San Lucas 6:23 - Ti Baro a Naimbag a Damag Biblia

²³ Agragsakkayo no mapasamak ti kasta ket aglagtokayo iti rag-o, ta adda dakkel a gunggonayo sadi langit. Kasta met ti inaramid dagiti kapuonanda kadagiti profeta.

Ti Biblia (1973)

²³ Agrag-ocayo iti dayta nga aldaw ket aglagtocayo iti ragsac: ta adtoy, ti gonggonayo dackelto sadi langit: ta casta met laeng ti inaramid dagidi ammada cadagiti mammadto,

San Lucas 6:23 Iomraidhean Croise

2 Samuel 6:16

Idi madamada nga iserrek ti Lakasa iti siudad, timman-aw ni Mical nga anak ni Saul, ket nakitana ni Ari David nga agsalsala ken aglaglagto iti imatang ni Yahweh. Inumsi ni Mical ti ari.

1 Ar-ari 18:4

Idi madama ti panagpapatay ni Jezebel kadagiti profeta ni Yahweh, innala ni Abdias ti 100 kadakuada, ket inlemmengna ida iti dua a rukib—50 iti tunggal maysa. Inikkanna ida iti kanenda ken danum nga inumenda.)

1 Ar-ari 19:10

Insungbat ni Elias, “O Apo a Dios a Mannakabalin-amin, kanayon a siksika laeng ti pagserserbiak. Ngem winaswas dagiti Israelita ti katulaganda kenka, rinebbada dagiti altarmo ken pinapatayda dagiti amin a profetam. Sisiakon ti nabati—ket kayatdak pay a patayen!”

1 Ar-ari 19:14

Insungbatna, “O Apo a Mannakabalin-amin a Dios, kanayon a siksika laeng ti pagserserbiak. Ngem winaswas dagiti Israelita ti katulaganda kenka, rinebbada dagiti altarmo ket pinapatayda dagiti amin a profetam. Sisiakon ti nabati—ket kayatdak pay a patayen.”

1 Ar-ari 19:2

Pinaibaga ni Jezebel ken ni Elias: “Uray patayendak dagiti didiosen no diak aramiden kenka iti kastoy nga oras inton bigat ti kas iti inaramidmo kadagiti profeta.”

1 Ar-ari 21:20

Idi makita ni Ahab ni Elias, kinunana, “Nasarakannak kadi met laengen, sika a kabusorko?” Insungbat ni Elias, “Wen, gapu ta impamaysam ti agaramid iti dakes iti imatang ti Apo.

1 Ar-ari 22:27

Ibagam kadakuada nga ipisokda iti pagbaludan ket tinapay ken danum laeng ti ipakanda kenkuana agingga nga agsubliak a sikakaradkad.”

1 Ar-ari 22:8

“Adda pay maysa,” insungbat ni Ahab. “Isu ni Micaias nga anak ni Imla. Ngem kagurgurak ta awan pay naimbag nga impadtona maipapan kaniak; pasig a dakes.” “Saan a rumbeng a sawem dayta!” kinuna ni Jehosafat.

2 Ar-ari 6:31

Kinuna ti ari, “Uray patayennak ti Dios no diak paputolan ni Eliseo ita nga aldaw!”

2 Cronicas 36:16

Ngem rinabrabakda laeng dagiti naibaon ken dagiti profetana ket kinatkatawaanda ti aniaman nga ibagada. Nagangayanna, napunnoan ni Yahweh ket simged ti pungtotna kadagiti tattaona.

Nehemias 9:26

“Ngem immalsa dagiti tattaom, ket saanda a nagtulnog kenka; tinallikudanda ti Lintegmo. Pinatayda dagiti profeta a nangballaag kadakuada, a nangibaga kadakuada nga agsublida kenka. Masansan a laisendaka.

Dagiti Salmo 58:11

Kunanto dagiti tattao, “Pudno a magunggonaan dagiti nalinteg; awan duadua nga adda Dios a mangukom iti lubong!”

Isaias 35:6

Aglagto ken agsalanto dagiti pilay, ket agkantanto dagiti umel gapu iti rag-o. Agayusto ti danum iti let-ang;

Jeremias 2:30

Awan serserbi ti panangdusak kadakayo; diyo kayat ti paisuro kaniak. Kaskayo la narungsot a leon, a nangpapatay kadagiti profetayo.

Malakias 4:1

Kuna ni Yahweh a Mannakabalin-amin, “Umayen ti aldaw a mauram dagiti amin a natangsit ken managdakdakes a tattao. Iti dayta nga aldaw, mauramdanto a kasla arutang ket pulos nga awanto ti mabati kadakuada.

San Mateo 5:12

Agrag-o ken agragsakkayo, agsipud ta dakkel ti gunggonayo sadi langit. Ta kastoy ti panangidadanes dagiti tattao kadagiti profeta nga immun-una ngem dakayo.”

San Lucas 1:41

Apaman a nangngeg ni Elisabet ti kablaaw ni Maria, naggaraw ti ubing iti tianna. Napno ni Elisabet iti Espiritu Santo.

San Lucas 1:44

Ta apaman a nangngegko ti kablaawmo, naggaraw ti ubing iti tianko gapu iti ragsakna.

San Lucas 6:35

Saan a kasta ti aramidenyo! Ayatenyo ketdi dagiti kabusoryo ket ipaayanyo ida iti imbag. Agpabulodkayo, ngem diyo namnamaen a masupapakankayo. No aramidenyo dagitoy, dakkelto ti gunggonayo ket annaknakayto ti Kangatoan. Ta naasi ti Dios kadagiti di makaammo nga agyaman ken kadagiti managdakdakes.

Dagiti Aramid 14:10

sana kinuna iti napigsa, “Tumakderka!” Ket limmagto ti lalaki ket nagpagnapagna.

Dagiti Aramid 3:8

napalagto a timmakder, ket rinugianna ti nagna. Naglaglagto a kimmuyog kadakuada a simrek iti Templo ket sadiay, indaydayawna ti Dios.

Dagiti Aramid 5:41

Pimmanaw dagiti apostoles iti saklang ti Sanhedrin. Kasta unay ti ragsakda ta imbilang ida ti Dios a maikari nga agsagaba iti pannakaibabain gapu ken ni Jesus.

Taga-Roma 5:3

Agragsaktayo met kadagiti rigrigattayo, ta ammotayo a ti rigat pataudenna ti panagibtur.

2 Taga-Corinto 12:10

Gapu ken ni Cristo, awan aniamanna kaniak no nakapsutak, no mapabpabainanak wenno agsagabaak iti rigat. Awan aniaman dagiti pannakaidadanes ken didigra a paglasatak. Ta napigsaak iti kanito a nakapsutak.

Taga-Colosas 1:24

Ita, maragsakanak kadagiti sagsagabaek gapu kadakayo. Ta babaen kadagitoy, punnoak ti pagkurangan ti panagsagabak a kasapulan iti panagserbi ken ni Cristo. Maipaay daytoy a panagsagaba iti iglesia a bagi ni Cristo.

2 Timoteo 2:12

No makaibturtayo, makipagturaytayto met kenkuana. No kunatayo a saantayo nga am-ammo, kunananto met a dinatay am-ammo.

Hebreo 11:26

Imbilangna a napatpateg nga adayo ti panagsagaba a maipuon iti Cristo ngem ti amin a kinabaknang ti Egipto agsipud ta kanayon a situturong ti panagkitana iti gunggona iti masakbayan.

Hebreo 11:6

Ngem no awan ti pammati, saan a mabalin a maparagsak ti Dios. Ta no umasidegka iti Dios, masapul a patiem nga adda Dios a manggunggona kadagiti agsapul kenkuana.

Santiago 1:2

Kakabsatko, ibilangyo a ragsak no aglak-amkay iti amin a kita ti pakarigatan

1 Pedro 4:13

Maragsakankayo koma ketdi ta agsagsagabakay iti wagas a panagsagaba ni Cristo tapno naan-anay ti rag-oyo inton maiparangarang ti dayagna.

Paltiing 2:17

“No adda pannakaawatyo, denggenyo ngarud ti kuna ti Espiritu kadagiti iglesia: “Ti agballigi, ikkakto iti naidulin a taraon. Ikkakto pay ti tunggal maysa iti puraw a bato a nakaimalditan ti baro a nagan nga awan ti makaammo malaksid ti umawat.”

Paltiing 2:26

Ti agballigi nga agtungpal iti pagayatak agingga iti panungpalan, ikkakto iti pannakabalin a kas iti inawatko ken ni Amak: Pagturayekto kadagiti nasion

Paltiing 2:7

“No adda pannakaawatyo, denggenyo ngarud ti sao ti Espiritu kadagiti iglesia: “Ti agballigi, ikkakto iti kalintegan a mangan iti bunga ti kayo ti biag nga adda iti minuyongan ti Dios.”

Paltiing 21:7

Daytoy ti gunggona ti agballigi: Siakto ti Diosna ket isunto ti anakko.

Paltiing 3:12

“Ti agballigi, pagbalinekto a maysa kadagiti adigi iti templo ti Diosko, ket agyanto sadiay iti agnanayon. Ikitikitkonto kenkuana ti nagan ti Diosko ken ti nagan ti siudad ti Diosko, ti baro a Jerusalem a bumabanto manipud langit ken aggapu iti Diosko. Ikitikitkonto met kenkuana ti baro a naganko.

Paltiing 3:5

Kastoyto ti pannakakawes ti agballigi, ket diakto punasen ti naganna iti libro ti biag. Ipaduyakyakkonto ti naganna iti sangoanan ni Amak ken dagiti anghelesna nga isu ket kukuak.