San Lucas 6:27 - Ti Baro a Naimbag a Damag Biblia

²⁷ “Ngem ibagak kadakayo nga agdengdengngeg kaniak: Ayatenyo dagiti kabusoryo ket ipaayanyo iti imbag dagiti manggura kadakayo.

Ti Biblia (1973)

²⁷ Ngem cunac cadacayo nga agdengdengngeg: Ayatenyo dagiti cabusoryo: agaramidcay ti naimbag cadagiti gumura cadacayo,

San Lucas 6:27 Iomraidhean Croise

1 Ar-ari 13:6

Kinuna ti ari kenkuana, “Pangngaasim, ta ikararagannak iti Apo a Diosmo ket dawatem kenkuana a paimbagenna ti imak.” Nagkararag ti profeta ket naisubli ti sigud a kasasaad ti ima ti ari.

Dagiti Proverbio 24:17

Dika agragsak no madidigra ti kabusormo ket dika met agrag-o no maitibkol.

Dagiti Proverbio 25:2

Dayawentayo ti Dios kadagiti ilimlimedna; raementayo met dagiti ari gapu kadagiti ilawlawagda.

San Marcos 4:24

Kinunana pay kadakuada: “Panunotenyo a nalaing ti mangngegyo! No kasano ti panangrukodyo kadagiti sabsabali, kastanto met ti panangrukod ti Dios kadakayo; ket naing-ingetto pay!

San Lucas 23:34

“Ama,” kinuna ni Jesus, “pakawanem ida ta dida ammo ti ar-aramidenda.” Nagbibingayan dagiti soldado dagiti pagan-anay ni Jesus babaen iti panagbibinnunotda.

San Lucas 6:22

“Nagasatkayo no guraendakayo dagiti tattao, no didakay awaten, no pabainandakayo, no kunada a dakeskayo, gapu iti Anak ti Tao!

San Lucas 6:35

Saan a kasta ti aramidenyo! Ayatenyo ketdi dagiti kabusoryo ket ipaayanyo ida iti imbag. Agpabulodkayo, ngem diyo namnamaen a masupapakankayo. No aramidenyo dagitoy, dakkelto ti gunggonayo ket annaknakayto ti Kangatoan. Ta naasi ti Dios kadagiti di makaammo nga agyaman ken kadagiti managdakdakes.

San Lucas 8:15

Dagiti nagdisso iti nadam-eg a daga, iladawanda dagiti tattao a dumngeg iti mensahe, salimetmetanda iti naimbag ken natulnog a puso, ket agtalinaedda agingga iti agbungada.”

San Lucas 8:18

“Agannadkayo ngarud iti panagdengngegyo. Ta ti addaan, maikkanto pay iti ad-adu, ket ti awanan, uray pay ti ipagarupna nga adda kenkuana maikkatto pay.”

San Lucas 8:8

Adda met kadagiti bukel a nagdisso iti nadam-eg a daga, nagtubo ken nagbungada iti sagsasangagasut. “Dumngeg ngarud ti siasinoman nga addaan pannakaawat,” inggibus ni Jesus.

Dagiti Aramid 10:38

“Ammoyo ti maipapan ken ni Jesus a taga-Nazaret, ken ti panangkonsagrar ti Dios kenkuana babaen iti pannangtedna kenkuana iti Espiritu Santo ken pannakabalin. Iti sadinoman a lugar a napanan ni Jesus, nagar-aramid iti naimbag ken nangpapaimbag kadagiti pinarparigat ti Diablo, gapu ta adda kenkuana ti Dios.

Dagiti Aramid 16:28

Ngem impukkaw ni Pablo, “Dimo ranggasan ta bagim! Addakam amin ditoy!”

Dagiti Aramid 7:60

Nagparintumeng ket impukkawna, “Apo, dimo koma ipabasol daytoy kadakuada.” Ket natay apaman a naisaona daytoy.

Taga-Galacia 6:10

Ngarud, no adda gundawaytayo, agaramidtayo iti naimbag a maipaay kadagiti amin a tattao, nangruna kadagiti kakabsatyo iti pammati.

1 Taga-Tesalonica 5:15

Diyo supapakan iti dakes dagiti agaramid kadakayo iti dakes. Ikagumaanyo ketdi a kanayon ti agaramid iti naimbag iti tunggal maysa ken kadagiti amin a tattao.

3 Juan 1:11

Patgek a gayyem, dimo tuladen ti dakes nga aramid. Tuladem ketdi ti naimbag. Kukua ti Dios ti agaramid iti naimbag. Ngem ti agaramid iti dakes, dina nakita ti Dios.