San Lucas 21:7 - Ti Baro a Naimbag a Damag Biblia

⁷ “Maestro,” sinaludsodda ken ni Jesus, “kaanonto a mapasamak daytoy? Ken anianto ti pakakitaan a dimtengen ti tiempo a pannakaaramidna?”

Ti Biblia (1973)

⁷ Ket inintuudda kencuana, a kinunada: Mannursuro, caanonto daytoy? Ket anianto ti pagilasinan no mangrugida a maaramid dagitoy a banag?

San Lucas 21:7 Iomraidhean Croise

Daniel 12:6

Maysa kadakuada ti nangsaludsod iti anghel nga adda iti surong ti karayan, “Kasano pay ti kabayag sakbay nga aggibus dagitoy nakaskasdaaw a banag?”

Daniel 12:8

Nangngegko ti imbagana. Ngem diak naawatan, isu a sinaludsodko, “Apo, kasanonto ti panaggibus amin dagitoy?”

San Mateo 24:3

Agtugtugaw ni Jesus idiay Bantay Olivo idi umasideg kenkuana dagiti adalan. “Ibagam man kadakami no kaanonto a mapasamak dagitoy?” sinaludsodda. “Anianto ti mapasamak a mangipakita iti yaaymo ken iti panungpalan ti lubong?”

San Marcos 13:14

“Makitayonto ‘Ti Nakabutbuteng a Mangdadael’ nga adda iti di rumbeng a pagsaadanna (maawatan koma ti agbasa ti kaipapanan daytoy). No agnaedkayo idiay Judea iti dayta a tiempo, masapul a kumamangkayo kadagiti bambantay.

San Lucas 21:32

“Tandaananyo a mapasamakto amin dagitoy sakbay a matay dagiti amin a tattao a sibibiag ita.

San Lucas 21:6

“Makitayo amin dagitoy,” kinuna ni Jesus. “Dumtengto ti tiempo nga awanto ti uray maysa a bato ditoy a mabati iti yanna. Marbadanto amin!”

San Lucas 21:8

“Agannadkayo ket saankayo a paallilaw,” kinuna ni Jesus. “Adunto dagiti umay ket aramatenda ti naganko a kunkunada, ‘Siak ti Cristo,’ ken ‘Asidegen ti tiempo!’ Ngem diyo patpatien ida.