San Lucas 21:34 - Ti Baro a Naimbag a Damag Biblia

³⁴ “Agannadkayo amangan no malmeskay iti nalabes a panagragragsak, pannangan, ken panaginum ken kadagiti pakasikoran ti biag, amangan no kellaat a dumteng dayta nga Aldaw ket tiliwennakayo

Ti Biblia (1973)

³⁴ Ket agaluadcayo, di la ket ta dagiti puspusoyo mapnoda ti kinarawet ken panagbartec, ken cadagiti tarigagay itoy a biag ket iti casta umayto a kel-laat cadacayo dayta nga aldaw:

San Lucas 21:34 Iomraidhean Croise

Genesis 19:32

Bartekenta ketdi ni tatang tapno mabalinta a kaiddaen ket aganakta.”

Genesis 19:35

Binartekda ngarud ti amada, ket napan kinaidda ti inaudi. Kasta unay manen ti bartek ni Lot, ket dina ammo a ti buridekna ti kinaiddana.

Genesis 27:14

Napan innala ni Jacob dagiti kalding sana impan ken ni nanangna. Linuto ni Rebecca ti potahe a kaay-ayo ni Isaac.

Dagiti Salmo 35:8

Ngem madadaeldanto a dida mapakpakadaan; matiliwdanto iti palab-og nga impakatda, ket matnagdanto iti mismo nga abut a kinalida!

Dagiti Proverbio 21:4

Kinatangsit ken kinapalangguad ti mangituray kadagiti managdakdakes ket maibilang a basol dagitoy.

Dagiti Proverbio 23:20

Dika kumuyog kadagiti mammartek wenno kadagiti narawet.

Eclesiastes 9:12

Dimo ammo no kaanonto ti idadateng ti naituding a tiempom. Kas iti tumatayab a pagammoan la ta masiloan, kas iti ikan a matiliw iti iket, maipalab-ogtayo a ditay mapupuotan no dumteng ti dakes a tiempo.

Isaias 28:7

Kasta unay met ti bartek dagiti profeta ken dagiti papadi ket urayda la maibasbasing. Gapu iti adu nga arak a nainumda, urayda la maitiktikleb a dida ammo ti ar-aramidenda. Kasta unay ti bartek dagiti profeta, isu a dida maawatan dagiti parmata nga ipakita ti Dios. Nabartek met dagiti papadi ket dida maibanag dagiti kaso a maidatag kadakuada.

Oseas 4:11

Kuna ti Apo, “Gapu iti baro ken daan nga arak, mapukaw ti pannakaawat dagiti tattaok.

Levitico 10:9

“No sumrekka ken dagiti annakmo iti Tolda, kitaenyo a saankayo a nakainum iti arak wenno aniaman a makabartek amangan ta mataykayo. Linteg daytoy a masapul nga annuroten dagiti amin a kaputotanyo.

San Mateo 13:22

Ti bukel a nagdisso iti kasisiitan iladawanna dagiti nakangngeg iti sao. Gapu kadagiti pakaringgoran iti daytoy a biag ken ti panagagum iti kinabaknang, lineppesda ti sao ket dida agbunga.

San Marcos 13:9

“Agannadkayo. Tiliwen ken idarumdakayto. Saplitendakayto iti uneg dagiti sinagoga. Maisaklangkayto kadagiti agtuturay ken ar-ari gapu kaniak tapno paneknekanyo kadakuada ti Naimbag a Damag.

San Marcos 4:19

ngem umay dagiti pakaringgoran iti daytoy a biag, ti panagagum iti kinabaknang ken ti nalabes a panagtarigagay kadagiti dadduma pay a bambanag, ket leppesenda ti sao. Iti kasta, dida makapagbunga.

San Lucas 10:41

Insungbat ti Apo, “Marta, Marta, adu la amin a pakaringgoram.

San Lucas 12:40

Kasta met kadakayo, masapul a sisasaganakayo latta, ta umayto ti Anak ti Tao iti oras a diyo ipagpagarup.”

San Lucas 17:3

Agannadkayo ngarud iti aramidyo! “Babalawem ti kabsatmo no makabasol. Pakawanem no agbabawi.

San Lucas 21:35

a kas iti palab-og. Ta umayto dayta nga aldaw kadagiti amin a tattao iti amin a lugar ditoy daga.

San Lucas 21:8

“Agannadkayo ket saankayo a paallilaw,” kinuna ni Jesus. “Adunto dagiti umay ket aramatenda ti naganko a kunkunada, ‘Siak ti Cristo,’ ken ‘Asidegen ti tiempo!’ Ngem diyo patpatien ida.

San Lucas 8:14

Dagiti nagdisso iti ayan dagiti siitan a mula, kayariganda dagiti tattao a dumngeg; ngem dagiti pakaringgoran ken kinabaknang ken ragragsak ditoy a biag, leppesenda ida ket saan a matangkenan dagiti bungada.

1 Taga-Corinto 5:11

Kayatko a sawen, dikayo makipulapol iti tao nga ibilangna ti bagina a kabsat idinto nga immoral, naagum, agrukbab kadagiti didiosen, mamadpadakes, mammartek wenno mannanakaw. Diyo kapulapol wenno uray kalanglang la koma ti kasta a tao.

1 Taga-Corinto 6:10

wenno dagiti agag-agaw, naagum, mammartek, mamadpadakes wenno dagiti mannanakaw—awanto kadakuada ti makipagtagikua iti Pagarian ti Dios.

Taga-Galacia 5:20

panagrukbab kadagiti didiosen, panagan-anito, panaggiginnura, panagaapa, panagiinnimon, panagpungpungtot, kinaagum,

Deuteronomio 29:19

Awan koma ti siasinoman nga adda ditoy ita a dumdumngeg iti nasagradoan a katulagan ti mangibaga iti bagina nga awan ti pakaan-anoanna uray aramidenna ti kaykayatna. Iramannakayo amin a maikisap, naimbag man wenno managdakdakes.

Taga-Filipos 4:6

Awan koma ti pakadanaganyo, ngem tunggal agkararagkayo iti Dios ket agdawatkayo, diyo liplipatan ti agyaman kenkuana.

Hebreo 12:15

Agannadkayo tapno awan ti mangtallikud iti managparabur a Dios. Kitaenyo nga awan ti agbalin a kas iti napait a mula nga agtubo ken mangdadael iti biag ti tunggal maysa. Awan koma ti agbalin nga immoral wenno di agraem kadagiti nasantoan a bambanag a kas ken ni Esau. Insukat ni Esau iti sangamalukong a linugaw ti kalinteganna a kas inauna nga anak.

2 Pedro 3:10

Dumtengto ti Aldaw ti Apo a di mapakpakadaan, kas iti yaay ti mannanakaw. Iti dayta nga Aldaw, agpukawto dagiti langlangit a kagiddan ti napigsa a daranudor, ket matunaw iti apuy ti init, bulan ken dagiti bituen ket awanton ti daga ken amin a linaonna.

2 Pedro 3:14

Iti kasta, gagayyemko, bayat ti panagur-urayyo iti dayta nga Aldaw, makikappiakayo iti Dios ket ikagumaanyo ti agbalin a nadalus ken awan pakapilawanna iti imatangna.

Paltiing 3:3

Ngarud, laglagipem dagiti nasursuro ken nangngegmo. Tungpalem ida ket agbabawika kadagiti basbasolmo. No dika agriing, umayakto kenka a kas iti mannanakaw—dimonto ammo no ania ti oras nga isasangpetko.

1 Samuel 25:36

Idi agawid ni Abigail iti balayda, nadanonna nga adda parambak nga inangay ni Nabal. Kasla parambak ti ari ti inangayna. Nabartek ni Nabal ket kasta unay ti ragsakna, isu a pulos nga awan imbagbaga ni Abigail kenkuana agingga iti bigat.