San Lucas 4:23 - Ti Baro a Naimbag a Damag Biblia

²³ Ngem simmungbat ni Jesus, “Awan duadua nga ibagayo kaniak daytoy a pagsasao: ‘Doktor, agasam ta bagim.’ Kunayo ngata pay: ‘Aramidem ditoy ilim dagiti nadamagmi nga inar-aramidmo idiay Capernaum.’”

Ti Biblia (1973)

²³ Ket kinunana cadacuada: Awan duadua a cunaenyonto ngata caniac daytoy a cayarigan: Mangngagas, agasam man ta bagim met laeng; cadagiti adu a nangngegmi a naararamid idiay Capernaum, aramidem met ditoy ilim.

San Lucas 4:23 Iomraidhean Croise

San Mateo 13:54

ket nagsubli iti ilina. Nangisuro iti sinagogada ket nagsiddaaw dagiti nagdengngeg kenkuana. “Sadino ti nangalaanna iti kasta a sirib ken pannakabalin nga agaramid kadagiti milagro?” sinaludsodda.

San Mateo 4:13

Saan a nagtaeng idiay Nazaret. Napan ketdi nagnaed idiay Capernaum, maysa nga ili iti igid ti Dan-aw ti Galilea, iti sakup dagiti daga ti Zabulon ken Neftali.

San Mateo 4:23

Sinursor ni Jesus ti amin a paset ti Galilea. Nangisursuro iti uneg dagiti sinagogada. Inkaskasabana ti Naimbag a Damag maipapan iti Pagarian. Nangag-agas kadagiti nadumaduma a saksakit ken sagsagabaen dagiti tattao.

San Marcos 6:1

Pimmanaw ni Jesus iti dayta a lugar ket nagsubli iti ilina. Simmurot kenkuana dagiti adalanna.

San Lucas 2:39

Idi naaramiden da Jose ken Maria ti amin nga ipaannurot ti linteg ti Apo, nagsublida iti ilida a Nazaret idiay Galilea.

San Lucas 2:51

Nakikuyog ni Jesus kadakuada a nagawid idiay Nazaret, ket sadiay, nagbalin a natulnog nga anak. Sinalimetmetan amin dagitoy ni inana iti pusona.

San Lucas 4:16

Napan ni Jesus idiay Nazaret, ti ili a dimmakkelanna. Kas kadawyanna iti Aldaw a Panaginana, simrek iti sinagoga. Timmakder a mangbasa iti Nasantoan a Surat,

San Lucas 4:31

Simmalog ni Jesus idiay Capernaum, maysa nga ili idiay Galilea. Nangisuro kadagiti tattao iti Aldaw a Panaginana.

San Lucas 4:35

Binilin ni Jesus ti espiritu. “Agulimekka,” kinunana, “ket rummuarka iti dayta a tao!” Tinumba ti demonio ti tao iti sangoananda amin ket rimmuar kenkuana a dina inan-ano.

San Lucas 6:42

Kasano ti panagkunam nga ikkatem ti puling iti mata ni kabsatmo no dimo pay madlaw ti troso iti matam? Sika nga aginsisingpet! Ikkatem pay nga umuna ti troso iti matam, tapno nalawag ti panagkitam a mangikkat iti puling nga adda iti mata ni kabsatmo.”

San Juan 4:28

Pinanawan ti babai ti karambana ket nagsubli iti ili. “Umaykayo!” kinunana kadagiti tattao.

2 Taga-Corinto 5:16

Ngarud, dimi bigbigenen ti siasinoman babaen iti pagrukodan ti tao. Uray no binigbigmi idi ni Cristo babaen iti daytoy a pagrukodan, dimi aramiden itan.