San Lucas 7:7 - Ti Baro a Naimbag a Damag Biblia

⁷ Ipapanko pay a diak maikari nga umay kenka iti personal. Agbilinka laeng ket umimbagto ti adipenko.

Ti Biblia (1973)

⁷ Siac pay diac impapan a maicariac nga umay kenca: ngem agsaoca laeng ket ti adipenco umimbagto.

San Lucas 7:7 Iomraidhean Croise

Dagiti Salmo 107:20

Pinaimbagna ida babaen iti panagbilinna, ket inispalna ida iti pakadadaelanda.

Dagiti Salmo 33:9

Naaramid ti lubong babaen iti panagsaona; timmaud ti amin babaen iti panagbilinna.

Exodo 15:26

Kinunana kadakuada, “No ipangagyo a sipupudno ti ibagak, ni Yahweh a Diosyo, ket aramidenyo ti ibilangko a nalinteg, saankayto a dusaen iti uray ania a sakit nga impalak-amko kadagiti Egipcio. Siak ni Yahweh a mamaimbag kadakayo.”

San Marcos 1:27

Nasdaaw dagiti tattao ket nagsisinnaludsodda, “Ania daytoy? Maysa kadi a baro a pannursuro? Addaan daytoy a tao iti turay a mangbilin kadagiti dakes nga espiritu ket agtungpalda kenkuana!”

San Lucas 4:36

Nasdaawda amin ket kinunada iti maysa ken maysa: “Ania dagitoy a saona? Adda turay ken pannakabalinna a mangbilin kadagiti dakes nga espiritu, ket rummuarda!”

San Lucas 5:13

Sinagid ni Jesus ti lalaki sana kinuna, “Kayatko! Umimbagkan.” Ket dagus a naikkat ti sakit ti lalaki.

San Lucas 7:6

Kimmuyog ni Jesus kadakuada. Idi asidegen ni Jesus iti balay, nangibaon ti kapitan kadagiti gagayyemna tapno ibagada daytoy kenkuana: “Apo, dika la agbambannogen ta diak maikari nga umawat kenka iti balayko.

San Lucas 7:8

Uray siak, adda dagiti ofisiales a mangituray kaniak ket adda met soldado nga iturayak. ‘Inka,’ kunak iti maysa ket mapan. ‘Umayka,’ kunak iti sabali ket umay. ‘Aramidem daytoy,’ kunak iti adipenko ket aramidenna.”

Deuteronomio 32:39

“‘Sisiak laeng ti Dios; awanen ti sabali a pudno a Dios. Pumatayak ket mangtedak iti biag, mangsugatak ket siak met laeng ti mangpaimbag; awan ti makalapped iti aramidek.

1 Samuel 2:6

Mangpapatay ti Apo ken mangted iti biag; ipanna ti tao iti lubong dagiti natay, pagungarenna ti natay.