agsapsapul iti alun-onenna.

Paltiing 9:11

Adda arida a mangituray kadakuada, ket isu ti anghel a mangbambantay iti nakaun-uneg a yuyeng. Abaddon ti naganna iti Hebreo, ket Apolion met iti Griego (kayatna a sawen, “Ti Mangdadael”).