San Lucas 22:42 - Ti Baro a Naimbag a Damag Biblia

⁴² “Ama,” kinunana, “no pagayatam, yadayom kaniak daytoy a kopa ti panagsagaba. Ngem saan a ti pagayatak ti maaramid, no di ket ti pagayatam.”

Ti Biblia (1973)

⁴² A kinunana: Ama, no pagayatam, iyadayum cadi daytoy a copa caniac; nupay casta, saan coma a maaramid, ti pagayatac no di ti pagayatam.

San Lucas 22:42 Iomraidhean Croise

Dagiti Salmo 40:8

Ti panangtungpal iti pagayatam, O Dios, isut' ragsakko. Ipapusok dagiti bukodmo a pannursuro.”

Isaias 51:17

Jerusalem, agriingka! Agmurmurayka ket bumangonka! Ininummo ti kopa ti pannakadusa nga impainum ti Apo kenka gapu iti pungtotna; inarub-obmo ket nagbasingbasingka!

Isaias 51:22

salaknibannakayo ti Apo a Diosyo ket kunana: “Alaek ti iggemyo a kopa nga intedko kadakayo gapu iti pungtotko. Dinton masapul nga inumenyo ti arak a mamagbasingbasing kadakayo.

Jeremias 25:15

Imbaga kaniak ti Apo a Dios ti Israel, “Daytoy ti kopa ti arak a napno iti pungtotko. Alaem ket ipainummo kadagiti amin a nasion a pangibaonak kenka.

San Mateo 11:25

Iti dayta a tiempo, kinuna ni Jesus, “Agyamanak kenka, Ama nga Apo ti langit ken daga, ta impakitam kadagiti awan adalna ti inlemmengmo kadagiti mamasirib ken kadagiti nasaririt.

San Mateo 11:26

Wen, Ama, naaramid daytoy ta isu ti pagayatam.

San Mateo 20:22

“Diyo ammo ti dawdawatenyo,” kinuna ni Jesus kadagiti agkabsat. “Kabaelanyo kadi ti uminum iti kopa a paginumak?” “Wen, kabaelanmi,” insungbatda.

San Mateo 26:39

Immadayo bassit sa nagpakleb iti daga ket nagkararag: “Ama, no mabalin, ilisinak iti daytoy a kopa ti panagsagaba. Nupay kasta, saan a ti pagayatak ti maaramid no di ket ti pagayatam.”

San Mateo 26:42

Immadayo manen ni Jesus tapno mapan agkararag. “Ama,” kinunana, “no masapul nga inumek daytoy a kopa ti panagsagaba, maaramid koma ti pagayatam.”

San Mateo 26:44

Pinanawan manen ni Jesus ida sa napan nagkararag iti maikatlo a daras. Inulitna ti kararagna.

San Mateo 6:10

Umay koma ti Pagariam; Matungpal koma ti pagayatam ditoy daga a kas sadi langit.

San Marcos 14:36

“Ama,” indawatna, “Ama, no mabalin koma, ilisinak iti daytoy kopa ti panagsagaba. Ngem saan a ti pagayatak ti maaramid, no di ket ti pagayatam.”

San Lucas 23:34

“Ama,” kinuna ni Jesus, “pakawanem ida ta dida ammo ti ar-aramidenda.” Nagbibingayan dagiti soldado dagiti pagan-anay ni Jesus babaen iti panagbibinnunotda.

San Juan 18:11

Kinuna ni Jesus ken ni Pedro, “Ibalaymo ta bunengmo. Ipagarupmo kadi a diak inumen ti kopa ti panagsagaba nga inted kaniak ni Amak?”

San Juan 4:34

“Ti taraonko isut' panangtungpalko iti pagayatan ti nangibaon kaniak ken ti panangileppasko iti paaramidna,” kinuna ni Jesus kadakuada.

San Juan 5:30

Intuloy ni Jesus: “Awan ti maaramidko iti bukodko a pannakabalin. Mangukomak laeng kas ibaga kaniak ti Dios, isut' gapuna a nalinteg ti panangukomko, ta saan a ti pagayatak ti aramidek, no di laeng ti pagayatan ti nangibaon kaniak.

San Juan 6:38

Ta bimmabaak manipud langit tapno aramidek ti pagayatan ti nangibaon kaniak, saan a ti pagayatak.

Dagiti Aramid 21:14

Dimi mabaw-ing ti nakemna, isut' gapuna nga insardengmin ti manguy-uyot kenkuana. “Maaramid koma ti pagayatan ti Apo,” kinunami.