San Lucas 24:39 - Ti Baro a Naimbag a Damag Biblia

³⁹ Kitaenyo dagiti im-ima ken saksakak. Siak a mismo! Sagidendak ket mapaneknekanyo. Awan lasag ken tulang ti espiritu, ngem adda kaniak kas makitayo.”

Ti Biblia (1973)

³⁹ Kitaenyo dagiti ima ken sacac, ta siac met laeng; aricapendac ket kitaenyo: ta ti espiritu awan ti lasag ken tulangna, a cas makitayo nga adda caniac.

San Lucas 24:39 Iomraidhean Croise

Eclesiastes 12:7

Agsublinton ti bagitayo iti tapok ti daga ket agsubli ti anges ti biag iti Dios a naggapuanna.

Numero 16:22

Ngem nagruknoy da Moises ken Aaron ket kinunada, “O Dios, sika ti pagtaudan ti amin a biag. No agbasol ti maysa a tao, apay a kapungtotmo ti entero a gimong?”

San Lucas 23:46

Nagpukkaw ni Jesus iti napigsa: “Ama, kadagita imam yawatko ti espirituk!” Apaman a nasaona daytoy, nauyosen ti biagna.

San Lucas 24:38

Iti kasta, kinuna ni Jesus kadakuada, “Apay a mariribukkayo? Apay nga agduaduakayo?

San Juan 20:20

sana impakita kadakuada dagiti imana ken ti bakrangna. Kasta unay ti ragsak dagiti adalan iti pannakakitada iti Apo.

San Juan 20:25

Impadamag ngarud dagiti dadduma nga adalan kenkuana a nakitada ti Apo. Kinuna ni Tomas kadakuada, “Diak mamati no diak makita ken maarikap ti nagdalanan ti lansa kadagiti imana, wenno masagid ti bakrangna.”

San Juan 20:27

sana kinuna ken ni Tomas, “Kitaem dagiti imak ken arikapem toy bakrangko. Pukawem ta duaduam ket mamatika!”

Dagiti Aramid 1:3

Iti las-ud ti 40 nga aldaw kalpasan ti ipapatayna, namin-adu a nagparang kadakuada iti nadumaduma a wagas a mangpaneknek a pudno a sibibiag. Nakitada ni Jesus ket sinaritana kadakuada ti maipapan iti Pagarian ti Dios.

1 Taga-Tesalonica 5:23

Sapay koma ta pasantoennakayo a naan-anay ti Dios a mangted iti talna. Aywananna koma ti espiritu, kararua ken bagiyo, ket awan pakapilawanda agingga nga umay ni Apotayo a Jesu-Cristo.

Hebreo 12:9

Panunotentayo ti maipapan kadagiti bukodtayo nga amma: dinisiplinaandatayo ket nagraemtayo kadakuada. Ngarud, saan kadi nga ad-adda a rumbeng laeng nga awatentayo ti pannusa nga ipatay ti naespirituan nga Amatayo tapno agbiagtayo? Iti las-ud ti ababa a tiempo, dinusadatayo dagiti bukodtayo nga amma, kas maibatay iti ipagarupda a naimbag. Ngem no maipapan iti panagsagaba nga ipalak-am ti Dios, aramidenna daytoy a pagimbagantayo tapno agbalintayo a nasagradoan a kas kenkuana.

1 Juan 1:1

Isuratmi kadakayo ti nangngeg ken nakitami maipapan iti Sao ti biag nga addan manipud idi punganay. Nangngeg ken nakitami; wen, nakita ken nasagidmi.