San Lucas 23:2 - Ti Baro a Naimbag a Damag Biblia

² Rinugianda ti nagiparang kadagiti pammabasolda kenkuana. “Natiliwanmi daytoy a tao a mangal-allilaw kadagiti kailianmi,” kinunada. “Iparparitna ti panagbayad iti buis iti Emperador. Kunkunana pay nga isu ti Cristo a maysa nga ari.”

Ti Biblia (1973)

² Ket rinugianda nga impulong a cuncunada: Daytoy nasaracanmi a daddadaelenna ti ilimi ket iparitna ti mangted ti buis ken Cesar ket cuncunana nga isu ni Cristo, nga Ari.

San Lucas 23:2 Iomraidhean Croise

1 Ar-ari 18:17

Idi makitana ti profeta, kinunana, “A, addaka gayam, sika a kadaksan a mangrirriribuk iti Israel!”

Dagiti Salmo 35:11

Agsaksi dagiti managdakdakes iti maibusor kaniak, ket ipabasolda kaniak ti diak inaramid.

Dagiti Salmo 62:4

Kayatyo la nga ipababa iti natan-ok a saadna; pagragsakanyo ti kinaulbod; naimbag ti panagsasaoyo kenkuana, ngem ilunlunodyo met iti kaungganyo.

Jeremias 20:10

Mangngegko ti ibagbaga dagiti tattao, “Adda ti pagbutbutngan iti amin a disso. Ipulongtayo kadagiti agtuturay!” Uray dagiti nasinged a gagayyemko, ur-urayenda ti pannakatnagko. Kunada, “Nalabit a maallilawto, tiliwentayo ket makaibalestayo.”

Jeremias 38:4

Napan ngarud dagiti ofisiales iti ari, ket kinunada kenkuana, “Masapul a mapapatay daytoy a tao. Gapu iti sasawenna, tumakrot dagiti soldado ken dagiti amin a tattao a nabati iti siudad. Saanna a tulongan dagiti tattao no di ket butbutngenna ida.”

Amos 7:10

Nagipulong ni Amazias a padi ti Betel ken ni Jeroboam nga ari ti Israel. Kinunana: “Isiksikatnaka ni Amos kadagiti Israelita. Madadaelto ti pagilian gapu kadagiti ibagbagana.

Zacarias 11:8

Iti las-ud ti maysa a bulan, pinapanawko dagiti tallo nga agpaspastor a nanggura kaniak ta napukawko ti anusko kadakuada.

San Mateo 17:27

Ngem ditayo kayat nga adda makuna dagitoy a tattao. Inka ngarud agbanniit idiay dan-aw. Alaem ti umuna nga ikan a mabanniitam ket ngangaem ti ngiwatna. Masarakamto ti kuarta nga umanay a pagbuista. Alaem ket inka bayadan ti buista.”

San Mateo 22:21

“Ti Emperador,” insungbatda. Iti kasta, kinuna ni Jesus, “Itedyo ngarud iti Emperador ti kukua ti Emperador, ket itedyo met iti Dios ti kukua ti Dios.”

San Mateo 27:11

Nagtakder ni Jesus iti sangoanan ti gobernador a nangusisa kenkuana. “Sika kadi ti Ari dagiti Judio?” sinaludsodna. “Nasaomon,” insungbat ni Jesus.

San Marcos 12:17

“Itedyo ngarud iti Emperador dagiti kukua ti Emperador,” kinuna ni Jesus. “Itedyo met iti Dios dagiti kukua ti Dios.” Ket nagsiddaawda kenkuana.

San Marcos 15:2

“Sika kadi ti Ari dagiti Judio?” sinaludsod kenkuana ni Pilato. “Nasaomon,” insungbat ni Jesus.

San Lucas 23:14

Kinunana kadakuada, “Insaklangyo kaniak daytoy a tao ket imbagayo nga al-allilawenna dagiti tattao. Inusigko iti imatangyo ket awan nasarakak nga inaramidna kadagiti ipabpabasolyo kenkuana.

San Lucas 23:5

Ngem inyad-addada ti nagkuna: “Babaen iti pannursurona, sugsoganna dagiti tattao a mangriribuk iti entero a Judea. Inrugina idiay Galilea, ket adda ditoyen.”

San Juan 18:29

Rimmuar ngarud ni Pilato ket kinunana kadakuada, “Ania ti pangidarumanyo iti daytoy a tao?”

San Juan 18:30

“Saanmi koma nga idatag kenka daytoy a tao no saan a nakaaramid iti dakes,” insungbatda.

San Juan 19:12

Idi mangngeg ni Pilato daytoy, ad-adda manen ti gagarna a mangwayawaya ken ni Jesus. Ngem impukkaw dagiti Judio, “No wayawayaam dayta a tao, saannaka a gayyem ti Emperador. Ta kabusor ti Emperador ti siasinoman a mangibilang iti bagina nga ari.”

Dagiti Aramid 24:13

Awan met maidatagda kenka a pammaneknek kadagiti pangidardarumanda kaniak ita.

Dagiti Aramid 24:5

Natakuatanmi a nakaam-amak daytoy a tao. Idadauloanna ti riribuk kadagiti Judio iti entero a lubong. Isu pay ti pangulo ti sekta dagiti Nazareno.

Taga-Roma 13:7

Bayadanyo ngarud ti utangyo kadakuada. Itedyo ti buisyo. Raemen ken padayawanyo ida amin.