San Lucas 7:26 - Ti Baro a Naimbag a Damag Biblia

²⁶ Ibagayo man kaniak no ania ti napanyo kinita? Maysa a profeta? Wen, ket ibagak kadakayo a nangnangruna pay ngem profeta ti nakitayo.

Ti Biblia (1973)

²⁶ Ngem ania ti rinuaranyo a kinita? Maysa a mammadto? Wen, cunac cadacayo, ket nangnangrona pay ngem maysa a mammadto.

San Lucas 7:26 Iomraidhean Croise

San Lucas 1:76

“Sika, anakko, managanankanto iti profeta ti Dios a Kangatoan. Ta umun-unakanto ngem ti Apo, Tapno isaganam ti pagnaanna,

San Lucas 16:16

“Naannurot ti Linteg ni Moises ken dagiti sursurat dagiti profeta agingga iti tiempo ni Juan a Mammuniag. Manipud idin, naikaskasaba ti Naimbag a Damag maipapan iti Pagarian ti Dios, ket ipapilit ti tunggal maysa ti iseserrekna.

San Lucas 20:6

Ngem no kunatayo a naggapu iti tao, uborendatayto dagiti amin a tattao nga adda ditoy agsipud ta patienda a profeta ni Juan.”

San Lucas 7:25

Ania ti napanyo kinita? Maysa a tao a nagkawes iti napintas a pagan-anay? Kinapudnona, palasio ti pagnaedan dagiti agkawes iti kasta ken agbiag a sibubuslon!

San Lucas 7:27

Ta ni Juan ti pakaiturongan ti kuna ti Nasantoan a Surat: ‘Adtoy ti babaonek,’ kuna ti Dios; ‘ibaonko nga umun-una ngem sika tapno isaganana ti dalanmo.’

San Juan 5:35

Sumsumged ken agranraniag a silaw ti kayarigan ni Juan, ket iti apagbiit, kinayatyo a linak-am ti lawagna.