San Lucas 4:40 - Ti Baro a Naimbag a Damag Biblia

⁴⁰ Idi lumlumneken ti init, amin nga adda gagayyemna nga agsagsagaba iti uray ania a kita ti sakit, impanda dagitoy a masakit ken ni Jesus. Impatayna ti imana iti tunggal maysa ket naimbaganda amin.

Ti Biblia (1973)

⁴⁰ Ket idi lumlumnec ti init, isu-amin dagiti adda masakitda cadagiti nadumaduma a sacsakit, impanda kencuana: ket isu, iti panangipatayna cadagiti imana iti tunggal maysa cadacuada, pinaimbagna ida.

San Lucas 4:40 Iomraidhean Croise

San Mateo 11:5

makakita dagiti bulsek, makapagna dagiti pilay, mapaimbag dagiti agkukutel, makangngeg dagiti tuleng, mapagungar dagiti natay, ket maikaskasaba ti Naimbag a Damag kadagiti napanglaw.

San Mateo 14:13

Idi naammoan ni Jesus ti napasamak, nagbangka a napan nagpakni nga is-isuna iti maysa a lugar nga awan matagtagitao. Ngem idi nadamag dagiti tattao ti ipapanawna, pinanawanda dagiti il-ilida ket nagnagnada a simmurot kenkuana.

San Marcos 3:10

Ta adu ti inagasanna ket agdidinnuron amin dagiti masakit nga umasideg a sumagid kenkuana.

San Marcos 5:23

“Ngannganin matay ti balasitang nga anakko. Pangngaasim ta umaymo ipatay ta imam kenkuana tapno umimbag ket agbiag pay!”

San Marcos 6:5

Awan a pulos ti naaramidna a milagro sadiay, malaksid ti panangpaimbagna iti sumagmamano a masakit babaen iti panangipatayna iti imana kadakuada.

Dagiti Aramid 19:12

Uray dagiti panio ken apron nga inaramatna, naipanda kadagiti masakit. Napaimbagda ket napaksiat dagiti dakes nga espiritu kadakuada.

Dagiti Aramid 5:15

Gapu iti ar-aramiden dagiti apostoles, naipan dagiti masakit kadagiti kalkalsada. Naipaiddada kadagiti papag ken ikamen tapno no lumabas ni Pedro, uray ti anniniwanna laeng ti manglinong iti dadduma kadakuada.