San Lucas 6:8 - Ti Baro a Naimbag a Damag Biblia

⁸ Ngem ammo ni Jesus ti pampanunotenda. Kinunana iti lalaki, “Tumakderka ket umayka ditoy sango.” Timmakder ti lalaki ket napan iti sangoananda.

Ti Biblia (1973)

⁸ Ngem isu ammona dagiti panunotda; ket kinunana idi tao nga nagango ti imana; Tumacderca ket agpatengngaca. Ket isu timmacder ket nagpatengnga.

San Lucas 6:8 Iomraidhean Croise

1 Cronicas 28:9

“Ket sika, Solomon nga anakko, ibilinko kenka a bigbigem ti Diosko. Agserbika a siaayat kenkuana ken iti amin a pusom, ta ammona amin ti pampanunoten ken tartarigagayantayo. No mapanka kenkuana, awatennaka. Ngem no tallikudam, laksidennakanto iti agnanayon.

1 Cronicas 29:17

Ammok a suotem ti puso ti tunggal maysa ket maragsakanka kadagiti nalinteg a tattao. Napudno ken napasnekak a nangted amin kadagitoy kenka. Nakitak ti ragsak dagiti amin a tattaom a naummong ditoy a mangyeg kadagiti sagutda kenka.

Ti Libro ni Job 42:2

Ammok a mannakabalinka unay, O Apo, ket maaramidmo ti amin a kayatmo.

Dagiti Salmo 44:21

awan duadua a maammoam ta ammom ti amin dagiti nalimed a pampanunotmi.

Isaias 42:4

Dinanto pukawen ti namnama wenno ti turedna, ket ipasdeknanto ti kinalinteg iti daga. Sigagagar dagiti adayo a daga a mangur-uray iti pannursurona.”

San Mateo 9:4

Agsipud ta ammo ni Jesus ti pampanunotenda, kinunana, “Apay nga agpampanunotkayo iti dakes?

San Marcos 3:3

“Umayka ditoy,” kinuna ni Jesus iti lalaki.

San Lucas 13:12

Idi makita ni Jesus ti babai, inayabanna. “Naimbagankan iti sakitmo!” kinuna ni Jesus kenkuana.

San Lucas 5:22

Ammo ni Jesus ti kapanunotanda ket kinunana kadakuada, “Apay a kasta ti pampanunotenyo?

San Lucas 6:9

“Saludsodek man kadakayo,” kinuna ni Jesus. “Ania ti ipalubos ti Linteg nga aramidentayo iti Aldaw a Panaginana: ti panagaramid iti naimbag wenno iti dakes? Ti panangisalakan wenno ti panangdadael iti biag?”

San Juan 2:25

Saanna a masapul ti siasinoman a mangibaga kenkuana maipapan iti tao ta ammona a mismo ti panunot ken kababalin ti tao.

San Juan 21:17

Pinitlo ni Jesus a sinaludsod, “Simon nga anak ni Juan, ay-ayatennak kadi?” Nagliday ni Pedro gapu ta namitlon a sinaludsod ni Jesus kenkuana, “Ay-ayatennak kadi?” Kinuna ni Pedro, “Apo, ammom amin a banag. Ammom nga ay-ayatenka!” Kinuna ni Jesus kenkuana, “Aywanam dagiti karnerok.

San Juan 9:4

Masapul nga aramidentayo dagiti ipaaramid ti nangibaon kaniak ta aldaw pay. Dumteng ti rabii ket awan ti makatrabaho.

Dagiti Aramid 20:24

Ngem saan a nasken no agbiagak man wenno matayak. Matungpalko la ketdi ti nakaibaonak ket maileppasko ti trabaho nga inted kaniak ni Apo Jesus—ti panangiwaragawagko iti Naimbag a Damag maipapan iti parabur ti Dios.

Dagiti Aramid 26:26

Naturedak nga agsao, agsipud ta ammo ti ari ti maipapan kadagitoy. Pagaammok a nadlawmo amin dagitoy, ta saanda a napasamak iti nalemmeng a lugar.

Taga-Filipos 1:28

Dikay agbuteng kadagiti kabusoryo. Agturedkayo a kankanayon. Daytoy ti mangipakita kadakuada a maabakdanto, ngem agballigikayto ta pagballigiennakayo ti Dios!

Hebreo 4:13

Awan ti naparsua a mailinged iti Dios. Sipapanayag amin iti imatangna, ket masapul nga ilawlawagtayo iti Dios ti amin nga inaramidtayo.

1 Pedro 4:1

Gapu ta nagsagaba ni Cristo iti bagi, sisasaganakayo koma nga agsagaba a kas kenkuana, agsipud ta saanen nga agbasol ti siasinoman nga agsagaba iti bagi.

Paltiing 2:23

Papatayekto met dagiti annakna tapno maammoan dagiti iglesia nga ammok ti panunot ken tarigagay dagiti tattao. Dusaekto ti tunggal maysa kadakayo, segun ti inaramidyo.