San Lucas 8:16 - Ti Baro a Naimbag a Damag Biblia

¹⁶ “Awan manggangat iti pagsilawan sana kaluban wenno ikabil iti sirok ti pagiddaan. Ikabilna ketdi iti nairanta a pagyananna tapno makita dagiti tattao ti lawagna no sumrekda.

Ti Biblia (1973)

¹⁶ Ket awan ti tao nga inton nagangatanna ti maysa a silaw, calubanna iti banga, wenno icabilna iti siroc ti maysa a pagidaan; no di ket icabilna iti maysa a pagsilawan tapno dagiti sumrec makitada ti silaw.

San Lucas 8:16 Iomraidhean Croise

San Lucas 11:33

“Awan manggangat iti pagsilawan sana ilinged wenno kaluban. Iparabawna ketdi iti nairanta a pagsaadanna tapno makita dagiti tattao ti lawagna apaman a sumrekda iti balay.

San Lucas 8:15

Dagiti nagdisso iti nadam-eg a daga, iladawanda dagiti tattao a dumngeg iti mensahe, salimetmetanda iti naimbag ken natulnog a puso, ket agtalinaedda agingga iti agbungada.”

Dagiti Aramid 26:18

Lukatamto dagiti matada, ket manipud iti sipnget, iturongmonto ida iti lawag. Manipud iti pannakabalin ni Satanas, iturongmo ida iti pannakabalin ti Dios tapno babaen iti pammatida kaniak, mapakawanto dagiti basbasolda ket maibilangdanto kadagiti tattao ti Dios.’”

Paltiing 1:20

“Daytoy ti nalimed a kaipapanan dagiti pito a bituen nga ig-iggamak ken dagiti pito a pagsilawan a balitok: Dagiti pito a bituen isuda dagiti angheles iti pito nga iglesia, ket dagiti pito a pagsilawan a balitok isuda dagiti pito nga iglesia.”

Paltiing 11:4

Dagiti dua a saksi isuda dagiti dua a puon nga olibo ken dagiti dua a pagsilawan iti sangoanan ti Apo ti entero a daga.