San Lucas 7:12 - Ti Baro a Naimbag a Damag Biblia

¹² Idi makaasideg iti ruangan ti ili, apag-isu met a rummuar dagiti tattao iti maysa a pamumpon. Ti natay isu ti bugbugtong nga anak a lalaki ti maysa a balo a babai. Kimmuyog kenkuana ti adu a tattao a taga-siudad.

Ti Biblia (1973)

¹² Ket idi nacaasidegda iti ruangan ti Ili, adtoy nga iruarda ti maysa a natay, bugbugtong nga anac ni inana isu a balo; ket adu dagiti tao iti Ili kimmuyogda kencuana.

San Lucas 7:12 Iomraidhean Croise

Genesis 22:12

“Dimo sagiden wenno ranggasan ti ubing,” kinuna ti anghel. “Makitakon nga agbutengka iti Dios, ta dika nagkedked a mangted kenkuana iti kakaisuna nga anakmo.”

Genesis 22:2

Kinuna ti Dios, “Alaem ni Isaac a kakaisuna ken dungdungoem nga anak, ket inka idiay Moria. Iti bantay nga ipakitakto kenka, idatagmonto kaniak ni Isaac a kas daton a mapuoran.”

2 Samuel 14:7

Ita, apo ari, nagmaymaysa dagiti kakabagiak a bimmusor kaniak. Kayatda nga alaen ti anakko tapno papatayenda met gapu iti panangpapatayna iti kabsatna. No patayenda ti anakko, sisiak laeng ti mabati. Pukawenda ti kakaisuna a namnamak ti biag; awan ti mabati a kaputotan ti asawak tapno mataginayon ti naganna.”

1 Ar-ari 17:12

Insungbat ti babai, “Ammo ti Apo a sibibiag a Diosmo, nga awan a pulos ti tinapayko. Sangarakem la nga arina iti burnay ken sangkabassit a lana ti olibo iti garapon ti adda kaniak. Mangaykayoak tapno adda panglutok iti sangkabassit a kanenmi iti anakko a lalaki. Daytanto ti maudi a pannanganmi ta mataykaminton iti bisin.”

1 Ar-ari 17:18

Kinuna ti babai ken ni Elias, “Tao ti Dios, apay aya nga inaramidmo kaniak daytoy? Immayka kadi ditoy tapno ipalagipmo dagiti basolko ket iti kasta, yegmo ti ipapatay ti anakko?”

1 Ar-ari 17:23

Inyulog ni Elias ti ubing ket impanna iti inana. Kinunana iti balo, “Kitaem ket sibibiag ti anakmo!”

1 Ar-ari 17:9

“Ita, inka iti ili ti Sarefat iti asideg ti Sidon ket agyanka sadiay. Adda maysa a balo nga agnaed sadiay a binilinko a mangpakan kenka.”

2 Ar-ari 4:16

Kinuna ni Eliseo kenkuana, “Iti kastoy a tiempo inton umay a tawen, addanton anakmo nga ub-ubbaem.” “Pangngaasim, apo, ta dinak ul-ulboden,” kinuna ti babai. “Taonaka ti Dios!”

2 Ar-ari 4:20

Binagkat ti adipen ti ubing ket impanna iti inana. Sinaksaklot ti ina ti anakna agingga a natay ti ubing iti agmatuon.

Ti Libro ni Job 29:13

Indaydayawdak dagiti nagsagaba iti nakaro a rigat. Tinulongak dagiti balo, nga agbirok iti pagsanggiranda.

Zacarias 12:10

“Punnoekto dagiti kaputotan ni David ken dagiti tattao ti Jerusalem iti espiritu a mamagbalin kadakuada a manangngaasi ken managkararag. Kitaendanto ti natay gapu iti panangduyokda kenkuana ket dung-awandanto a kas iti pimmusay a kakaisuna nga anak. Agdung-awdanto iti nasaem a kasla kadagiti tattao a natay ti inauna nga anakda.

San Lucas 7:11

Iti saan a nabayag, napan ni Jesus iti maysa nga ili a managan Nain. Kimmuyog kenkuana dagiti adalanna ken adu a tattao.

San Lucas 7:13

Naasian ti Apo idi makitana ti ina. “Dika agsangsangit,” kinunana kenkuana.

San Lucas 8:42

Dandani ngamin matay ti kakaisuna nga anakna a babai nga agtawen iti sangapulo ket dua. Idi magmagna ni Jesus, inaribungbongan dagiti tattao.

San Lucas 8:52

Amin nga adda sadiay sangsangitan ken dungdung-awanda ti ubing. “Dikay agsangsangit,” kinuna ni Jesus. “Saan a natay ti ubing—matmaturog laeng!”

San Juan 11:19

ket adu a taga-Judea ti napan nangliwliwa kada Marta ken Maria gapu iti ipapatay ti kabsatda a lalaki.

Dagiti Aramid 9:39

Nagrubbuat ngarud ni Pedro ket nakikuyog kadakuada. Idi sumangpetda, impanda ni Pedro iti kuarto nga akingngato. Agsangsangit nga immaribungbong dagiti amin a balo a babbai iti abay ni Pedro ket impakitada kenkuana dagiti kagay ken dadduma pay a pagan-anay a dinait ni Dorcas idi sibibiag pay.

Dagiti Aramid 9:41

Iniggaman ni Pedro ti imana sana pinatakder. Inayabanna dagiti tattao ti Dios ken dagiti balo ket imparangna kadakuada ni Dorcas a sibibiag.

Santiago 1:27

Ti pudno a relihion nga awan pakapilawanna iti imatang ti Dios Ama isu daytoy: Ti itutulong kadagiti ulila ken biuda iti nakakaasi a kasasaadda ken ti panagtalinaed a nadalus a di patulawan kadagiti kinadakes ditoy lubong.