San Lucas 23:25 - Ti Baro a Naimbag a Damag Biblia

²⁵ Winayawayaanna ti lalaki a kayatda, ti naibalud gapu iti riribuk ken pammapatay, ket inyawatna ni Jesus kadakuada tapno aramidenda ti kaykayatda.

Ti Biblia (1973)

²⁵ Ket inibbatanna cadacuada daydi naipisoc iti pagbaludan gapu iti yaalsa ken panangpapatay isu a dinawatda ngem inyawatna ni Jesus iti pagayatanda.

San Lucas 23:25 Iomraidhean Croise

Ester 3:11

Kinuna ti ari kenkuana, “Adda iti pannakabalinmo dagiti tattao ken dagiti kuartada. Aramidem ti kayatmo kadakuada.”

San Mateo 27:26

Kalpasanna, winayawayaanna ni Barrabas. Pinasaplitna ni Jesus sana inyawat kadagiti soldado tapno ilansada iti krus.

San Marcos 15:15

Gapu ta kayat ni Pilato a pagustoan dagiti tattao, winayawayaanna ni Barrabas. Kalpasanna, pinasaplitna ni Jesus sana inyawat kadagiti soldado tapno ilansada iti krus.

San Lucas 23:2

Rinugianda ti nagiparang kadagiti pammabasolda kenkuana. “Natiliwanmi daytoy a tao a mangal-allilaw kadagiti kailianmi,” kinunada. “Iparparitna ti panagbayad iti buis iti Emperador. Kunkunana pay nga isu ti Cristo a maysa nga ari.”

San Lucas 23:24

Inkeddeng ni Pilato ti sentensia, kas kiddawda.

San Lucas 23:26

Impanaw dagiti soldado ni Jesus. Iti dalan, nasabetda ti maysa a lalaki nga agnagan Simon a taga-Cirene a naggapu iti away, ket agturong iti siudad. Tiniliwda ket impabaklayda kenkuana ti krus sada impasaruno ken ni Jesus.

San Lucas 23:5

Ngem inyad-addada ti nagkuna: “Babaen iti pannursurona, sugsoganna dagiti tattao a mangriribuk iti entero a Judea. Inrugina idiay Galilea, ket adda ditoyen.”

San Juan 18:40

“Saan nga isu!” impukkawda, “Ni Barrabas ti kayatmi!” (Maysa a tulisan ni Barrabas.)

San Juan 19:16

Kalpasanna, inyawat ni Pilato ni Jesus kadakuada tapno mailansa iti krus. Iti kasta, innalada ni Jesus.

Dagiti Aramid 3:14

Wen, linaksidyo ti Nasantoan ken Nalinteg. Dinawatyo ketdi a wayawayaan ni Pilato ti maysa a mammapatay.

1 Samuel 12:13

“Ita, imatanganyo ti ari a piniliyo. Dinawatyo ket inted ti Apo a mangituray kadakayo.