San Lucas 3:2 - Ti Baro a Naimbag a Damag Biblia

² Da Anas ken Caifas dagiti agdama a Kangatoan a Papadi. Iti dayta a tiempo, dimteng ti sao ti Dios ken ni Juan nga anak ni Zacarias. Adda idi ni Juan idiay let-ang.

Ti Biblia (1973)

² Ken idi agdama a panguloen dagiti papadi da Anas ken Caifas, immay ti sao ti Apo ken Juan, anac ni Zacarias, iti let-ang.

San Lucas 3:2 Iomraidhean Croise

Isaias 40:3

Adda timek a mangipukpukkaw: “Iti let-ang, mangisaganakay iti dalan ti Apo! Dalusanyo ti dalan iti let-ang a pagnaan ti Diostayo!

Jeremias 1:2

Iti maika-13 a tawen a panagari ni Josias nga anak ni Ari Amon idiay Juda, kinasao ni Yahweh ni Jeremias.

Jeremias 2:1

Imbaga ti Apo kaniak

Ezekiel 1:3

Ket sadiay, iti igid ti Karayan Kebar idiay Babilonia, nangngegko ti timek ni Yahweh a nakisao kaniak ket nariknak ti pannakabalinna.

Jonas 1:1

Iti maysa nga aldaw, nagsao ni Yahweh ken ni Jonas nga anak ni Amittai.

Mikias 1:1

Linaon daytoy a libro ti mensahe ni Yahweh ken ni Mikias a taga-Moreset idi panawen ti panagari da Jotam, Ahaz ken Hezekias iti Juda. Dagitoy ti impakaammo ni Yahweh kenkuana maipapan iti Samaria ken Jerusalem.

Sofonias 1:1

Daytoy ti mensahe ni Yahweh nga imbagana ken ni Sofonias idi ni Josias nga anak ni Amon ti ari ti Juda. (Nagtaud ni Sofonias iti familia ni Ari Hezekias a kapuonan da Amarias, Gedalias ken Cusi.)

San Mateo 11:7

Idi pumanaw dagiti adalan, nagsao ni Jesus kadagiti tattao maipapan ken ni Juan, “Idi napankayo ken ni Juan idiay let-ang, ania aya ti ninamnamayo a makita? Maysa a runo a mayangin-angin?

San Mateo 26:3

Naguurnong dagiti panguloen a papadi ken dagiti panglakayen dagiti Judio iti palasio ni Caifas a Kangatoan a Padi.

San Marcos 1:2

kas nailanad iti libro ni profeta Isaias: “‘Sakbay a mapanka,’ kinuna ti Dios, ‘adtoy ti ibaonko a mangisagana iti dalanmo.’

San Lucas 1:80

Dimmakkel ti ubing ken pimmigsa iti espiritu. Nagnaed idiay let-ang agingga iti aldaw a panagparangna a silalatak kadagiti tattao iti Israel.

San Juan 1:23

Simmungbat ni Juan babaen iti panangibagana iti padto ni profeta Isaias: “Siak ti timek ti maysa nga agpukpukkaw iti let-ang: ‘Palintegenyo ti dalan a pagnaan ti Apo!’”

San Juan 18:24

Iti kasta, pinaipan ni Anas ni Jesus a sirereppet pay laeng ken ni Caifas a Kangatoan a Padi.

Dagiti Aramid 4:6

Nakimitingda kada Anas a Kangatoan a Padi, da Caifas ken Juan, ni Alejandro ken dadduma pay a kamkameng ti familia ti Kangatoan a Padi.