San Lucas 21:19 - Ti Baro a Naimbag a Damag Biblia

¹⁹ Babaen iti panagibturyo, maisalakanyonto dagiti bagbagiyo.”

Ti Biblia (1973)

¹⁹ Iti panaganusyo macupicupanyonto dagiti cararuayo.

San Lucas 21:19 Iomraidhean Croise

Dagiti Salmo 37:7

Aganuska ket urayem nga agtignay ti Apo. Dimo pakasikoran dagiti rumang-ay ti panagbiagda, wenno dagiti agballigi iti dakes a panggepda.

Dagiti Salmo 40:1

Siaanusak a nagur-uray iti Apo; inallingagnak ket dinengngegna ti asugko.

Habakuk 3:16

Mangngegko amin dagitoy ket agkintayegak; agtigerger dagiti bibigko iti buteng. Agkapsut ti bagik, ket agkutukot dagiti tumengko. Anusak nga urayen ti idadateng ti tiempo a panangdusa ti Dios kadagiti mangraut kadakami.

San Mateo 10:22

Guraendakayto dagiti tattao gapu kaniak. Ngem ti siasinoman a makaibtur agingga iti panungpalan, maisalakanto.

San Mateo 24:13

Ngem maisalakanto ti siasinoman a makaibtur agingga iti panungpalan.

San Lucas 8:15

Dagiti nagdisso iti nadam-eg a daga, iladawanda dagiti tattao a dumngeg iti mensahe, salimetmetanda iti naimbag ken natulnog a puso, ket agtalinaedda agingga iti agbungada.”

Taga-Roma 15:4

Ta amin nga adda iti Nasantoan a Surat, naisuratda tapno isurodatayo a mangnamnama babaen iti anus ken pammaregta nga ited ti Nasantoan a Surat.

Taga-Roma 2:7

Adda tattao a naanus nga agaramid iti naimbag tapno magun-odda ti dayag, dayaw ken biag nga awan patinggana. Itedto ti Dios kadakuada ti biag nga agnanayon.

Taga-Roma 5:3

Agragsaktayo met kadagiti rigrigattayo, ta ammotayo a ti rigat pataudenna ti panagibtur.

Taga-Roma 5:4

Ti panagibtur yegna ti yaanamong ti Dios. Ti yaanamongna pataudenna ti namnama.

Taga-Roma 8:25

Ngem no namnamaentayo ti ditay pay makita, urayentayo a siaanus.

1 Taga-Tesalonica 1:3

Ta tunggal agkararagkami iti Dios ken Amatayo, malagipmi no kasano ti panangipakitayo iti pammatiyo babaen iti panagbiagyo, ti gagetyo nga agtrabaho gapu iti ayat ken no kasano ti kinatibker ti namnamayo ken ni Apotayo a Jesu-Cristo.

2 Taga-Tesalonica 3:5

Sapay koma ta idalannakayo ti Apo iti naun-uneg a pannakaawat iti panagayat iti Dios ken iti panagibtur nga ipaay ni Cristo.

Hebreo 10:36

Masapul nga agibturkayo tapno maaramidyo ti pagayatan ti Dios, ket awatenyo ti inkarina.

Hebreo 6:11

Tarigagaymi nga ituloy ti tunggal maysa kadakayo ti sigud a regtana agingga iti panungpalan tapno magun-odyo ti namnamaenyo.

Hebreo 6:15

Naawat ni Abraham ti inkari ti Dios gapu ta nagur-uray a siaanus.

Santiago 1:3

agsipud ta ammoyo a no agballigi ti pammatiyo a mangsaranget iti kasta a rigat, pataudenna ti anusyo nga agibtur.

Santiago 1:4

Managibturkayo koma a kanayon ken awan pakapilawan ken pagkuranganyo.

2 Pedro 1:6

iti pannakaammo, inayonyo ti panagteppel; iti panagteppel, ti panagibtur; iti panagibtur, ti panagbuteng iti Dios;

Paltiing 1:9

Siak ni Juan a kabsatyo. Kas pasurot ni Jesus, kaduakayo iti panagsagaba, iti pagarian ni Cristo ken iti naanus a panagibtur. Naipanak iti puro a managan Patmos gapu ta impakaammok ti sao ti Dios ken ti kinapudno nga impakaammo ni Jesus.

Paltiing 13:10

Siasinoman a nairanta a matiliw, matiliwto. Ti nairanta a mapapatay iti kampilan, mapapatayto iti kampilan. Daytoy ti pakasapulan iti panagibtur ken pammati iti biang dagiti tattao ti Dios.”

Paltiing 14:12

Daytoy ti pakasapulan iti panagibtur dagiti tattao ti Dios, dagiti agtulnog kadagiti bilin ti Dios ken dagiti agtalinaed iti pammati ken ni Jesus.

Paltiing 3:10

Agsipud ta tinungpalmo ti bilinko, nga anusam nga ibturan ti panagsagaba, aywanankanto met inton dumteng ti riribuk a pakasuotan ti amin a tao iti sangalubongan.