San Lucas 22:18 - Ti Baro a Naimbag a Damag Biblia

¹⁸ Ibagak kadakayo a manipud ita, diakton uminum iti daytoy tubbog ti ubas agingga a dumteng ti Pagarian ti Dios.”

Ti Biblia (1973)

¹⁸ Ta cunac cadacayo a diacto uminumen manipud ita iti bunga ti uvas, agingga iti umay ti pagarian ti Dios.

San Lucas 22:18 Iomraidhean Croise

Dagiti Salmo 104:15

Agaramid iti arak a mangparagsak kenkuana, lana ti olibo a mangparaniag iti rupana agraman tinapay a mangted iti pigsana.

Kanta ni Solomon 5:1

“Addaak iti hardinko, ay-ayatek ken nobiak. Agal-alaak iti mirra ken balsamok; kankanek ti rara ken ti dirok, in-inumek ti arak ken gatasko.” “Mangan ken uminumkayo, agayan-ayat, agingga a mabartekkayo iti ayat!”

Isaias 25:6

Ditoy Bantay Sion, mangisagananto ti Apo a Mannakabalin-amin iti padaya nga agpaay kadagiti amin a nasion ditoy lubong. Maidasarto dagiti agkakabaknang a taraon ken agkakaimas nga arak.

Isaias 55:1

Kuna ti Apo, “Umaykayo, dakay amin a mawaw— adtoy ti danum! Umaykayo, dakayo nga awan kuartana— gumatangkay iti taraon ket mangankayo! Umaykayo gumatang iti arak ken gatas— gumatangkay ngem awan ti bayadanyo.

Daniel 2:44

Iti panawen dagitoy nga agturay, mangipasdekto ti Dios ti langit iti pagarian a pulos a dinto agpatingga. Saanto a maparmek dayta a pagarian ngem gibusannanto dagiti amin a pagarian. Isu laeng ti agpaut iti agnanayon.

Zacarias 9:15

Salaknibanto ti Apo a Mannakabalin-amin dagiti tattaona, ket papatayendanto dagiti kabusorda. Kasdanto la nabartek nga agpukkaw iti paggugubatan, ket pagayusendanto ti dara dagiti kabusorda. Agayusto a kas iti dara ti sakrifisio a maibuyat iti rabaw ti altar manipud iti malukong.

Zacarias 9:17

Anian a kinasayaat ken kinapintas ti pagbalinanto ti daga! Pumigsa dagiti agtutubo iti trigo ken arak.

San Mateo 16:18

Ibagak ngarud kenka a sika ket Pedro. Iti rabaw daytoy a bato, bangonekto ti iglesiak ket uray ni patay dinto agballigi kenkuana.

San Mateo 26:29

Ibagak kadakayo: Diakto uminumen iti arak ti ubas agingga iti dayta nga aldaw a pannakiinumko kadakayo iti baro nga arak ti ubas idiay Pagarian ni Amak.”

San Marcos 14:23

Nangala ni Jesus iti kopa, nagyaman iti Dios sana inyawat kadakuada, ket imminumda amin.

San Marcos 14:25

Kinapudnona, kunak kadakayo, diakto uminumen iti arak ti ubas agingga iti dayta nga aldaw nga uminumak iti baro a tubbog ti ubas iti Pagarian ti Dios.”

San Marcos 15:23

Inikkanda iti arak a nalaokan iti mirra, ngem dina ininum.

San Marcos 9:1

Kinunana pay, “Laglagipenyo daytoy! Adda sumagmamano kadakayo ditoy a saanto pay a matay agingga a makitada ti yaay ti Pagarian ti Dios agraman ti amin a pannakabalin.”

San Lucas 21:31

Kasta met nga inton makitayo a mapasamak dagitoy, ammoyo nga asidegen ti Pagarian ti Dios.

San Lucas 22:16

“Ta ibagak kadakayo a diakton mangan iti daytoy agingga a matungpal ti pudno a kaipapananna iti Pagarian ti Dios.”

San Lucas 9:27

Laglagipenyo daytoy: Adda sumagmamano kadakayo ditoy a dinto matay agingga iti makitada ti Pagarian ti Dios.”

Taga-Colosas 1:13

Inispalnatayo iti pannakabalin ti sipnget ket impannatayo iti pagarian ti dungdungngoenna nga Anak.

Uk-ukom 9:13

“Ngem insungbat ti ubas, ‘Tapno maiturayankayo, kasapulan nga isardengkon ti agparnuay iti arakko a mangparagsak kadagiti didiosen ken iti tao.’