San Lucas 21:23 - Ti Baro a Naimbag a Damag Biblia

²³ Kaasinto dagiti masikog ken dagiti tagtagibian kadagita nga aldaw! Dumtengto ti nakabutbuteng a didigra iti daytoy a daga, ket agdissuorto ti pungtot ti Dios kadagitoy a tattao.

Ti Biblia (1973)

²³ Ngem asipay dagiti masicog ken dagiti agtagtagibi cadagita nga aldaw! ta addanto dackel a rigat iti rabaw ti daga ken gura a maicaniwas itoy nga ili.

San Lucas 21:23 Iomraidhean Croise

Dungdung-aw 4:10

Nakabutbuteng a buya ti inyeg ti didigra a nagdissuor kadagiti tattaok. Linuto dagiti naayat nga inna dagiti mismo nga annakda tapno adda kanenda.

Daniel 8:19

ket kinunana, “Ipakaammok kenka ti pagbanaganto ti pungtot ti Dios. Iladawan ti parmata ti tiempo ti panungpalan.

San Mateo 21:16

Ngarud, sinaludsodda ken ni Jesus, “Mangngegmo ti sasawenda?” “Wen,” insungbatna. “Diyo aya nabasa ti kuna ti Nasantoan a Surat? ‘Insurom dagiti ubbing ken maladaga a mangyebkas iti umisu a panagdaydayaw.’ ”

San Mateo 21:41

Kinunada, “Awan duadua a patayennanto dagiti naranggas a makitaltalon. Ket ipaabangnanto ti kaubasan kadagiti sabali a makitaltalon a mangtedto kenkuana iti bingayna iti tiempo ti panagapit.”

San Mateo 21:44

Maburburakto ti siasinoman a matnag iti daytoy a bato, ket matumekto a kas tapok ti siasinoman a matupakanna.”

San Mateo 24:19

Kadagita nga aldaw, kakaasinto dagiti masikog ken dagiti inna a di pay napusot dagiti annakda.

San Marcos 13:17

Kadagita nga aldaw, kakaasinto dagiti masikog ken dagiti agpaspasuso.

San Lucas 19:27

No maipapan kadagiti kabusorko a di nangayat a siak ti arida, yegyo ida ditoy ket patayenyo ida iti sangoanak.’”

San Lucas 19:43

Dumtengto dagiti aldaw a bangenandaka dagiti kabusormo. Lakuben ken darupendakanto iti amin a suli.

San Lucas 23:29

Ta umasidegen dagiti aldaw a panagkunanto dagiti tat-tao, ‘Nagasat dagiti babbai a di nagan-anak, di nagsikog ken di nagpasuso!’

1 Taga-Corinto 7:26

Gapu iti agdama a rigat, nasaysayaat no agtalinaed ti lalaki iti kasasaadna.

1 Taga-Tesalonica 2:16

Iparitda pay ti panangikasabami kadagiti Hentil iti mensahe a pakaisalakananda koma. Daytoyen ti pagpatinggaan ti kinadakesda, ket agdissuoren kadakuada ti pungtot ti Dios!

Hebreo 13:16

Diyo liwayan ti agaramid iti naimbag ken ti panagtitinnulongyo, ta dagitoy ti daton a pakaragsakan ti Dios.

Santiago 5:1

Ita, denggendak, dakayo a babaknang! Agsangit ken agdung-awkayo gapu kadagiti didigra a mapagtengyonto.

1 Pedro 4:17

Dimtengen ti tiempo a panangukom ti Dios ket umunanto nga ukomenna dagiti bukodna a tattao. No datayo ti pangrugian ti panangukomna, anianto ngata ti pagtungpalan dagiti saan nga agtulnog iti ebanghelio ti Dios?