San Lucas 5:21 - Ti Baro a Naimbag a Damag Biblia

²¹ Nagtantanabutob dagiti mamaestro iti Linteg, kasta met dagiti Fariseo, ket kinunkunada: “Apay a kastoy ti panagsao daytoy a tao? Maibusor iti Dios ti sasawenna! Ti laeng Dios ti makapakawan kadagiti basbasol!”

Ti Biblia (1973)

²¹ Ket dagiti escriba ken dagiti Fariseo rinugianda a pinanunot a kinuna: Asino daytoy nga agsasao iti tabbaaw? Asino ti macabalin a mamacawan cadagiti basbasol no saan laeng a ti Dios?

San Lucas 5:21 Iomraidhean Croise

Dagiti Salmo 103:3

Pakawanenna ti amin a basolko, paimbagenna ti amin a sakitko.

Dagiti Salmo 130:4

Ngem pakawanennakami, tapno agbutengkami ken agdayawkam kenka.

Dagiti Salmo 32:5

Impudnok kenka dagiti basolko; diak inlimed dagiti labsingko. “Inkeddengko nga ipudno kenka dagiti basbasolko,” kinunak, ket pinakawanmo dagiti amin a salungasingko.

Dagiti Salmo 35:5

Kasda la koma taep a mayangin, idinto a kamaten ida ti anghel ti Apo!

Isaias 1:18

Kuna ni Yahweh, “Ita, umaykayo ta aglilinnawagtayo. Nalabaga ti mansayo gapu iti basol, ngem dalusankayo agingga nga agbalinkayo a napudaw a kas iti kapas. Uray no nakalablabbaga ti mansayo, pumudawkayto a kas iti puraw a de lana.

Isaias 43:25

“Ngem siak ti Dios a mangikkat kadagiti basolmo, ket aramidek daytoy gapu iti kinadiosko. Diakton isingir dagiti basbasolmo.

Isaias 44:22

Pinunasko dagiti basbasolmo, kasla ulep a pinukawko. Agsublika ngarud kaniak ta siak ti mangisalakan kenka.”

Daniel 9:19

O Apo, timudennakami. O Apo, pakawanennakami. O Apo, denggennakami ket tulongannakami tapno maammoan ti amin a sika ti Dios. Dika koma agtaktak! Kukuam daytoy a siudad ken dagitoy a tattao.”

Daniel 9:9

Manangngaasi ken sisasaganaka a mamakawan, uray no sinukirdaka.

Levitico 24:16

ket mapapatay. Siasinoman a mangilunod ken ni Yahweh, Israelita man wenno ganggannaet, masapul a batoen ti entero a gimong agingga a matay.

Mikias 7:19

Kaasiannakami manen. Payatpayatem dagiti basolmi ket ipanmo ida iti lansad ti taaw.

San Mateo 26:65

Iti kasta, rinay-ab ti Kangatoan a Padi ti pagan-anayna. “In-insultoenna ti Dios! Ania pay la ti pakasapulantayo kadagiti saksi?” kinunana. “Nangngegyon dagiti saona a maikaniwas iti Dios.

San Mateo 9:3

Iti kasta, kinuna ti sumagmamano kadagiti mamaestro iti Linteg iti nakemda, “Agsasao daytoy a tao iti maibusor iti Dios.”

San Lucas 3:8

Ipakitayo babaen iti aramidyo a nagbabawikayon kadagiti basbasolyo. Ket diyo kunkuna iti bagiyo: ‘Uray ta nagtaudkam iti kaputotan ni Abraham!’ Ibagak kadakayo a kabaelan ti Dios a pagbalinen dagitoy a bato nga annak ni Abraham!

San Lucas 5:17

Iti maysa nga aldaw, idi mangisursuro ni Jesus, agtutugaw sadiay ti sumagmamano a Fariseo ken mamaestro iti Linteg. Naggapuda kadagiti amin nga il-ili iti Galilea ken Judea, agraman Jerusalem. Adda ken ni Jesus ti pannakabalin ti Apo a mangpaimbag kadagiti masaksakit.

San Lucas 5:22

Ammo ni Jesus ti kapanunotanda ket kinunana kadakuada, “Apay a kasta ti pampanunotenyo?

San Lucas 7:49

“Siasino daytoy a tao a mamakawan uray pay kadagiti basbasol?” kinuna iti nakem dagiti dadduma a sisasango iti panganan.

San Juan 10:33

“Saandaka nga uboren gapu kadagiti naimbag nga aramid, no di ket gapu iti saom a maikontra iti Dios,” insungbatda. “Maysaka la a tao, ket pagbalinem ketdin a Dios ta bagim!”

Taga-Roma 8:33

Siasinonto ti mangidarum kadagiti pinili ti Dios? Ti mismo a Dios, ibilangna ida nga awan basolda!