San Lucas 24:47 - Ti Baro a Naimbag a Damag Biblia

⁴⁷ Iti naganna, maikasabanto kadagiti amin a nasion, manipud Jerusalem, ti mensahe maipapan ti panagbabawi ken pannakapakawan dagiti basbasol.’

Ti Biblia (1973)

⁴⁷ Ket maicascasaba ti naganna ti panagbabawi ken ti pannacasubbot dagiti basbasol cadagiti isu-amin a nacion, a mangrugi iti Jerusalem.

San Lucas 24:47 Iomraidhean Croise

Genesis 12:3

“Bendisionakto dagiti mangbendision kenka, ngem ilunodkonto dagiti mangilunod kenka. Dawatento dagiti amin a nasion ditoy daga a bendisionak ida a kas iti panangbendisionko kenka.”

Dagiti Salmo 22:27

Lagipendakanto ti tunggal maysa ditoy daga, Apo; manipud iti amin a suli ti lubong umaydanto agkamang kenka ket agrukbabda.

Dagiti Salmo 67:7

Binendisionannatayo ti Dios; itan-ok koma dagiti tattao iti amin a suli ti lubong.

Dagiti Salmo 86:9

Umayto dagiti amin a nasion a pinarsuam, ket agrukbabdanto iti sangoanam. Idaydayawdanto ti naganmo.

Isaias 11:10

Iti dayta nga aldaw, maibayogto ti ramut ni Jesse ket maibilangto a pagilasinan dagiti nasion. Aguummongdanto iti naarian a siudadna ket ipaaydanto ti pammadayaw kenkuana.

Isaias 49:22

Kuna ni Apo Dios kadagiti tattaona: “Bilinekto dagiti nasion, ket isublidanto dagiti annakmo.

Isaias 49:6

Kinuna ti Apo kaniak, “Adda nangnangruna a trabaho nga ipaaramidko kenka nga adipenko! Saanmonto la nga isubli ti kinatan-ok dagiti Israelita a nakalasat, ngem pagbalinenkanto pay a silaw kadagiti pagilian— tapno maisalakan ti sangalubongan.”

Isaias 5:4

Inaramidko amin a pagsayaatan ti kaubasak. Apay ngarud a nagbunga iti naalsem a saan a kas iti nasam-it a ninamnamak?

Isaias 52:10

Aramaten ti Apo ti bilegna a nasantoan; isalakanna dagiti tattaona, ket makita ti sangalubongan.

Isaias 52:15

Ngem ita, adunto a nasion ti masdaaw kenkuana, ket saanto a makasao dagiti ari gapu iti siddaawda. Makita ken maawatandanto ti pulos a dida pay naammoan.”

Jeremias 31:34

Saanton a masapul nga isuroda dagiti kaarruba ken kailianda a mangammo ken ni Yahweh. Ammodakto amin a tattao, natan-ok man wenno nanumo. Pakawanekto dagiti basolda, ket lipatekton dagiti dakes nga inaramidda. Siak, ni Yahweh, ti nagsao iti daytoy.”

Daniel 9:24

“Mamimpito a pitopulo a lawas dagiti tawtawen ti kabayag ti intuding ti Dios a mapalabas sananto wayawayaan dagiti kailiam ken ti nasantoan a siudadmo iti dakes ken panagbasol. Mapakawanton ti basol ket maipasdekton ti agnanayon a kinalinteg, tapno pumayso ti parmata ken ti padto, ket maidaton manen ti nasantoan a Templo.

Oseas 11:8

“Israel, kasano nga isinaka? Kasano a baybay-anka? Kasano a dadaelenka a kas iti Adma? Kasano a pagbalinenka a kas iti Zeboim? Diak maaramid daytoy, ta timmaud ti panangngaasik.

Oseas 2:23

Ipasdekkonto dagiti tattaok iti pagilian ket parang-ayekto ida. Ipakitakto ti panagayatko kadagiti makunkuna a “Saan a Maay-ayat” ken kadagiti makunkuna a “Dakayo ti tattaok.” Kunakto, “Dakayo dagiti tattaok,” ket isungbatdanto, “Sika ti Diosmi.”

Mikias 4:2

Adunto a tao ti mapan ket kunada, “Sumang-attayo iti bantay ti Apo; intay iti Templo ti Dios ti Israel. Ammoentayo ti kayatna nga aramidentayo; surotentayo ti dalan a pinilina. Manipud Sion agsao kadagiti tattaona; aggapu idiay Jerusalem ti pannursurona.”

Malakias 1:11

Agraem kaniak dagiti amin a tattao ditoy lubong. Iti sadinoman a disso, agpuorda iti insenso a maipaay kaniak ket agidatagda kadagiti makaay-ayo a daton. Isuda amin raemendak.

San Mateo 28:19

Inkay ngarud kadagiti amin a tattao iti amin a lugar, ket pagbalinenyo ida nga adalak: buniaganyo ida iti nagan ti Ama, ti Anak ken ti Espiritu Santo,

San Mateo 3:2

“Agbabawikayo kadagiti basbasolyo,” kinunana, “agsipud ta asidegen ti Pagarian ti langit.”

San Mateo 9:13

Inkay adalen ti kaipapanan daytoy a paset ti Nasantoan a Surat, ‘Asi ti kalikagumak, saan a daton a mapuoran.’ Immayak tapno ayabak dagiti managbasol, saan a dagiti agkunkuna a naimbag.”

San Lucas 13:34

“O Jerusalem, Jerusalem a mangpapatay kadagiti profeta ken mangubor kadagiti imbaon kenka ti Dios! Namin-ano a kinayatko nga ummongen dagiti annakmo, kas iti panangsallukob ti upa kadagiti piekna, ngem madikayo met!

Dagiti Aramid 10:43

Saksian dagiti amin a profeta ti maipapan ken ni Jesus a ti siasinoman a mamati kenkuana, mapakawanto dagiti basbasolna babaen iti pannakabalin ti naganna.”

Dagiti Aramid 11:18

Idi mangngegda daytoy, nagsardengda a mangbabalaw kenkuana. Indaydayawda ti Dios. Kinunkunada, “No kasta ngarud, inted met ti Dios kadagiti Hentil ti gundaway nga agbabawi ken agbiag!”

Dagiti Aramid 13:46

Ngem situtured a nagsao da Pablo ken Bernabe. “Rebbengna a dakayo ti umuna a pakaipalawagan ti sao ti Dios,” kinunada, “ngem agsipud ta laksidenyo ken diyo ibilang a maikarikayo iti biag nga agnanayon, panawandakayo ket inkami kadagiti Hentil.

Dagiti Aramid 2:38

Kinuna kadakuada ni Pedro, “Agbabawikayo kadagiti basbasolyo. Pabuniagankayo iti nagan ni Jesu-Cristo tapno mapakawan dagiti basbasolyo ket awatenyonto ti sagut ti Espiritu Santo.

Dagiti Aramid 20:21

Binallaagak dagiti Judio ken dagiti Hentil a masapul nga agbabawida kadagiti basbasolda ket agturongda iti Dios, ken mamatida ken ni Apotayo a Jesus.

Dagiti Aramid 26:18

Lukatamto dagiti matada, ket manipud iti sipnget, iturongmonto ida iti lawag. Manipud iti pannakabalin ni Satanas, iturongmo ida iti pannakabalin ti Dios tapno babaen iti pammatida kaniak, mapakawanto dagiti basbasolda ket maibilangdanto kadagiti tattao ti Dios.’”

Dagiti Aramid 26:20

Immuna a nangaskasabaak idiay Damasco, ket kalpasanna, idiay Jerusalem ken kadagiti amin a lugar dagiti Judio ken kasta met kadagiti Hentil. Inkasabak a masapul nga agbabawida kadagiti basbasolda, agsublida iti Dios ket aramidenda dagiti banag a mangipakita a nagbabawidan.

Dagiti Aramid 28:28

Inggibus ni Pablo: “Masapul nga ibagak kadakayo tapno maammoanyo a naibaonen kadagiti Hentil dagiti mangipakaammo iti mensahe ti Dios maipapan iti pannakaisalakan. Dumngegdanto!”

Dagiti Aramid 3:19

Agbabawikayo ngarud ket agsublikay iti Dios tapno pakawanenna dagiti basbasolyo. No aramidenyo daytoy,

Dagiti Aramid 4:12

Isu laeng ti pakasarakantayo iti pannakaisalakan. Iti entero a lubong, awan sabali a nagan nga inted ti Dios kadagiti tattao a mabalintayo a pakaisalakanan.”

Dagiti Aramid 5:31

Intan-ok ti Dios iti makannawanna, kas Pangulo ken Mangisalakan, tapno ikkanna dagiti Israelita iti gundaway nga agbabawi kadagiti basbasolda ket mapakawanda.

Taga-Roma 5:20

Naited ti Linteg tapno paaduenna ti dakes nga aramid. Ngem no kasano ti yaadu ti basol, ad-adda pay nga umadu ti parabur ti Dios.

Taga-Efeso 1:6

Idaydayawtayo ti Dios gapu iti nakaskasdaaw a panangipakitana iti kinaimbagna kadatayo, gapu iti intedna a sagut kadatayo babaen iti inaramid ti dungdungngoenna nga Anak.

Taga-Efeso 3:8

Siak ti kanumoan kadagiti nanumo a tattao ti Dios, ngem siak ti pinili ti Dios a mangipakaammo kadagiti Hentil iti di matukod a kinabaknang ni Cristo,

Taga-Colosas 1:27

Plano ti Dios nga ipakaammo kadagiti tattaona ti palimedna. Anian a kinadayag ken kinadaeg ti palimed nga agpaay kadagiti amin a tattao: Agtaeng kadagiti puspusoyo ni Cristo, ti namnamayo a makiranud iti gloriana.

1 Juan 2:12

Annakko, agsuratak kadakayo, agsipud ta napakawanen dagiti basbasolyo gapu ken ni Cristo.