San Lucas 6:21 - Ti Baro a Naimbag a Damag Biblia

²¹ “Nagasatkayo, dakayo a mabisin ita, ta mapnekkayto! “Nagasatkayo, dakayo nga agsangit ita, ta agkatawakayto!

Ti Biblia (1973)

²¹ Nagasatcayo a mabisbisinan ita ta mapneccayto. Nagasatcayo nga agsangsangit ita; ta agragragsaccayto.

San Lucas 6:21 Iomraidhean Croise

Genesis 17:17

Nagpakleb ni Abraham iti daga ngem nagkatawa idi malagipna ti kinalakayna. Kinunana iti bagina, “Makaputot pay ngata ti lalaki a 100 ti tawenna? Aganak pay ngata ni Sara idinto a 90 ti tawennan?”

Genesis 21:6

Kinuna ni Sara, “Inikkannak ti Dios iti panggapuak nga agragsak ken agkatawa. Makipagkatawanto met amin dagiti makangngeg iti daytoy.”

Dagiti Salmo 107:9

Painumenna dagiti mawaw; ikkanna iti agkakaimbag a banag dagiti mabisin.

Dagiti Salmo 119:136

Kas karayan nga agayus dagiti luak, gapu kadagiti tattao a mangsukir iti lintegmo.

Dagiti Salmo 143:6

Ingatok dagiti imak nga agkararag kenka kasla natikag a daga toy kararuak a mawaw kenka.

Dagiti Salmo 17:15

Ngem makitakanto gapu ta awan dakes nga aramidko; ket gapu iti kaaddam, no makariingak mapnoakto iti rag-o.

Dagiti Salmo 28:7

Ni Yahweh ti pigsak ken kalasagko, kenkuana isaadko ti panagtalekko. Tinulongannak isut' gapuna nga agrag-oak; agkantaak kadagiti himno a pagdaydayaw kenkuana.

Dagiti Salmo 65:4

Nagasat dagiti piliem a tattao, isuda nga awisem nga agtaeng iti santuariom! Mapnekkaminto iti agkakaimbag iti balaymo, kadagiti bendision iti nasantoan a Templom!

Isaias 25:6

Ditoy Bantay Sion, mangisagananto ti Apo a Mannakabalin-amin iti padaya nga agpaay kadagiti amin a nasion ditoy lubong. Maidasarto dagiti agkakabaknang a taraon ken agkakaimas nga arak.

Isaias 30:19

Dakayo nga agnaed iti Jerusalem, dikayton agsangit. Manangngaasi ti Apo ket no umasugkayo nga agpatulong kenkuana, ipangagnakayo.

Isaias 66:10

Makipagragsakkayo iti Jerusalem; agrag-okayo gapu kenkuana, dakay a mangipatpateg iti daytoy a siudad. Makipagrag-okayo itan kenkuana, dakay a nangdung-aw idi kenkuana.

Jeremias 13:17

No dikay mangipangag, sangitakto iti nalimed ti kinatangsityo. Agsangitakto iti napait ket agarubosto ti luak agsipud ta naipanaw a kas balud dagiti tattao ti Apo.

Jeremias 31:25

Pabaroekto ti pigsa dagiti nautoyan ket bussogekto dagiti napakapsutan iti bisin.

Jeremias 31:9

Agsangsangitto dagiti tattaok nga agsubli; agkarkararagdanto bayat ti panangyawidko kadakuada. Iturongkonto ida kadagiti agay-ayus a danum; nasimpa a dalan ti pagnaanda tapno dida maitibkol. Siak ti pannakaama ti Israel, ket ni Efraim ti inauna nga anakko.”

Jeremias 9:1

Kasla koma bubon ti ulok, ket dagiti matak ubbog ti lua, tapno aldaw ken rabii nga agsangitak gapu kadagiti napapatay a tattaok.

Ezekiel 7:16

Addanto dagiti agkamang kadagiti bambantay a kasla napabutngan a kalapati manipud kadagiti tanap. Agsasainnekdanto gapu kadagiti basbasolda.

Ezekiel 9:4

Kinunana, “Sursorem ti siudad ti Jerusalem, ket markaam ti muging dagiti agasug ken mariribukan gapu iti amin a makarimon a maar-aramid iti siudad.”

San Mateo 5:4

“Nagasat dagiti agladingit, ta liwliwaento ida ti Dios.

San Mateo 5:6

“Nagasat dagiti nasged ti tarigagayda a mangtungpal iti pagayatan ti Dios, ta mapnekdanto.

San Lucas 1:53

Pinennekna dagiti mabisin kadagiti agkakaimbag; Pinagtalawna nga ima-ima dagiti babaknang.

San Lucas 6:20

Kinita ni Jesus dagiti adalanna ket kinunana: “Nagasatkayo, dakay a napanglaw, ta kukuayo ti Pagarian ti Dios!

San Lucas 6:22

“Nagasatkayo no guraendakayo dagiti tattao, no didakay awaten, no pabainandakayo, no kunada a dakeskayo, gapu iti Anak ti Tao!

San Lucas 6:25

“Asikayo pay, dakay a mapnek ita, ta mabisinankayto! “Asikayo pay, dakay nga agkatawa ita, ta agdung-aw ken agsangitkayto!

San Juan 11:35

Nagsangit ni Jesus.

San Juan 4:10

“No ammom la koma ti sagut nga ited ti Dios ken no siasino ti dumawdawat kenka iti inumen, dumawatka koma kenkuana ket ikkannaka iti nabiag a danum,” insungbat ni Jesus.

San Juan 6:35

Kinuna ni Jesus kadakuada, “Siak ti tinapay ti biag. Ti umay kaniak, dinto mabisinan, ket ti mamati kaniak, dinto mawaw.

1 Taga-Corinto 4:11

Agpapan ita, kanayon nga awan umanay a kanen ken inumenmi; rutayrutay dagiti pagan-anaymi; makabkabilkami; agalla-allakami.

2 Taga-Corinto 11:27

Nabambannog ken narigrigatanak. Masansan a mapuyatanak. Nabisinan ken nawawak. Masansan nga awan kanek, awan balay a pagturogak wenno pagan-anayko.

2 Taga-Corinto 12:10

Gapu ken ni Cristo, awan aniamanna kaniak no nakapsutak, no mapabpabainanak wenno agsagabaak iti rigat. Awan aniaman dagiti pannakaidadanes ken didigra a paglasatak. Ta napigsaak iti kanito a nakapsutak.

2 Taga-Corinto 6:10

Uray no mapaladingitankami, naragsakkami latta. Kasla napanglawkami, ngem pabaknangenmi ti adu a tattao. Kasla awanankami, ngem iti kinaagpaysona, addaankami.

Santiago 1:12

Nagasat ti tao nga agtalinaed a natibker bayat ti pannakasuotna. Ngamin, no agballigi, awatennanto ti balangat ti biag nga inkari ti Dios kadagiti agayat kenkuana.

Paltiing 21:3

Nakangngegak iti napigsa a timek a naggapu iti trono. Kunana: “Agnaeden ti Dios iti sidong dagiti tattao! Makipagtaengto kadakuada ket isudanto ti ilina. Kaduadanto ti Dios, ket isunto ti Diosda.

Paltiing 7:16

Pulos a didanto agbisin wenno mawaw. Saandanton a mapudotan iti init wenno aniaman a makasinit