San Lucas 23:14 - Ti Baro a Naimbag a Damag Biblia

¹⁴ Kinunana kadakuada, “Insaklangyo kaniak daytoy a tao ket imbagayo nga al-allilawenna dagiti tattao. Inusigko iti imatangyo ket awan nasarakak nga inaramidna kadagiti ipabpabasolyo kenkuana.

Ti Biblia (1973)

¹⁴ Ket kinunana cadacuada: Insaclangyo caniac daytoy a tao a cas la mangdaddadael cadagiti umili; ket adtoy siac sinukimatco iti sangoananyo ket awan ti basol a nasaracac kencuana cadagiti pangipulonganyo.

San Lucas 23:14 Iomraidhean Croise

Daniel 6:4

Nagbirbirok dagiti dadduma a pangulo ken dagiti gobernador iti pangbabalawanda ken ni Daniel iti panangimatonna iti pagarian. Ngem awan ti nasarakanda a biddut wenno pakapilawanna, agsipud ta mapagtalkan ket awan ti dakes wenno nakillo nga aramidna.

San Mateo 27:19

Maysa pay, idi agtugtugaw ni Pilato iti pangukoman, pinaibaga ti asawana daytoy: “Dimo pakibiangan dayta nalinteg a tao, ta natagtagainepko idi rabii a nagsagabaak iti kasta unay gapu kenkuana.”

San Mateo 27:24

Agsipud ta awanen ti maaramid ni Pilato, ket madlawna nga adda rumsua a riribuk, nangala iti danum sana binuggoan dagiti imana iti sangoanan dagiti tattao. “Awan ti pakaibiangak iti pannakapapatay daytoy a tao,” kinunana. “Makaammokayo ditan.”

San Mateo 27:4

“Nagbasolak!” kinunana, “ta inyawatko a mapapatay ti maysa a tao nga awan basolna.” “Ania ti bibiangmi?” kinunada kenkuana. “Problemam daytan.”

San Mateo 27:54

Nagbuteng ti kapitan ken dagiti soldadona a mangbambantay ken ni Jesus idi mariknada ti ginggined ken makitada ti amin a napasamak. Kinunada, “Pudno gayam nga Anak ti Dios daytoy!”

Dagiti Aramid 13:28

Ket uray no awan nasarakanda a pakaigapuan a makedngan a matay, dinawatda ken Pilato a papapatayna.

Dagiti Aramid 17:11

Mannakaawat dagiti taga-Berea. Saanda a kas kadagiti taga-Tesalonica. Sigagagarda a nagdengngeg iti mensahe. Inaldaw nga adalenda dagiti Nasantoan a Sursurat tapno ammoenda no pudno met laeng ti sasawen ni Pablo.

Hebreo 7:26

Ngarud, ni Jesus ti Kangatoan a Padi a makaaramid iti amin a kasapulantayo. Nasantoan, awan tulaw wenno basolna, naisina kadagiti managbasol ket naipangato sadi langit.