San Lucas 4:6 - Ti Baro a Naimbag a Damag Biblia

⁶ “Itedkonto kenka amin dagitoy a pannakabalin ken dagitoy a kinabaknang,” kinuna ti Diablo. “Nayawatda amin kaniak ket mabalinko nga ited iti siasinoman a kayatko a pangtedan.

Ti Biblia (1973)

⁶ Ket kinunana kencuana: Amin dagitoy a pannacabalin, ken ti dayag dagitoy a pagpagarian itedco kenca, ta naitedda caniac, ket itedco iti pagayatac.

San Lucas 4:6 Iomraidhean Croise

Ester 5:11

Impasindayagna kadakuada ti kinabaknangna ken ti kaadu dagiti annakna a lallaki. Impalangguadna pay ti panangingato ti ari kenkuana iti saad, nga isun ti kangatoan nga ofisial ket nangatngato ngem dagiti dadduma nga ofisiales ti ari.

Isaias 23:9

Inaramid daytoy ti Apo a Mannakabalin-amin tapno gibusanna ti kinapalangguadda gapu iti inaramidda ken tapno ibabainna dagiti natan-ok a tattaoda.

Isaias 5:14

Kayat ida nga alun-onen ti lubong dagiti natay, ket silulukat ti ngiwatna kadakuada. Alun-onenna dagiti natan-ok a tattao ti Jerusalem agraman dagiti naariwawa nga umili.

San Lucas 4:7

Ngarud, no agrukbabka kaniak, kukuamto amin dagitoy.”

San Juan 12:31

“Itan ti pannakaukom daytoy a lubong. Itan ti pannakaparmek ti agturay iti daytoy a lubong.

San Juan 14:30

Diak makapagbayagen a makisao kadakayo, ta umayen ti agturay iti daytoy a lubong. Saannak nga iturayan,

San Juan 8:44

Annaknakayo ti Diablo nga amayo, ket kayatyo a tungpalen ti pagayatanna. Mammapatayen manipud idi damo ket pulos a dina kanunongan ti pudno, ta awan kenkuana ti pudno. No agulbod, ar-aramidenna laeng ti natural kenkuana ta sigud nga ulbod ken ama ti amin a kinaulbod.

2 Taga-Corinto 11:14

Saan a nakaskasdaaw daytoy! Uray ni Satanas, kabaelanna ti agparang a kasla anghel ti lawag!

Taga-Efeso 2:2

Sinurotyo idi ti dakes a panagbiag daytoy a lubong. Pinaiturayankayo iti naespirituan a pannakabalin ti tangatang, ti espiritu a mangituray ita kadagiti tattao a saan nga agtulnog iti Dios.

1 Pedro 1:24

Kas kuna ti Nasantoan a Surat: “Kasla ruot dagiti amin a tattao Ket mayarig kadagiti sabong ti dayagda, Magango ti ruot, ket maregreg ti sabongna

1 Juan 5:19

Ammotayo a kukuanatayo ti Dios, nupay iturturayan ti Managdakdakes ti entero a lubong.

Paltiing 12:9

Naitappuak ti dakkel a dragon, daydi uleg idi ugma a managan Diablo wenno Satanas, a mangal-allilaw iti entero a lubong. Naitappuak ditoy daga agraman dagiti anghelesna.

Paltiing 13:2

Kasla leopardo ti nakitak nga animal, kasla agsaksaka nga oso, ken kasla agngiwngiwat a leon. Inted kenkuana ti dragon ti bukodna a pannakabalin, ti trono ken ti naindaklan a turayna.

Paltiing 13:7

Napalubosan a manggubat ken mangparmek kadagiti tattao ti Dios, ket naikkan iti kalintegan a mangituray kadagiti tattao iti amin a tribu, pagilian, pagsasao ken puli.