San Lucas 2:11 - Ti Baro a Naimbag a Damag Biblia

¹¹ Ita nga aldaw, ditoy ili ni David, naipasngay ti mangisalakan kadakayo—ni Cristo nga Apo!

Ti Biblia (1973)

¹¹ Ta ita nga aldaw nayanac cadacayo idiay ili ni David, ti maysa a Manangisalacan, isu ti Cristo nga Apo.

San Lucas 2:11 Iomraidhean Croise

Genesis 3:15

Pagginnuraenkayto iti babai. Saanto nga agpatingga ti panagbinnusor dagiti kaputotanyo. Rim-itento ti kaputotanna ti ulom ket kagatemto met ti mukodna.”

Genesis 49:10

Ikutan ni Juda ti setro, agnanayon nga agturay dagiti kaputotanna. Yegto dagiti nasion dagiti sagut a pagbayadda kenkuana. Ket agtamedda a mangipakita iti panagtulnogda.

Dagiti Salmo 2:2

Agtutulag nga agmaymaysa dagiti agtuturayda busorenda ti Apo, ken iti ari a pinilina.

Isaias 9:6

Naipasngay kadatayo ti maysa nga ubing! Adda ubing a lalaki a naited kadatayo! Ket isunto ti mangituray kadatayo! Maawaganto iti, “Nakaskasdaw a Mammagbaga,” “Mannakabalin a Dios,” “Agnanayon nga Ama,” “Prinsipe ti Kappia.”

San Mateo 1:21

Ipasngaynanto ti maysa a lalaki ket panaganamto iti Jesus, agsipud ta isalakannanto dagiti tattaona kadagiti basbasolda.”

San Mateo 16:16

“Sika ti Cristo, ti Anak ti sibibiag a Dios,” insungbat ni Simon Pedro.

San Mateo 16:20

Kalpasanna, imbilin ni Jesus kadagiti adalanna nga awan ti pangibagbagaanda nga isu ti Cristo.

San Lucas 1:43

Anian a pannakapadayawko, ta umaynak sarungkaran ti ina ti Apok!

San Lucas 1:69

Inikkannatayo iti maingel a Mangisalakan a nagtaud iti kaputotan ni David nga adipenna.

San Lucas 2:26

Impaltiing kenkuana ti Espiritu Santo a dinto matay agingga iti makitana ti Cristo nga inkari ti Apo.

San Lucas 2:4

Agsipud ta nagtaud ni Jose iti kaputotan ni David, pimmanaw iti ili a Nazaret idiay Galilea, ket napan iti ili a Betlehem idiay Judea. Idiay Betlehem ti nakayanakan ni Ari David.

San Juan 1:41

Sinapulna a dagus ni Simon a kabsatna ket imbagana kenkuana, “Nasarakanmi ti Mesias!” (Kayatna a sawen, “Cristo.”)

San Juan 1:45

Nasarakan ni Felipe ni Natanael ket kinunana kenkuana, “Nasapulanmi ti tao a sinarita ni Moises iti libro ti Linteg, ken dagiti Profeta. Isu ni Jesus a taga-Nazaret nga anak ni Jose.”

San Juan 11:27

“Wen, Apo,” insungbatna. “Patiek a sika ti Cristo, ti Anak ti Dios nga umay ditoy lubong.”

San Juan 20:31

Dagiti nailanad iti daytoy a libro, naisuratda tapno mamatikayo a ni Jesus isu ti Cristo nga Anak ti Dios, ket babaen iti daytoy a pammati, maaddaankayo koma iti biag gapu kenkuana.

San Juan 4:25

Kinuna kenkuana ti babai, “Ammok nga umayto ti Mesias a maawagan iti Cristo. Inton umay, ibagananto dagiti amin a bambanag.”

San Juan 4:42

Kinuna dagiti tattao iti babai, “Mamatikamin, saanen a gapu iti saom, ngem gapu ta dakami a mismo ti nakangngeg kenkuana, ket ammomi a pudno nga isu ti Mangisalakan iti lubong.”

San Juan 6:69

Ket ita, mamatikami ken ammomi a sika ti Nasantoan a naggapu iti Dios.”

San Juan 7:41

Kinuna dagiti dadduma, “Isu ti Cristo!” Ngem adda met nagkuna, “Saan nga idiay Galilea ti paggapuan ti Cristo!

Dagiti Aramid 10:36

Ammoyo ti mensahe nga inted ti Dios kadagiti Israelita, idi impakaammona ti Naimbag a Damag maipapan iti kappia babaen ken ni Jesu-Cristo nga Apo ti amin a tao.

Dagiti Aramid 13:23

“Kas inkari ti Dios, pinagbalinna a Mangisalakan iti Israel ti maysa kadagiti kaputotan ni David. Isu ni Jesus.

Dagiti Aramid 17:3

iti panangilawlawag ken panangipaneknekna a masapul nga agsagaba ken agungar ti Cristo. “Daytoy Jesus nga ipakaammok kadakayo,” kinunana, “isu ti Cristo.”

Dagiti Aramid 2:36

“Ammoen ngarud ti amin a tattao iti Israel nga awan duadua a daytoy Jesus nga inlansayo iti krus ket pinagbalin ti Dios nga Apo ken Cristo!”

Dagiti Aramid 5:31

Intan-ok ti Dios iti makannawanna, kas Pangulo ken Mangisalakan, tapno ikkanna dagiti Israelita iti gundaway nga agbabawi kadagiti basbasolda ket mapakawanda.

1 Taga-Corinto 15:47

Naaramid iti tapok ti umuna nga Adan. Naggapu sadi langit ti maikadua.

Taga-Filipos 2:11

Ket silalatak nga ipablaak ti amin a tao a ni Jesu-Cristo isu ti Apo, a pakaidaydayawan ti Dios Ama.

Taga-Filipos 3:8

Wen, ibilangko amin a pukaw tapno magun-odko ti napatpateg nga isu ti pannakaammo ken ni Cristo Jesus nga Apok. Gapu kenkuana, binaybay-akon ti amin a masansan idi nga aramidek. Imbellengko aminen ida a kas rugit tapno, kas kunadan, magun-odko ni Cristo,

Taga-Colosas 2:6

Yantangay ta inawatyon ni Cristo Jesus a kas Apo, agbiagkayo koma a mainaig kenkuana.

1 Juan 4:14

Nakita ken paneknekanmi nga imbaon ti Ama ti Anakna a Mangisalakan iti lubong.

1 Juan 5:1

Anak ti Dios ti siasinoman a mamati a ni Jesus isu ti Cristo, ket ti siasinoman nga agayat iti maysa nga ama, ayatenna met ti anak dayta nga ama.