San Lucas 3:16 - Ti Baro a Naimbag a Damag Biblia

¹⁶ Kinuna ni Juan kadakuada: “Buniagankayo iti danum, ngem sumarsaruno kaniak ti maysa a dakdakkel ti pannakabalinna ngem siak. Diak pay maikari a mangwarwar iti sandaliasna. Buniagannakayto iti Espiritu Santo ken apuy.

Ti Biblia (1973)

¹⁶ Simmungbat ni Juan a kinunana cadacuada amin: Siac, kinapudnoanna, bautizarancayo iti danum; ngem umayto ti sabali nga adadda ti pannacabalinna agem siac, isu a diac maicari a mangwarwar iti galut ti zapatosna: isu bautizarannacayto iti Espiritu Santo ken ti apuy;

San Lucas 3:16 Iomraidhean Croise

Dagiti Proverbio 1:23

Ipangagdak no tubngarenkayo. Balakadankay iti naimbag, ket ipakaammok kadakayo ti adda kaniak a kinasirib.

Isaias 32:15

Ngem ibaonto manen ti Dios ti espirituna kadatayo. Nadam-egto manen ti natikag a daga ket nawadwadto ti maapit kadagiti taltalon.

Isaias 4:4

Usarento ni Yahweh ti pannakabalinna a mangukom ken mangdalus iti nasion ket mapakawan ti basol ti Jerusalem ken maikkat ti dara a naibuyat sadiay.

Ezekiel 36:25

Warsiankayto iti nadalus a danum ket madalusankayto iti amin nga didiosen ken amin a nangtulaw kadakayo.

Zacarias 13:9

Paglasatekto iti apuy dagiti nakalasat nga apagkatlo. Gugorakto ida a kas iti pannakagugor ti pirak iti apuy. Gugorakto ida a kas iti pannakagugor ti balitok. Kalpasanna, agkararagdanto kaniak ket ipangagkonto ida. Ibagakto kadakuada nga isuda dagiti tattaok ket ipudnodanto a siak ti Diosda.”

San Mateo 3:11

Buniagankayo iti danum kas pakakitaan ti panagbalbaliwyo. Ngem ti umay a sumarsaruno kaniak buniagannakayto iti Espiritu Santo ken iti apuy. Dakdakkel ti pannakabalinna ngem siak; diak pay maikari a mangbitbit iti sandaliasna.

San Mateo 3:12

Adda kenkuana ti bigao a pangtaep iti irik. Urnongen ken idulinnanto ti irikna iti kamalig; ngem puorannanto ti taep iti apuy a di maiddep.”

San Juan 1:26

“Mamumbuniagak iti danum,” insungbat ni Juan, “ngem makipulpulapol kadakayo ti maysa a diyo am-ammo.

San Juan 1:27

Sumarsaruno kaniak, ngem diak pay maikari a mangwarwar iti sandaliasna.”

San Juan 1:33

Diak pay am-ammo idi no siasino, ngem ti Dios a nangibaon kaniak a mamuniag iti danum, kinunana kaniak, ‘Makitamto ti Espiritu a bumaba ken agdisso iti maysa a tao. Daytoy ti mamuniag iti Espiritu Santo.’

San Juan 7:38

Kas kuna ti Nasantoan a Surat, ‘Agayusto dagiti karayan ti sibibiag a danum manipud iti puso ti siasinoman a mamati kaniak.’”

Dagiti Aramid 1:5

Namuniag ni Juan iti danum, ngem kalpasan ti sumagmamano pay nga aldaw, mabuniagankayto iti Espiritu Santo.”

Dagiti Aramid 10:44

Agsasao pay laeng ni Pedro idi bimmaba ti Espiritu Santo kadagiti amin nga agdengdengngeg iti mensahe.

Dagiti Aramid 2:33

Naitan-ok iti makannawan ti Dios nga Amana ket inawatna kenkuana ti Espiritu Santo kas inkarina. Daytoy ti imbuyatna kas makitkita ken mangmangngegyo ita.

1 Taga-Corinto 12:13

Kasta met kadatayo amin—Judio man wenno Hentil, tagabu man wenno siwawayawaya—nabuniagantayo a naikamang iti maymaysa a bagi babaen iti maymaysa nga Espiritu nga isu met laeng ti naited nga inumentayo.