San Lucas 6:25 - Ti Baro a Naimbag a Damag Biblia

²⁵ “Asikayo pay, dakay a mapnek ita, ta mabisinankayto! “Asikayo pay, dakay nga agkatawa ita, ta agdung-aw ken agsangitkayto!

Ti Biblia (1973)

²⁵ Asicay pay a sipepennec ita! ta agbisincayonto. Asicay pay nga agcatcatawa ita! ta agdung-aw ken agsangitcayto.

San Lucas 6:25 Iomraidhean Croise

Dagiti Salmo 49:19

matayto met laeng a kas kadagiti kapuonanna, ket maitiponto kadakuada iti sipnget nga awan inggana.

Dagiti Proverbio 14:13

Mabalin nga ilinged ti liday babaen iti katawa. Ngem no awanen ti ragsak, adda latta ladingit.

Dagiti Proverbio 30:9

No adu ti sanikuak, amangan no ibagak a saankan a masapul. Ngem no napanglawak, amangan no agtakawak ket ibabainko ti nagan ti Diosko.

Eclesiastes 2:2

Nasarakak a kinamaag ti panagkatawa, ket awan imbag a maited kenka ti ragragsak.

Eclesiastes 7:3

Naim-imbag ti ladingit ngem ti katawa. Nalabit a palidayenna ti rupam ngem patademenna ti pannakaawatmo.

Eclesiastes 7:6

Mayarig ti katawa dagiti maag iti panagrissik ti mapupuoran a siitsiitan a mula. Awan serserbi daytoy.

Isaias 28:7

Kasta unay met ti bartek dagiti profeta ken dagiti papadi ket urayda la maibasbasing. Gapu iti adu nga arak a nainumda, urayda la maitiktikleb a dida ammo ti ar-aramidenda. Kasta unay ti bartek dagiti profeta, isu a dida maawatan dagiti parmata nga ipakita ti Dios. Nabartek met dagiti papadi ket dida maibanag dagiti kaso a maidatag kadakuada.

Isaias 65:13

Ibagak ngarud kadakayo nga adunto ti kanen ken inumen dagiti agdaydayaw ken agtulnog kaniak, ngem mabisinan ken mawawkayto. Naragsakdanto ngem maibabainkayto.

Isaias 8:21

Maupay ken mabisbisinanto dagiti tattao nga agalla-alla iti daga. Gapu iti bisin ken pungtotda, ilunoddanto ti arida ken ti Diosda. Uray tumangaddanto sadi langit

Isaias 9:20

Iti amin a paset ti pagilian, kanen dagiti tattao ti aniaman a makan a magammatanda ngem pulos a saanda a mabsog. Kanenda uray dagiti bukodda nga annak!

Amos 8:10

Pagbalinekto a pagdudung-awan dagiti pagrarambakanyo. Pagbalinekto met a sangsangit dagiti naragsak a kankantayo. Pagkawesenkayto iti nakersang a lupot ket kuskosanyonto dagiti uloyo. Mayarigkayto kadagiti nagannak a mangdungdung-aw iti kakaisuna nga anakda. Nasaemto dayta nga aldaw agingga iti kamaudianan.

Nahum 1:10

Mauramkayto agingga a dumapukayo, dakayo a mammartek, a kas iti siitsiitan a mula ken garami a nagango.

San Lucas 12:20

Ngem kinuna ti Dios kenkuana: ‘Maag! Ita met la a rabii, matayka. Ket amin dagitoy nga urnongmo, siasinonto ti agtagikua?’”

San Lucas 13:28

Agsangit ken agngaretngetkayto inton makitayo nga adda da Abraham, Isaac, Jacob ken dagiti amin a profeta iti Pagarian ti Dios, idinto nga addakay iti ruar!

San Lucas 6:24

“Ngem asikayo pay, dakay a nabaknang ita, ta linak-amyon ti nam-ay ti biag!

San Lucas 6:26

“Asikayo pay no nasayaat ti sawen ti amin a tao maipapan kadakayo; ta kasta met ti kinunkuna dagiti kapuonanda maipapan kadagiti sinan-profeta.”

San Lucas 8:53

Linalaisda ni Jesus, ta ammoda a natayen ti ubing.

Taga-Efeso 5:4

Di met tumutop nga agisawangkayo kadagiti naalas, minamaag wenno narugit a balikas. Agyamankayo ketdi iti Dios.

1 Taga-Tesalonica 5:3

Inton kuna dagiti tattao, “Nagtalna ken nagtalged ketdin,” isunto metten a kellaat nga agdissuor kadakuada ti pannakadadael. Kellaatto nga umay a kas iti rigat ti maysa a babai nga agpaspasikal. Ket awanto ti makalisi.

Santiago 4:9

Agladingit, agsangit ken aganug-ogkayo. Imbes nga agkakatawakayo, agsangitkayo. Imbes nga agraragsakkayo, agleddaangkayo.

Paltiing 3:17

“Kunam a nabaknang ken narang-ayka ket adda amin a masapulmo. Ngem dimo ammo a daksanggasat ken kakaasika. Napanglawka. Lamolamoka. Bulsekka.

1 Samuel 2:5

Dagiti aglaplapusanan idi iti taraon, manggeddan tapno adda kanenda ngem dinton agbisin dagiti nabisinan. Pito ti annak ti babai a saan idi nga aganak, ngem awanen ti nabati nga anak ti adu ti anakna.