San Lucas 3:7 - Ti Baro a Naimbag a Damag Biblia

⁷ Nakaad-adu a tattao ti napan ken ni Juan tapno agpabuniagda kenkuana. Kinunana kadakuada, “Dakayo a kaputotan ti karasaen, siasino ti nangibaga a malisianyo ti dandanin dumteng a pannusa ti Dios?

Ti Biblia (1973)

⁷ Ket cunana cadagidi adu a tattao nga immaway a pabautizaran kencuana: O caputotan dagiti carasaen, asino ti namalacad a pumanawcayo iti pungtot nga umayto?

San Lucas 3:7 Iomraidhean Croise

Genesis 3:15

Pagginnuraenkayto iti babai. Saanto nga agpatingga ti panagbinnusor dagiti kaputotanyo. Rim-itento ti kaputotanna ti ulom ket kagatemto met ti mukodna.”

Isaias 59:5

Mayarig iti makasabidong nga itlog ti nagita nga uleg dagiti dakes a panggepyo. Pis-itenyo ti itlog ket rummuar ti maysa nga uleg. Ngem awan imbag nga ited dagiti panggepyo. Awan serserbida a kas iti pagan-anay a naaramid iti sapot ti lawwalawwa.

San Mateo 12:34

Dakayo a kaputotan ti uleg, kasano ti panagsaoyo iti naimbag idinto a dakeskayo? Ta isawang ti ngiwat ti linaon ti puso.

San Mateo 23:33

Karasaen! Annak dagiti uleg! Kasano ti pananglisiyo iti dusa idiay infierno?

San Mateo 3:6

Nagbabawida a silalatak kadagiti basbasolda ket binuniagan ida ni Juan idiay karayan Jordan.

San Juan 8:44

Annaknakayo ti Diablo nga amayo, ket kayatyo a tungpalen ti pagayatanna. Mammapatayen manipud idi damo ket pulos a dina kanunongan ti pudno, ta awan kenkuana ti pudno. No agulbod, ar-aramidenna laeng ti natural kenkuana ta sigud nga ulbod ken ama ti amin a kinaulbod.

Dagiti Aramid 13:10

sana kinuna: “Sika nga anak ti Diablo! Sika ti kabusor ti amin a kinalinteg. Nasikapka la unay. Apay a kankanayonmo a balballikugen ti kinapudno maipapan iti Apo?

1 Taga-Tesalonica 1:10

Sarsaritaenda pay ti panagur-urayyo iti yaay ti Anakna nga aggapu sadi langit. Isu daytoy ni Jesus a pinagungarna ken mangisalakanto kadatayo inton ukomen ti Dios dagiti tattao gapu kadagiti basbasolda.

Hebreo 6:18

Saan nga agbalbaliw dagitoy dua: ti kari ti Dios ken ti sapatana. Gapu kadagitoy, dinatayo mabalin nga ulboden ti Dios. Isut' gapuna a datayo a nagkamang kenkuana, mapapigsatayo nga agtalinaed a natibker iti namnama nga adda iti masangoanantayo.

1 Juan 3:8

Ngem kadua ti Diablo ti saan a sumardeng nga agbasol, ta nagbasolen ti Diablo manipud pay idi punganay. Daytoy ti gapuna nga immay ti Anak ti Dios tapno dadaelenna dagiti aramid ti Diablo.