San Lucas 5:30 - Ti Baro a Naimbag a Damag Biblia

³⁰ Nagtantanabutob dagiti Fariseo ken dagiti kakaduada a mamaestro iti Linteg ket kinunada kadagiti adalan ni Jesus, “Apay a kalanglang ken kain-inumyo dagiti agsingsingir iti buis ken dagiti dakes a tattao?”

Ti Biblia (1973)

³⁰ Ket dagiti Fariseo ken dagiti escriba idiay nagtanabutobda ket kinunada cadagiti adalanna: Apayapay makipangan ken makiinumcayo cadagiti agsingsingir ti buis ken cadagiti managbasol?

San Lucas 5:30 Iomraidhean Croise

Isaias 65:5

Kalpasanna, ibagada kadagiti tattao nga umadayoda ket dida sagiden ida ta nasantoanda unay. Diak maanusan dagiti kastoy a tattao. Kasla apuy a saan a maiddep ti pungtotko kadakuada.

San Mateo 5:46

Apay a gunggonaannakayo koma ti Dios no dagiti laeng agayat kadakayo ti ayatenyo? Kasta met ti aramiden dagiti agsingsingir iti buis!

San Mateo 9:11

Nakita dagiti sumagmamano a Fariseo daytoy, ket kinunada kadagiti adalanna, “Apay a makipangan ti maestroyo kadagiti kakasta a tattao?”

San Marcos 2:16

Adda sumagmamano a mamaestro iti Linteg a kamkameng ti grupo dagiti Fariseo. Idi makitada a makipangpangan ni Jesus kadagiti managbasol ken agsingsingir iti buis, sinaludsodda kadagiti adalanna, “Apay a kalanglangna dagiti agsingsingir iti buis ken dagiti managbasol?”

San Marcos 7:3

Ta annuroten dagiti Fariseo, agraman dagiti dadduma a Judio dagiti pannursuro nga impatawid dagiti ammada. Dida mangan no dida buggoan dagiti imada iti umisu a panagbuggo.

San Marcos 9:16

“Ania ti pagsusuppiatanyo?” sinaludsod ni Jesus.

San Lucas 18:11

“Nagtakder ti Fariseo iti napakni a lugar ket inkararagna a siuulimek: ‘Agyamanak kenka, O Dios, ta saanak a kas kadagiti dadduma a naagum, naulbod wenno makikamkamalala. Agyamanak met ta saanak a kas iti daytoy nga agsingsingir iti buis.

San Lucas 19:7

Nagtanabutob amin a nakakita iti daytoy. “Napan pinasangaili daytoy a tao iti balay ti maysa a managbasol!” kinunada.

San Lucas 5:17

Iti maysa nga aldaw, idi mangisursuro ni Jesus, agtutugaw sadiay ti sumagmamano a Fariseo ken mamaestro iti Linteg. Naggapuda kadagiti amin nga il-ili iti Galilea ken Judea, agraman Jerusalem. Adda ken ni Jesus ti pannakabalin ti Apo a mangpaimbag kadagiti masaksakit.

San Lucas 5:21

Nagtantanabutob dagiti mamaestro iti Linteg, kasta met dagiti Fariseo, ket kinunkunada: “Apay a kastoy ti panagsao daytoy a tao? Maibusor iti Dios ti sasawenna! Ti laeng Dios ti makapakawan kadagiti basbasol!”

San Lucas 7:34

Immay ti Anak ti Tao. Nangnangan ken immin-inum ket kinunayo: ‘Kitaenyo daytoy a tao! Narawet ken mammartek. Gayyem dagiti agsingsingir iti buis ken dadduma pay a dakes a tattao!’

San Lucas 7:39

Idi makita daytoy ti Fariseo a nangawis ken Jesus, kinunana iti nakemna: “No pudno a profeta daytoy a tao, ammona koma no siasino daytoy a babai a mangsagsagid kenkuana. Ammona koma ti kadakes ti panagbiagna!”

Dagiti Aramid 23:9

Pimmigsa ti panagpipinnukkawda ket timmakder ti sumagmamano a mamaestro iti Linteg a kamkameng dagiti Fariseo. Sipipingetda a nangikalintegan. “Awan dakes a masarakanmi iti daytoy a tao,” kinunada. “Nalabit a pudno nga adda espiritu wenno anghel a nakisao kenkuana!”