San Lucas 6:36 - Ti Baro a Naimbag a Damag Biblia

³⁶ Masapul a manangngaasikayo a kas ken ni Amayo a manangngaasi.”

Ti Biblia (1973)

³⁶ Agbalincayo coma a manangngaasi a cas ken ni Amayo a manangngaasi.

San Lucas 6:36 Iomraidhean Croise

San Mateo 5:48

Masapul ngarud nga awan pagkuranganyo a kas ken ni Amayo sadi langit nga awan pagkuranganna.”

San Lucas 6:35

Saan a kasta ti aramidenyo! Ayatenyo ketdi dagiti kabusoryo ket ipaayanyo ida iti imbag. Agpabulodkayo, ngem diyo namnamaen a masupapakankayo. No aramidenyo dagitoy, dakkelto ti gunggonayo ket annaknakayto ti Kangatoan. Ta naasi ti Dios kadagiti di makaammo nga agyaman ken kadagiti managdakdakes.

San Lucas 6:37

“Diyo ukomen ti padayo a tao tapno dinakayto met ukomen ti Dios. Diyo ilunod ti padayo a tao tapno dinakayto met ilunod ti Dios. Mamakawankayo ket pakawanennakayto met ti Dios.

Taga-Efeso 4:31

Lipatenyo ti amin a sakit ti nakem, gura ken pungtot. Diyon bugkawan wenno padpadaksen ti padayo a tao. Ikkatenyo ti aniaman a sakit ti nakem iti siasinoman.

Santiago 3:17

Ngem, umuna unay, nasin-aw ken awan mulitna ti kinasirib nga aggapu iti ngato. Natalna, naalumamay ken mannakigayyem. Mannakipagrikna ket agbunga iti nasayaat nga aramid. Di mangidumduma ken di aginkukuna.