San Lucas 8:27 - Ti Baro a Naimbag a Damag Biblia

²⁷ Idi sumanglad ni Jesus, sinabat ti maysa a lalaki a taga-ili a nabayagen a linuganan dagiti demonio. Lamolamo, ket saan nga agtaeng iti balay no di ket kadagiti tantanem.

Ti Biblia (1973)

²⁷ Ket idi dimsaag ni Jesus iti daga, simmabet kencuana ti maysa a tao a taga Ili nga adda sairona iti nabayagen nga aldaw, ket saan nga agpagpagananay, di met nagtaeng iti aniaman a balay, no di cadagiti tanem.

San Lucas 8:27 Iomraidhean Croise

Isaias 65:4

Iti rabii, mapanda kadagiti rukib ken tantanem tapno makiumanda kadagiti espiritu dagiti natay. Agsida dagitoy a tattao iti karne ti baboy. Umigupda iti digo ti karne a naidatag iti panagdaton dagiti pagano.

Numero 19:16

Maibilang met a narugit iti las-ud ti pito nga aldaw ti siasinoman a mangsagid iti bangkay ti tao a napapatay wenno natay iti ruar wenno ti siasinoman a mangsagid iti tulang ti tao wenno iti tanem.

San Mateo 4:24

Nagdinamag ni Jesus iti entero a daga ti Siria. Impan dagiti tattao kenkuana dagiti addaan iti nadumaduma a saksakit ken an-annayen: dagiti linuganan dagiti demonio, dagiti agkiskissiw, ken dagiti paralitiko. Pinaimbag amin ida ni Jesus.

San Marcos 5:15

Idi makaasidegda ken ni Jesus, nakitada ti lalaki a linuganan dagiti demonio. Agtugtugaw, nakakawes ken nagpulangen ti nasayaat a panunotna. Nagbutengda amin.

San Lucas 8:26

Intuloyda ti naglayag ket dimtengda iti daga dagiti Gergeseno, iti ballasiw ti Dan-aw ti Galilea.

San Lucas 8:28

Apaman a nakitana ni Jesus, nagikkis sa nagparintumeng iti sangoananna. “Jesus nga Anak ti Dios a Kangatoan!” impukkawna. “Ania ti kayatmo kaniak? Pangngaasim ta dinak parigaten.”

1 Samuel 19:24

Inuksobna ti pagan-anayna ket nagsalsala ken nagpukkapukkaw iti imatang ni Samuel. Nagmalmalem ken nagpatpatnag a nagidda a lamolamo. Daytoy ti nangrugian ti pagsasao, “Apay, profeta kadi metten ni Saul?”