San Lucas 7:22 - Ti Baro a Naimbag a Damag Biblia

²² Kinuna ni Jesus kadagiti imbaon ni Juan, “Agsublikayo ken ni Juan ket ibagayo kenkuana dagiti nakita ken nangngegyo: makakita dagiti bulsek, makapagna dagiti pilay, mapaimbag dagiti agkukutel, makangngeg dagiti tuleng, mapagungar dagiti natay ken maikaskasaba ti Naimbag a Damag kadagiti napanglaw.

Ti Biblia (1973)

²² Ket simmungbat ni Jesus ket kinunana cadacuada: Incayo, ket saritaenyo ken Juan dagiti banbanag a nakita ken nangngegyo: a dagiti bulsec macakitada, dagiti pilay magnada, dagiti agcucutel nadalusanda, ket dagiti tuleng macangngegda, dagiti natay nagungarda, ket cadagiti napanglaw naicascasaba cadacuada ti naimbag a damag.

San Lucas 7:22 Iomraidhean Croise

Ti Libro ni Job 29:15

Nagserbiak a mata dagiti bulsek, nagpaayak a saka dagiti pilay.

Dagiti Salmo 146:8

luktanna ti mata dagiti bulsek. Itan-okna dagiti mailupitlupit; ay-ayatenna dagiti nalinteg a tattaona.

Isaias 42:16

“Idalankonto dagiti bulsek a tattaok kadagiti dalan a dida pay nagnaan. Pagbalinekto a lawag ti sipnget nga ayanda; pasayaatekto dagiti lasong-lasong a disso. Aramidek dagitoy nga awan duadua.

Isaias 43:8

Kuna ti Dios, “Idatagyo dagiti tattaok iti pangukoman. Adda matada ngem bulsekda; adda lapayagda ngem tulengda!

Jeremias 31:8

Alaekto ida manipud iti amianan; yawidkonto ida manipud iti pungto ti daga. Kumuyogto kadakuada dagiti bulsek ken dagiti pilay, dagiti inna ken dagiti dandani agpasngay. Dakkeldanto a nasion nga agsubli.

Sofonias 3:12

Addanto ibatik a tattao sadiay, tattao a nanumo ken napakumbaba. Umaydanto agpatulong kaniak.

San Mateo 11:5

makakita dagiti bulsek, makapagna dagiti pilay, mapaimbag dagiti agkukutel, makangngeg dagiti tuleng, mapagungar dagiti natay, ket maikaskasaba ti Naimbag a Damag kadagiti napanglaw.

San Mateo 21:14

Napan dagiti bulsek ken lugpi ken ni Jesus idiay Templo ket pinaimbagna ida.

San Lucas 4:18

“Adda kaniak ti Espiritu ti Apo. Pinilinak a mangikasaba iti Naimbag a Damag kadagiti napanglaw, Imbaonnak a mangiwaragawag iti pannakawayawaya dagiti balud, Iti pannakakita manen dagiti bulsek, Iti pannakaruk-at dagiti maparparigat,

San Lucas 7:21

Iti dayta nga oras, adu dagiti tattao a pinaimbag ni Jesus kadagiti saksakit ken an-anayenda. Pinaksiatna dagiti dakes nga espiritu. Inagasanna ti adu a bulsek ket nakakitada.

San Lucas 7:23

Nagasat ti tao a di agduadua kaniak!”

San Juan 1:46

“Adda aya naimbag a tumaud idiay Nazaret?” sinaludsod ni Natanael. “Umaymo kitaen,” insungbat ni Felipe.

Dagiti Aramid 26:18

Lukatamto dagiti matada, ket manipud iti sipnget, iturongmonto ida iti lawag. Manipud iti pannakabalin ni Satanas, iturongmo ida iti pannakabalin ti Dios tapno babaen iti pammatida kaniak, mapakawanto dagiti basbasolda ket maibilangdanto kadagiti tattao ti Dios.’”

Dagiti Aramid 8:7

Nagik-ikkis a rimmuar dagiti dakes nga espiritu iti adu a naluganan a tattao. Adu pay ti naimbagan a paralitiko ken pilay.

Santiago 2:5

Dumngegkayo, ingungotek a kakabsat! Dagiti napanglaw ditoy lubong ti pinili ti Dios tapno mapabaknang ti pammatida ken agbalinda a kameng ti Pagarian nga inkarina kadagiti agayat kenkuana.