San Lucas 8:24 - Ti Baro a Naimbag a Damag Biblia

²⁴ Napan dagiti adalan ken ni Jesus ket riniingda. “Apo! Apo!” kinunada, “lumnedtayon.” Bimmangon ni Jesus ket binilinna ti angin ken dagiti nadawel a dalluyon. Nagtalnada ket nalinak manen ti dan-aw.

Ti Biblia (1973)

²⁴ Ket immasidegda kencuana, ket riniingda a kinunada: Mannursuro, mannursuro, mapucawtayon! Ket idi nacariing, tinubngarna di angin ken ti daleg ket nagtalnada, ket naglinac.

San Lucas 8:24 Iomraidhean Croise

Dagiti Salmo 65:7

Pagtalnaem ti daranudor dagiti taaw; pagsardengem ti ungor dagiti dalluyon ken ti riribuk kadagiti pagilian.

Isaias 50:2

“Apay a di nagtignay dagiti tattaok idi napanak kadakuada tapno isalakanko ida? Apay a dida simmungbat idi immawagak? Awan kadi ti bilegko a mangisalakan kadakuada? Mabalinko a bilinen ti taaw tapno agmaga; mapagbalinko a let-ang dagiti karayan ket matay dagiti ikan gapu iti kaawan ti danumda.

Jeremias 5:22

Siak ni Yahweh. Awan kadi ti panagbutengyo kaniak? Apay a dikay agkintayeg iti sangoanak? Inkabilko ti darat a beddeng ti baybay, maysa a permanente a bangen a dina maballasiw. Mabalin nga agdawel ti baybay ngem dina malabsan; mabalin nga agdaranudor dagiti dalluyon ngem dida malasat.

Nahum 1:4

Bilinenna ti baybay ket agmaga; pagmagaenna ti amin a karayan. Malaylay dagiti talon ti Basan, matay amin a mula iti Bantay Carmel ken magango dagiti sabong iti Bantay Libano.

San Mateo 14:30

Ngem nagbuteng idi madlawna ti angin, ket idi lumneden, inyikkisna, “Apo, isalakannak!”

San Mateo 8:25

Napanda riniing ket kinunada, “Umarayatka, Apo! Lumnedtayon!”

San Marcos 4:39

Bimmangon ni Jesus, ket binilinna ti angin, “Agsardengka!” sana kinuna iti dalluyon, “Agtalnaka!” Nagsardeng ti angin, ket nagtalna ti dalluyon.

San Lucas 4:35

Binilin ni Jesus ti espiritu. “Agulimekka,” kinunana, “ket rummuarka iti dayta a tao!” Tinumba ti demonio ti tao iti sangoananda amin ket rimmuar kenkuana a dina inan-ano.

San Lucas 4:39

Immasideg ni Jesus iti idda ti masakit ket pinabaawna ti gurigorna. Apaman a naimbagan ti masakit, dagus a bimmangon ket nagserbi kadakuada.

San Lucas 5:5

“Maestro,” insungbat ni Simon, “nagpatpatnagkami a nagkalap. Awan pulos ti naalami. Ngem no kasta ti kunam, iwayatko dagiti iket.”

San Lucas 8:25

Kinuna ni Jesus kadagiti adalan, “Sadino ti yan ti pammatiyo?” Ngem gapu iti siddaaw ken amakda, kinunada iti maysa ken maysa: “Ania ti katataona daytoy? Bilinenna ti angin ken dagiti dalluyon, ket agtulnogda kenkuana!”