San Lucas 2:13 - Ti Baro a Naimbag a Damag Biblia

¹³ Pagammoan, adda dakkel a nailangitan a bunggoy a nagparang iti asideg ti anghel. Ikankantada dagiti pagdaydayaw iti Dios:

Ti Biblia (1973)

¹³ Ket naigiddato nga adda a naicuyog idi angel ti maysa a dackel a bonggoy dagiti nailangitan nga buybuyot, a nagdaydayaw iti Dios, ket cuncunada.

San Lucas 2:13 Iomraidhean Croise

Genesis 28:12

Iti dayta a rabii, natagtagainepna nga adda agdan a dumanon sadi langit ket adda dagiti angheles ti Dios nga umuli-umulog sadiay.

1 Ar-ari 22:19

Intuloy ni Micaias, “Ita, denggem ti sao ti Apo! Nakitak ti Apo nga agtugtugaw iti tronona sadi langit; agtatakder dagiti anghelesna iti abayna.

Ti Libro ni Job 38:7

Iti parbangon dayta nga aldaw, sangsangkamaysa a nagkanta dagiti bituen ket nagdir-i iti rag-o dagiti nailangitan a parsua.

Dagiti Salmo 148:2

Idaydayawyo, dakayo nga anghelesna; idaydayawyo, dakayo a nailangitan nga armadana.

Dagiti Salmo 68:17

Kadua ti Dios ti rinibribu a nabileg a luganna. Naggapu ti Apo idiay Sinai ket mapan iti nasantoan a disso.

Ezekiel 3:12

Kalpasanna, impangatonak ti espiritu ti Dios ket manipud iti likudak, nangngegko ti napigsa a timek a kunana, “Idaydayawyo ti dayag ti Apo nga adda sadi langit.”

Daniel 7:10

Agay-ayus nga apuy ti aggapu iti trono. Rinibribu dagiti agserserbi kenkuana ket linaklaksa dagiti adda iti sangoananna. Nangrugi ti panangukom ket naluktan dagiti libro.

San Lucas 15:10

“Kasta met, ibagak kadakayo, nga agragsak dagiti angheles ti Dios gapu iti maysa a managbasol nga agbabawi.”

San Lucas 2:12

Daytoy ti pagilasinanyo: masarakanyonto ti maysa nga ubing a nabungon iti lampin ken nakaidda iti kulluong.”

San Lucas 2:14

“Gloria iti Dios iti kangatoan a langit! Ket ditoy daga, kappia ken talna kadagiti tattao a pakaragsakanna!”

Taga-Efeso 3:10

Ita, babaen iti iglesia, maammoan dagiti agtuturay ken dagiti pannakabalin sadi langit ti kinasirib ti Dios iti nadumaduma a pannakaiparangarangna.

1 Timoteo 3:16

Anian a nagdakkel ti palimed ti pammatitayo: Isu ket nagparang a kas tao, Pinaneknekan ti Espiritu ti kinalintegna, Ket nakita dagiti angheles. Naikaskasaba kadagiti pagilian, Pinati dagiti tattao iti entero a lubong, Ket nayuli sadi langit.

Hebreo 1:14

Siasino ngarud dagiti angheles? Espirituda nga agserserbi iti Dios ket imbaonna ida a tumulong kadagiti umawat iti pannakaisalakan.

1 Pedro 1:12

Impakaammo ti Dios kadagitoy a profeta a saan nga agpaay a pagimbaganda dagiti ar-aramidenda no di ket agpaay a pagimbaganyo. Naibagan kadakayo ti maipapan kadagitoy a bambanag. Impakaammo ida dagiti nangikasaba iti Naimbag a Damag, isuda nga indalan ti Espiritu Santo a naibaon manipud langit. Dagitoy dagiti bambanag a kayat a maawatan uray pay dagiti angheles.

Paltiing 5:11

Kimmitaak manen, ket nangngegko ti ragup a timek dagiti rinibu ken riniwriw nga angheles. Linawlawda ti trono, dagiti sibibiag a parsua ken dagiti panglakayen,