San Lucas 23:41 - Ti Baro a Naimbag a Damag Biblia

⁴¹ Rebbengna nga agsagabata gapu iti inaramidta. Ngem daytoy a tao, awan dakes nga inaramidna.”

Ti Biblia (1973)

⁴¹ Ket data, kinapudnoanna, a rebbengta nga awaten ti maitutop cadagiti araramidta; ngem daytoy awan ti dakes nga inaramidna.

San Lucas 23:41 Iomraidhean Croise

2 Cronicas 33:12

Gapu iti panagsagabana, nagpakumbaba, nagkamang ken ni Yahweh a Diosna ket nagpatulong kenkuana.

ESDRAS 9:13

Kalpasan amin dagitoy a napasamak kadakami a dusami gapu kadagiti basol ken labsingmi, ammomi a sika a Diosmi, dinusanakam iti nalaglag-an ngem ti rumbeng koma a dusami, ket impalubosmo nga agbiagkami.

Nehemias 9:3

Agarup tallo nga oras a naibasa kadakuada ti Linteg ni Yahweh a Diosda. Tallo nga orasda met a nagipudpudno kadagiti basbasolda ken nagdaydayaw ken ni Yahweh a Diosda.

Daniel 9:4

Nagkararagak ken ni Yahweh a Diosko ket impudnok ti basol dagiti kailiak. Kastoy ti kararagko: “Apo Dios, naindaklanka ket agraemkami kenka. Napudnoka iti nakitulagam, ket ipakitam ti di agbalbaliw nga ayatmo kadagiti agayat kenka ken agtungpal iti aniaman a bilinmo.

San Mateo 27:19

Maysa pay, idi agtugtugaw ni Pilato iti pangukoman, pinaibaga ti asawana daytoy: “Dimo pakibiangan dayta nalinteg a tao, ta natagtagainepko idi rabii a nagsagabaak iti kasta unay gapu kenkuana.”

San Mateo 27:24

Agsipud ta awanen ti maaramid ni Pilato, ket madlawna nga adda rumsua a riribuk, nangala iti danum sana binuggoan dagiti imana iti sangoanan dagiti tattao. “Awan ti pakaibiangak iti pannakapapatay daytoy a tao,” kinunana. “Makaammokayo ditan.”

San Mateo 27:4

“Nagbasolak!” kinunana, “ta inyawatko a mapapatay ti maysa a tao nga awan basolna.” “Ania ti bibiangmi?” kinunada kenkuana. “Problemam daytan.”

San Mateo 27:54

Nagbuteng ti kapitan ken dagiti soldadona a mangbambantay ken ni Jesus idi mariknada ti ginggined ken makitada ti amin a napasamak. Kinunada, “Pudno gayam nga Anak ti Dios daytoy!”

San Lucas 23:40

Ngem binabalaw ti kaduana a kriminal. “Dika aya agbuteng iti Dios?” kinunana. “Agpapadatayo amin a madusdusa.

San Lucas 23:42

Ket kinunana ken ni Jesus, “Laglagipennak, Jesus, inton mapanka iti pagariam.”

1 Taga-Tesalonica 2:10

Dakayo ken ti Dios ti saksimi, a nasantoan, nalinteg ken awan pakababalawan ti panagbiagmi idi iti imatangyo a mamati.

Santiago 4:7

Agtulnogkayo ngarud iti Dios. Sarangtenyo ti Diablo, ket itarayannakayto ti Diablo.

1 Pedro 1:19

Nawayawayaankayo ketdi babaen iti pannakaidaton iti napateg a dara ni Cristo a mayarig iti kordero nga awan mulit ken tulawna.

1 Pedro 2:23

Idi nalalais, saan a nanglais. Idi nagsagaba, saan a namutbuteng. Nagtalek ketdi iti Dios, ti nalinteg nga Ukom.