San Lucas 22:5 - Ti Baro a Naimbag a Damag Biblia

⁵ Naragsakanda ket inkarida nga ikkan iti kuarta.

Ti Biblia (1973)

⁵ Ket nagrag-oda ket nagtutulaganda nga isu iccanda ti pirac.

San Lucas 22:5 Iomraidhean Croise

San Lucas 22:4

Iti kasta, napan nakisao ni Judas kadagiti panguloen a papadi ken kadagiti ofisiales dagiti guardia ti Templo tapno makitulag no kasano ti panangyawatna ken ni Jesus kadakuada.

San Lucas 22:6

Immanamong ni Judas ket inrugina ti nagbirok iti nasayaat a gundaway a panangyawatna ken ni Jesus kadakuada a di maam-ammoan dagiti tattao.

Dagiti Aramid 1:18

Sangadisso a daga ti nakaigatangan ti kuarta nga inawat ni Judas a kas supapak iti dakes nga inaramidna. Sadiay ti nakatayanna idi matnag nga immuna a nagdisso ti ulona. Bimtak ti tianna ket naiwarawara dagiti bagisna.

Dagiti Aramid 8:20

Ngem kinuna ni Pedro kenkuana, “Mailunodka koma agraman ti kuartam ta ipagarupmo a magatang ti sagut ti Dios!

2 Pedro 2:15

Pinanawanda ti pudno a dalan ket nayaw-awanda. Inaramidda ti kas iti inaramid ni Balaam nga anak ni Bosor, a nagbasol gapu iti kinaagumna iti kuarta.

2 Pedro 2:3

Gapu iti kinaagumda, pagsapuldanto ti panangipakaammoda kadagiti parbo a sarsarita. Ngem nabayagen a nakasagana ti Mangukom kadakuada, ket saan a matmaturog ti Mangdadael kadakuada.

San Judas 1:11

Nakabutbuteng ti mapasamak kadakuada ta sinurotda ti dalan ni Cain. Kas ken ni Balaam, binay-anda nga iturayan ida ti biddut gapu iti gunggona. Immalsada a kas ken ni Core ket nadadaelda met a kas kenkuana.