San Lucas 21:27 - Ti Baro a Naimbag a Damag Biblia

²⁷ Kalpasanna, agparangto ti Anak ti Tao nga umay iti ulep agraman naindaklan a pannakabalin ken dayag.

Ti Biblia (1973)

²⁷ Ket iti dayta makitadanto ti Anac ti tao, nga umayto iti maysa nga ulep agraman ti pannacabalin ken dackel a dayagna.

San Lucas 21:27 Iomraidhean Croise

Daniel 7:13

Iti parmatak iti dayta a rabii, nakitak ti kasla anak ti tao a bumabbaba a linikmut dagiti ulep. Immasideg iti Sibibiag iti Agnanayon ket naidatag kenkuana.

San Mateo 24:30

Agparangto idiay langit ti pagilasinan iti yaay ti Anak ti Tao. Ket agdung-awto dagiti amin a tattao ditoy daga inton makitada ti Anak ti Tao iti rabaw dagiti ulep ti langit nga umay a napnoan pannakabalin ken naindaklan a dayag.

San Mateo 25:31

“Inton umay ti Anak ti Tao a kas Ari a kuyogen dagiti amin nga angheles, agtugawto iti nadayag a tronona.

San Mateo 26:64

“Nasaomon!” insungbat ni Jesus. “Ngem kunak kadakayo amin: Makitayonto ti Anak ti Tao a situtugaw iti makannawan ti Mannakabalin-amin. Makitayonto nga umay kadagiti ulep ti langit.”

San Marcos 13:26

Kalpasanna, agparangto ti Anak ti Tao iti rabaw ti ulep nga umay a napnoan iti pannakabalin ken dayag.

San Lucas 21:26

Matalimudawto dagiti tattao iti butengda bayat ti panagurayda iti mapasamak iti entero a lubong, ta mawarawaranto dagiti pannakabalin ti tangatang.

Paltiing 1:7

Kitaenyo, umayen ni Jesus a silulugan kadagiti ulep! Makitanto ti tunggal maysa, agraman dagiti nangduyok kenkuana. Dung-awanto dagiti tattao iti amin a pagilian ditoy lubong. Maaramid koma a kasta! Amen.

Paltiing 14:14

Kalpasanna, adda nakitak a puraw nga ulep a pagtugtugawan ti maysa a parsua nga umas-asping iti anak ti tao. Adda korona a balitok iti ulona ken nakaiggem iti natadem a kumpay.