San Lucas 21:36 - Ti Baro a Naimbag a Damag Biblia

³⁶ Agsalukagkayo ket agkararagkayo a kankanayon tapno addanto naan-anay a kiredyo nga agibtur kadagiti amin a mapasamak, ken agtakder iti sangoanan ti Anak ti Tao.”

Ti Biblia (1973)

³⁶ Agsalucagcayo ngarud ken agcarcararagcayo nga agnanayon, tapno macalisicayo cadagitoy amin a maaramid nga umayto, ken macapagtacdercayo iti sangoanan ti Anac ti tao.

San Lucas 21:36 Iomraidhean Croise

Ti Libro ni Job 27:10

Rumbeng a tinarigagayanda ti rag-o nga ipaayna, ken kanayon koma a nagkararagda kenkuana.

Dagiti Salmo 1:5

Ukomento ngarud ida ti Dios, ket mailaksiddanto iti gimong dagiti nalinteg.

Jeremias 35:19

Iti kasta, siak, ni Yahweh a Mannakabalin-amin a Dios ti Israel, ikarik nga addanto latta lalaki nga agserbi kaniak iti kaputotan ni Jonadab nga anak ni Recab.”

Malakias 3:2

Ngem siasinonto ti makaibtur iti aldaw a yaayna? Siasinonto ti makalasat inton agparang? Mayarigto iti apuy a manggugor iti landok ken kaslanto naingel a sabon.

San Mateo 24:42

Agsaganakayo ngarud ta saanyo nga ammo ti aldaw a yaay ti Apoyo.

San Mateo 24:43

Laglagipenyo a no ammo koma ti ama ti familia no kaano ti yaay ti mannanakaw, siririing koma tapno saan a serken ti mannanakaw ti balayna.

San Mateo 24:44

Daytoy ti gapuna a masapul a kanayon a sisasaganakayo, ta umayto ti Anak ti Tao iti tiempo a diyo ipagpagarup.”

San Mateo 25:13

Kamaudiananna, kinuna ni Jesus: “Agsaganakayo ngarud ta diyo ammo ti aldaw wenno ti oras.”

San Mateo 26:41

Agridam ken agkararagkayo tapno saankay a matnag iti sulisog. Sisasagana ti espiritu, ngem nakapuy ti lasag.”

San Mateo 8:20

Simmungbat ni Jesus kenkuana, “Adda rukib dagiti musang, ken adda umok dagiti tumatayab, ngem awan pagiddaan ken paginanaan ti Anak ti Tao.”

San Marcos 13:33

Agannadkayo. Agsaganakayo, ta diyo ammo no kaano a dumteng dayta a tiempo.

San Marcos 13:37

“Ti ibagak kadakayo, isaok met kadagiti amin a tattao: Agsaganakayo!”

San Lucas 1:19

“Siak ni Gabriel,” kinuna ti anghel. “Agserserbiak iti imatang ti Dios a nangibaon kaniak a makisao ken mangidanon kenka iti daytoy a damag. Ngem dika met mamati iti mensahek a matungpalto iti naituding a tiempo. Gapu ta dika mamati, agumelkanto ket dikanto makasao agingga iti aldaw a matungpal dagiti sinaok.”

San Lucas 18:1

Sinarita ni Jesus kadakuada daytoy a pangngarig tapno isurona ida a masapul nga agkararagda a kanayon ken dida pukawen ti namnamada.

San Lucas 20:35

Ngem saan nga agaassawa dagiti maikari nga agungar iti masakbayan.

San Lucas 21:35

a kas iti palab-og. Ta umayto dayta nga aldaw kadagiti amin a tattao iti amin a lugar ditoy daga.

Dagiti Aramid 10:2

Relihioso ken managdaydayaw iti Dios, kasta met ti familiana. Adun ti intultulongna kadagiti napanglaw a Judio ken kanayon nga agkararag iti Dios.

1 Taga-Corinto 16:13

Agsiputkayo. Agtalinaedkayo a natibker iti pammati ket tumured ket pumigsakayo.

2 Taga-Corinto 4:14

Ammomi a ti Dios a nangpagungar ken ni Apo Jesus, pagungarennakaminto met a kas ken ni Jesus ket ikuyognatayto iti saklangna.

Taga-Colosas 4:2

Diyo sardayan ti agkararag a sisasalukag ket agyamankayo iti Dios.

1 Taga-Tesalonica 5:17

Diyo koma liwayan ti agkararag.

2 Timoteo 4:5

Ngem masapul nga agtalinaedka latta iti kinamanagparbengmo. Ibturam ti panagsagaba. Annongem ti trabaho a kas mangaskasaba iti Naimbag a Damag. Aramidem amin a pagrebbengam a kas adipen ti Dios.

1 Pedro 4:7

Asidegen ti panungpalan dagiti amin a bambanag. Agbiagkayo ngarud a nanakem ken nateppel tapno mabalinyo ti agkararag.

1 Pedro 5:8

Agsalukagkayo. Agsiputkayo. Agdakdakiwas ti Diablo a kabusoryo—kasla leon a ngumerngernger nga agsapsapul iti alun-onenna.

1 Juan 2:28

Wen, annakko, agtalinaedkayo kenkuana tapno naturedtayo ket ditayto mabain a sumango kenkuana iti dayta nga Aldaw a yaayna.

San Judas 1:24

Madaydayaw koma ti Dios a mangaywan kadakayo tapno saankayo a matnag. Isu met ti mangidatag kadakayo a sidadalus ken siraragsak iti sangoananna. Iti maymaysa a Dios a Mangisalakan kadatayo babaen ken ni Apotayo a Jesu-Cristo, maited koma ti dayag, tan-ok, pannakabalin ken turay, manipud idi ugma, ita, ken iti agnanayon! Amen.

Paltiing 11:4

Dagiti dua a saksi isuda dagiti dua a puon nga olibo ken dagiti dua a pagsilawan iti sangoanan ti Apo ti entero a daga.

Paltiing 6:17

Dimtengen ti naindaklan nga aldaw a panagdissuor ti pungtotda ket awanto ti makalasat.”

Paltiing 7:9

Kalpasan daytoy, nakitak ti nakaad-adu a tattao—awan ti makabilang iti kaaduda. Naggapuda iti amin a puli, tribu, pagilian ken pagsasao. Nakatakderda iti sangoanan ti trono ken ti Kordero. Puraw ti kawesda ken nakaiggemda iti sanga ti palma.

Paltiing 8:2

Kalpasanna, nakitak a naikkan iti trumpeta ti tunggal maysa kadagiti pito nga angheles a nakatakder iti sangoanan ti Dios.