San Lucas 22:11 - Ti Baro a Naimbag a Damag Biblia

¹¹ ket kunayo iti akimbalay, ‘Pasaludsod ti Maestro no sadino ti kuarto a panganandanto kadagiti adalanna iti pangrabii iti Paskua.’

Ti Biblia (1973)

¹¹ Ket cunaenyo iti akincua iti balay: Ti Mannursuro cunana kenca: Adino ti yan ti pacasangailiac a panganac ti pascua agraman dagiti adadalac?

San Lucas 22:11 Iomraidhean Croise

San Mateo 21:3

No adda agsaludsod, daytoy ti ibagayo, ‘Masapul ida ti Apo’ ket ipalubosnanto a dagus nga alaenyo ida.”

San Marcos 14:14

Surotenyo iti balay a serkanna ket kunaenyonto iti akimbalay: ‘Kuna ti Maestro, Sadino ti kuarto a pangananminto kadagiti adalan iti pangrabii ti Paskua?’

San Lucas 19:31

No adda agsaludsod kadakayo no apay a warwaranyo ti urbon, ibagayo kenkuana a masapul ti Apo.”

San Lucas 19:34

“Masapul ti Apo,” insungbatda.

San Lucas 19:5

Timmangad ni Jesus idi mabatoganna ni Zakeo. “Zakeo,” kinunana, “darasem ti umulog, ta umayak idiay balaymo ita nga aldaw.”

San Lucas 22:10

“Denggenyo!” kinunana. “Apaman a sumrekkay iti siudad, sabtennakayto ti maysa a lalaki a nakaawit iti sangakaramba a danum. Surotenyo iti balay a serkanna,

San Lucas 22:12

Ipakitananto ti akingngato a kuarto a dakkel ken addaan amin a masapsapul. Sadiay ti pagsaganaanyo.”

San Juan 11:28

Apaman a naisao ni Marta daytoy, nagsubli ket inayabanna a sililimed ni Maria a kabsatna. “Adda ni Maestro,” kinunana, “ket paayabannaka.”

Paltiing 3:20

Denggem, addaak nga agtatakder iti ruar ket agtuktuktokak iti ruangan. No adda makangngeg iti timekko ket luktanna ti ruangan, sumrekakto iti balayna ket agkalanglangkamto a mangan.