San Lucas 20:22 - Ti Baro a Naimbag a Damag Biblia

²² Ibagam man no maisalungasing iti Linteg ti panagbayadmi iti buis iti Emperador?”

Ti Biblia (1973)

²² Maipalubos cadacami ti panagbayad ti buis ken Cesar, wenno saan?

San Lucas 20:22 Iomraidhean Croise

ESDRAS 4:13

Natan-ok nga Emperador, no mabangon manen dayta a siudad ket malpasda dagiti bakudna, dinton kayat dagiti tattao ti agbayad iti buis ket bumassit ti mapastrek ti pagarian.

ESDRAS 9:7

Manipud pay iti tiempo dagiti kapuonanmi, adu unayen ti basolmi a tattaom. Gapu iti daytoy, natnagkam iti pannakabalin dagiti ganggannaet nga ari—dakami, dagiti arimi ken dagiti papadimi. Napapatay, natakawan ken naitalawkami a kas balud, ket naibabainkam iti kasta unay agingga ita.

Nehemias 5:4

Kinuna pay ti dadduma, “Immutangkami iti kuarta tapno adda pagbuismi kadagiti talon ken kaubasanmi.

Nehemias 9:37

Maited ti amin nga apit kadagiti ari nga insaadmo gapu ta nagbasolkami. Aramidenda ti kaykayatda kadakami ken kadagiti bakami, ket napalalo ti pannakaparigatmi.”

San Mateo 17:25

“Wen, a,” insungbat ni Pedro. Idi simrek ni Pedro iti balay, immuna a nagsao ni Jesus, “Simon, ania ti makunam? Siasino ti agbayad iti buis kadagiti ar-ari ditoy lubong? Dagiti umili wenno dagiti ganggannaet?”

San Lucas 20:21

“Maestro,” kinunada ken ni Jesus, “ammomi a nasayaat ti amin nga isasao ken isursurom. Ammomi nga awan idumdumam no di ket isurom ti pudno maipapan iti pagayatan ti Dios kadagiti tattao.

San Lucas 20:23

Ngem nadlaw ni Jesus ti sikapda ket kinunana kadakuada,

San Lucas 23:2

Rinugianda ti nagiparang kadagiti pammabasolda kenkuana. “Natiliwanmi daytoy a tao a mangal-allilaw kadagiti kailianmi,” kinunada. “Iparparitna ti panagbayad iti buis iti Emperador. Kunkunana pay nga isu ti Cristo a maysa nga ari.”

Dagiti Aramid 5:37

Kalpasanna, nagparang met ni Judas a taga-Galilea idi panawen ti sensus ket adu ti napasurotna. Napapatay ni Judas ket nawarawara met dagiti pasurotna.

Taga-Roma 13:7

Bayadanyo ngarud ti utangyo kadakuada. Itedyo ti buisyo. Raemen ken padayawanyo ida amin.

Deuteronomio 17:15

Isaadyo nga ari ti pilien ti Apo a Diosyo. Masapul a maysa kadagiti kadaraanyo ti isaadyo; diyo dutokan ti saan nga Israelita.