San Lucas 21:8 - Ti Baro a Naimbag a Damag Biblia

⁸ “Agannadkayo ket saankayo a paallilaw,” kinuna ni Jesus. “Adunto dagiti umay ket aramatenda ti naganko a kunkunada, ‘Siak ti Cristo,’ ken ‘Asidegen ti tiempo!’ Ngem diyo patpatien ida.

Ti Biblia (1973)

⁸ Ket kinunana: Kitaenyo, ta dicay coma maal-lilaw; ta adu dagiti umayto iti naganco, a cuncunada: Siac ti Cristo, ket ti tiempo asidegen; dicay suruten ida.

San Lucas 21:8 Iomraidhean Croise

Jeremias 29:8

Siak, ni Yahweh a Dios ti Israel, ballaagankayo a dikay paallilaw kadagiti profeta a makipagtaeng kadakayo, wenno kadagiti tattao nga agkuna a maipadtoda ti mapasamakto iti masakbayan. Diyo patpatien dagiti tagtagainepda.

San Mateo 24:11

Tumaudto dagiti adu a sinan-profeta a mangyaw-awan kadagiti adu a tattao.

San Mateo 3:2

“Agbabawikayo kadagiti basbasolyo,” kinunana, “agsipud ta asidegen ti Pagarian ti langit.”

San Mateo 4:17

Manipud iti dayta a tiempo, rinugian ni Jesus ti nangasaba: “Agbabawikayo kadagiti basbasolyo, agsipud ta asidegen ti Pagarian ti langit.”

San Lucas 17:23

“Addanto dagiti agkuna kadakayo, ‘Kumitakayo sadiay!’ wenno ‘Kumitakayo ditoy!’ Ngem diyo mapan birbiroken.

San Lucas 21:7

“Maestro,” sinaludsodda ken ni Jesus, “kaanonto a mapasamak daytoy? Ken anianto ti pakakitaan a dimtengen ti tiempo a pannakaaramidna?”

San Lucas 21:9

Dikay agbuteng no madamagyo nga adda dagiti gubat ken riribuk. Masapul a mapasamak nga umuna dagitoy, ngem dina kayat a sawen nga asidegen ti panungpalan.”

San Juan 5:43

Immayak iti turay ni Amak ngem didak inawat. Nupay kasta, no adda umay iti bukodna a turay, awatenyo.

San Juan 8:24

Isut' gapuna a kinunak kadakayo a mataykayto kadagiti basbasolyo. Wen, mataykayto kadagiti basbasolyo no dikay mamati a ‘Siak’ ti ibagbagak.”

San Juan 8:28

Iti kasta, kinuna ni Jesus kadakuada, “Inton maibayogyo ti Anak ti Tao, maammoanyonton a ‘Siak’ ti ibagbagak. Kasta met nga awan ti aramidek a sisiak, ngem sawek laeng ti insuro kaniak ti Ama.

1 Taga-Corinto 6:9

Saanyo aya nga ammo a dinto tagikuaen dagiti managdakdakes ti Pagarian ti Dios? Dikayo paallilaw. Dagiti tattao nga immoral, dagiti agrukbab kadagiti didiosen, dagiti mannakikamalala, dagiti aggartem iti padada a lalaki wenno padada a babai

Taga-Efeso 5:6

Dikay paallilaw iti siasinoman babaen kadagiti ulbod a sarsarita. Dagitoy ti pakaigapuan ti panagdissuor ti pungtot ti Dios kadagiti saan nga agtulnog kenkuana.

2 Taga-Tesalonica 2:3

Dikay paallilaw iti siasino man iti uray ania a wagas. Ta dinto dumteng dayta nga Aldaw no di mapasamak ti Yaalsa a maibusor iti Dios ken panagparang ti Managdakdakes a naituding a mapan idiay infierno.

2 Timoteo 3:13

Ngem dumakdakesto dagiti dakes a tattao ken manangallilaw, ket agtultuloydanto a mangallilaw ken paallilaw.

1 Juan 4:1

Ay-ayatek a gagayyem, diyo patien ti amin nga agkuna nga adda ti Espiritu kadakuada, ngem suotenyo ida no agtaud iti Dios ti espiritu nga adda kadakuada. Ta nagwarasen ditoy lubong ti adu a sinan-profeta.

2 Juan 1:7

Nagwarasen ditoy lubong ti adu a mangallilaw, tattao a di mangbigbig nga immay ni Jesu-Cristo iti lasag. Mangallilaw ken Kabusor ni Cristo dagiti kakasta a tattao.

Paltiing 1:3

Nagasat ti mangbasa iti daytoy a libro. Nagasat met dagiti dumngeg kadagitoy naipadto a mensahe ken mangtungpal iti nailanad iti daytoy a libro! Asidegen ti tiempo a mapasamak dagitoy.

Paltiing 12:9

Naitappuak ti dakkel a dragon, daydi uleg idi ugma a managan Diablo wenno Satanas, a mangal-allilaw iti entero a lubong. Naitappuak ditoy daga agraman dagiti anghelesna.