San Lucas 3:11 - Ti Baro a Naimbag a Damag Biblia

¹¹ “Ti addaan iti dua a bado,” insungbat ni Juan, “masapul nga itedna ti maysa iti awanan. Ti addaan kanen, masapul a mangibingay.”

Ti Biblia (1973)

¹¹ Ket simmungbat a kinunana cadacuada: Ti adda dua a pagananayna, ibingayanna ti awanan; ket ti adda canenna, casta met ti aramidenna.

San Lucas 3:11 Iomraidhean Croise

Ezekiel 18:7

Saanna a sauren wenno takawan ti siasinoman. Isublina ti isalda ti umutang kenkuana. Pakanenna dagiti mabisin ken ikkanna iti bado ti lamolamo.

Daniel 4:27

Ipangagmo ngarud, Natan-ok nga Ari, daytoy balakadko: Isardengmon ti panagbasolmo, agaramidka iti naimbag, ket kaasiam dagiti napanglaw tapno manayonto ti kinarang-aymo.”

San Mateo 25:40

Kunanto ti Ari, ‘Ibagak kadakayo: no inaramidyo daytoy iti kanunumoan kadagitoy a kakabsatko, inaramidyo met kaniak!’

San Lucas 11:41

Itedyo ketdi kadagiti napanglaw ti nagyan kadagiti tasa ken pingganyo, ket nadalusto aminen a banag kadakayo iti imatang ti linteg.

San Lucas 18:22

Idi mangngeg daytoy ni Jesus, kinunana, “Adda pay maysa a pagkurangam. Ilakom amin a sanikuam samo ited kadagiti napanglaw ti naglakoam ket addanto kinabaknangmo sadi langit. Kalpasanna, umayka sumurot kaniak.”

San Lucas 19:8

Timmakder ni Zakeo ket kinunana iti Apo, “Denggem, Apo! Itedko kadagiti napanglaw ti kagudua ti sanikuak. No adda sinaurko, isublik kenkuana iti mamimpat a kaadu ti innalak.”

San Juan 13:29

Agsipud ta ni Judas ti agig-iggem iti kuarta, impagarup dagiti dadduma kadagiti adalan nga imbaga ni Jesus kenkuana a mapan gumatang iti kasapulanda iti fiesta. Adda met dagiti nangipagarup a mapan mangted ni Judas iti kuarta kadagiti napanglaw.

Dagiti Aramid 10:2

Relihioso ken managdaydayaw iti Dios, kasta met ti familiana. Adun ti intultulongna kadagiti napanglaw a Judio ken kanayon nga agkararag iti Dios.

Dagiti Aramid 10:31

Kinunana, ‘Cornelio, impangag ti Dios ti kararagmo ken nakitana dagiti ar-aramidem a pangtultulong kadagiti napanglaw.

Dagiti Aramid 10:4

Sibubuteng a minatmatan ni Cornelio ti anghel ket kinunana, “Ania kadi, Apo?” Kinuna ti anghel, “Impangag ti Dios dagiti kararagmo ken nakitana ti panangtultulongmo kadagiti napanglaw.

Taga-Efeso 4:28

Ti mannanakaw, isardengnan ti agtakaw. Agtrabaho ketdi tapno mangged a sitatakneng iti kuarta nga agpaay kenkuana ket makatulong met kadagiti napanglaw.

1 Timoteo 6:17

Bilinem dagiti babaknang ditoy lubong a dida agpaspasindayag ken dida italek ti namnamada iti kinabaknang a mapukawto met laeng. Agtalekda ketdi koma iti Dios, isu a sibubuslon a mangted iti amin a pagragsakantayo.

1 Timoteo 6:18

Ibagam nga agaramidda iti naimbag, a bumaknangda kadagiti nasayaat nga aramid, a managparaburda ken siaayatda a mangted kadagiti sabali.

Hebreo 6:10

Nalinteg ti Dios. Dinanto lipaten ti aramidyo, kayatna a sawen, ti ayat nga impaayyo kenkuana babaen iti panangtulongyo ken ti panangtultulongyo pay laeng kadagiti kakabsatyo iti pammati.

Santiago 1:27

Ti pudno a relihion nga awan pakapilawanna iti imatang ti Dios Ama isu daytoy: Ti itutulong kadagiti ulila ken biuda iti nakakaasi a kasasaadda ken ti panagtalinaed a nadalus a di patulawan kadagiti kinadakes ditoy lubong.

Santiago 2:14

Kakabsatko, ania ti magunggona ti agkuna nga adda pammatina no dina met ipakita kadagiti aramidna? Saannaka a maisalakan ti kasta a pammati.

1 Juan 3:17

No addaanka ket makitam ti maysa a kabsat a makasapul iti tulong ngem dika pulos mangrikna, kasano ti panagkunam nga ay-ayatem ti Dios?

1 Juan 4:20

Ulbod ti agkuna nga ay-ayatenna ti Dios ngem guraenna met ti kabsatna. Ta dina mabalin nga ayaten ti Dios a dina makita, no dina ayaten ti kabsatna a makitana.