San Lucas 4:7 - Ti Baro a Naimbag a Damag Biblia

⁷ Ngarud, no agrukbabka kaniak, kukuamto amin dagitoy.”

Ti Biblia (1973)

⁷ Ngarud no agrubabca nga agdayaw caniac cucuamto amin ida.

San Lucas 4:7 Iomraidhean Croise

Dagiti Salmo 72:11

Agrukbabto dagiti amin nga ari kenkuana, agserbinto kenkuana dagiti amin a pagilian.

Isaias 45:14

Kuna ni Yahweh iti Israel, “Kukuamto ti kinabaknang ti Egipto ken Etiopia, tagabuemto dagiti natatayag a tattao ti Seba; sikakawardanto a sumursurot kenka. Agrukbabdanto kenka ket kunada, ‘Adda ti Dios kenka, is-isu laeng ti Dios.

Isaias 46:6

Luktan dagiti tattao dagiti supotda ket ibukbokda dagiti balitok; timbangenda dagiti pirak. Manangdanda iti platero nga agaramid iti didiosen a pagrukbaban ken pagdaydayawanda.

San Mateo 2:11

Simrekda iti balay ket nakitada ti ubing ken ni Maria nga inana. Nagparintumengda a nagrukbab kenkuana. Kalpasanna, inruarda dagiti sagsagutda a balitok, insenso ken mirra ket indatonda kenkuana.

San Lucas 17:16

Nagparintumeng iti sangoanan ni Jesus ket nagyaman kenkuana. Samaritano daytoy a lalaki.

San Lucas 4:6

“Itedkonto kenka amin dagitoy a pannakabalin ken dagitoy a kinabaknang,” kinuna ti Diablo. “Nayawatda amin kaniak ket mabalinko nga ited iti siasinoman a kayatko a pangtedan.

San Lucas 4:8

“Kuna ti Nasantoan a Surat: ‘Agdayawka iti Apo a Diosmo ket isu laeng ti pagserbiam,’” insungbat ni Jesus.

San Lucas 8:28

Apaman a nakitana ni Jesus, nagikkis sa nagparintumeng iti sangoananna. “Jesus nga Anak ti Dios a Kangatoan!” impukkawna. “Ania ti kayatmo kaniak? Pangngaasim ta dinak parigaten.”

Paltiing 22:8

Siak ni Juan a nakangngeg ken nakakita kadagitoy a bambanag. Kalpasan ti pannakangngeg ken pannakakitak kadagitoy, nagpaklebak iti sakaanan ti anghel tapno agdaydayawak kenkuana.

Paltiing 4:10

agrukbab dagiti duapulo ket uppat a panglakayen iti sangoanan ti trono ket agdaydayawda iti situtugaw sadiay, isu nga agbiag iti agnanayon nga awan inggana. Ipurruakda ti koronada iti sangoanan ti trono sada kuna:

Paltiing 5:8

Bayat ti panangalana, nagruknoy dagiti uppat a sibibiag a parsua ken dagiti duapulo ket uppat a panglakayen iti sangoanan ti Kordero. Adda arpa ti tunggal maysa ken balitok a malukong a napno iti insenso nga isu dagiti karkararag dagiti tattao ti Dios.