San Lucas 4:34 - Ti Baro a Naimbag a Damag Biblia

³⁴ “Ania ti kayatmo kadakami, Jesus a taga-Nazaret?” kinunana. “Umaynakami kadi dadaelen? Am-ammoka! Sika ti Nasantoan nga imbaon ti Dios.”

Ti Biblia (1973)

³⁴ A cuncunana: Ala! ania ti pacaibianganmi kenca, Jesus a Nazareno? Immayca a mangdadael cadacami? Siac amammoca no asinoca, sica ti Santo ti Dios.

San Lucas 4:34 Iomraidhean Croise

Genesis 3:15

Pagginnuraenkayto iti babai. Saanto nga agpatingga ti panagbinnusor dagiti kaputotanyo. Rim-itento ti kaputotanna ti ulom ket kagatemto met ti mukodna.”

1 Ar-ari 17:18

Kinuna ti babai ken ni Elias, “Tao ti Dios, apay aya nga inaramidmo kaniak daytoy? Immayka kadi ditoy tapno ipalagipmo dagiti basolko ket iti kasta, yegmo ti ipapatay ti anakko?”

Dagiti Salmo 16:10

Ngamin, iti bileg ni patay salaknibannak, ket iti lubong dagiti natay, dimo bay-an nga agrupsa ti ay-ayatem.

Daniel 9:24

“Mamimpito a pitopulo a lawas dagiti tawtawen ti kabayag ti intuding ti Dios a mapalabas sananto wayawayaan dagiti kailiam ken ti nasantoan a siudadmo iti dakes ken panagbasol. Mapakawanton ti basol ket maipasdekton ti agnanayon a kinalinteg, tapno pumayso ti parmata ken ti padto, ket maidaton manen ti nasantoan a Templo.

San Mateo 8:29

Idi makaasidegda ken Jesus, nagikkisda a dagus ket kinunada kenkuana, “Anak ti Dios, ania ti kayatmo nga aramiden kadakami? Umaynakami kadi dusaen sakbay ti naituding a tiempo?”

San Marcos 1:24

“Ania ti gagaram kadakami, Jesus a taga-Nazaret?” inyikkisna. “Immayka kadi a mangdadael kadakami? Am-ammoka: sika ti nasantoan nga imbaon ti Dios!”

San Marcos 1:34

Pinaimbag ni Jesus dagiti adu nga agsagsagaba iti nadumaduma a kita ti sakit. Pinaksiatna ti adu a demonio. Ngem dina pinalubosan nga agsao dagiti demonio ta ammoda ti kinasiasinona.

San Marcos 5:7

“Jesus, Anak ti Dios a Kangatoan. Apay a singaennak? Iti nagan ti Dios, dinak kadi parigaten.” (

San Lucas 1:35

“Umayto kenka ti Espiritu Santo,” insungbat ti anghel. “Salinongannakanto ti pannakabalin ti Dios. Daytoy ti gapuna a nasantoanto ti ubing, ket maawaganto iti Anak ti Dios.

San Lucas 4:33

Iti sinagoga, adda lalaki a linuganan ti dakes nga espiritu. Nagikkis iti napigsa.

San Lucas 4:41

Rimmuar met dagiti demonio kadagiti adu a tattao ket inyik-ikkisda: “Sika ti Anak ti Dios!” Ngem inungtan ida ni Jesus. Dina impalubos nga agsaoda ta ammoda nga isu ti Cristo.

San Lucas 8:28

Apaman a nakitana ni Jesus, nagikkis sa nagparintumeng iti sangoananna. “Jesus nga Anak ti Dios a Kangatoan!” impukkawna. “Ania ti kayatmo kaniak? Pangngaasim ta dinak parigaten.”

San Lucas 8:37

Gapu iti kasta unay a buteng dagiti Gergeseno, dinawatda ken ni Jesus a pumanaw sadiay. Limmugan ngarud ni Jesus iti bangka ket pimmanaw.

Dagiti Aramid 16:39

Isut' gapuna a napanda nagpadispensar kadakuada. Inruarda ida iti pagbaludan sada dinawat a pumanawda iti dayta a siudad.

Dagiti Aramid 2:27

Iti lubong dagiti natay dimonto baybay-an toy kararua; Dimonto ipalubos nga agrupsa toy nasantoan nga adipenmo.

Dagiti Aramid 3:14

Wen, linaksidyo ti Nasantoan ken Nalinteg. Dinawatyo ketdi a wayawayaan ni Pilato ti maysa a mammapatay.

Dagiti Aramid 4:27

Awan duadua a kasta ti napasamak: nagtataripnong da Herodes ken Poncio Pilato, agraman dagiti Hentil ken dagiti Israelita iti daytoy a siudad. Nagplanoda iti maibusor ken ni Jesus a nasantoan nga Adipenmo, isu a dinutokam a Cristo.

Hebreo 2:14

Yantangay ta tattao dagitoy nga annak, kas awagna kadakuada, nagbalin met ni Jesus a tao a kas kadakuada ket nakiraman iti kinataoda. Inaramidna daytoy tapno babaen iti ipapatayna, pukawenna ti Diablo nga adda pannakabalinna ken ni patay,

Santiago 2:19

Mamatikayo kadi a maymaysa ti Dios? Nasayaat! Ngem laglagipenyo a mamati met dagiti demonio—ket agpigergerda pay iti buteng.

1 Juan 3:8

Ngem kadua ti Diablo ti saan a sumardeng nga agbasol, ta nagbasolen ti Diablo manipud pay idi punganay. Daytoy ti gapuna nga immay ti Anak ti Dios tapno dadaelenna dagiti aramid ti Diablo.

Paltiing 20:2

Tiniliwna ti dragon, daydi duduogan nga uleg nga isu ti Diablo ken Satanas, sana kinawaran tapno saan a makaruk-at iti unos ti 1,000 a tawen.

Paltiing 3:7

“Kastoy ti isuratmo iti anghel ti iglesia idiay Filadelfia: “Daytoy ti mensahe ti nasantoan ken napudno. Ig-iggamanna ti tulbek a kukua idi ni David. No adda ilukatna, awan ti makairikep, ket no adda rikpanna, awan ti makailukat. Kunana: