San Lucas 2:10 - Ti Baro a Naimbag a Damag Biblia

¹⁰ ngem kinuna ti anghel kadakuada, “Dikay agbuteng! Addaak ditoy a mangyeg kadakayo iti naimbag a damag a pakaragsakanyo, wen, dakayo ken dagiti amin a tattao.

Ti Biblia (1973)

¹⁰ Ket di angel kinunana cadacuada: Dicay agbuteng, ta adtoy, yegancayo ti naimbag a damag ti dackel a ragsac, a maipaayto cadagiti amin a tattao:

San Lucas 2:10 Iomraidhean Croise

Genesis 12:3

“Bendisionakto dagiti mangbendision kenka, ngem ilunodkonto dagiti mangilunod kenka. Dawatento dagiti amin a nasion ditoy daga a bendisionak ida a kas iti panangbendisionko kenka.”

Isaias 40:9

Inka iti tapaw ti nangato a bantay, O Jerusalem; ipakaammom ti naimbag a damag! Pigsaam ti agpukkaw, Sion; iwaragawagmo ti naimbag a damag! Agsaoka ket saanka nga agamak. Ibagam kadagiti il-ili ti Juda nga umayen ti Diosda!

Isaias 41:27

Siak, ni Yahweh, ti immuna a nangipadamag iti Sion. Nangibaonak iti nangipakaammo iti Jerusalem: ‘Sumangpet dagiti tattaom! Addadan!’

Isaias 49:6

Kinuna ti Apo kaniak, “Adda nangnangruna a trabaho nga ipaaramidko kenka nga adipenko! Saanmonto la nga isubli ti kinatan-ok dagiti Israelita a nakalasat, ngem pagbalinenkanto pay a silaw kadagiti pagilian— tapno maisalakan ti sangalubongan.”

Isaias 52:10

Aramaten ti Apo ti bilegna a nasantoan; isalakanna dagiti tattaona, ket makita ti sangalubongan.

Isaias 52:7

Nagpintas ketdin nga imatangan ti naibaon a sumungsungad iti bantay! Umayna ipakaammo kadagiti kabambantayan ti naimbag a damag ti kappia! Ipakaammona ti balligi ket kunana, “Agarin ti Diosmo, Sion!”

Isaias 61:1

Pinunnonak ni Apo Dios iti espirituna. Pinilinak ket imbaonnak a mangipakaammo iti naimbag a damag kadagiti napanglaw, mangliwliwa kadagiti nalapunos iti ladingit, mangiwaragawag iti pannakaruk-at dagiti napagtalaw, ken ti pannakawayawaya dagiti adda iti pagbaludan.

Daniel 10:19

Kinunana, “Dungdungngoennaka ti Dios, isut' gapuna nga awan koma ti pagdanagam wenno pagbutngam. Pakirdem ta pakinakemmo.” Idi nasaona daytoy, ad-adda pay a pimmigsaak ket kinunak, “Apo, ibagam ti kayatmo nga ibaga kaniak. Pinasayaatmo ti riknak.”

Zacarias 9:9

Agrag-okayo, tattao ti Sion, agrag-okayo! Agdir-ikay iti ragsak, tattao ti Jerusalem! Kitaenyo, umayen kadakayo ti ariyo! Umay a sibaballigi ngem napakumbaba; umay a nakasakay iti asno, iti urbon ti asno.

San Mateo 14:27

Ngem dagus a kinuna ni Jesus, “Dikay agbuteng! Siak ni Jesus, dikay agdanag.”

San Mateo 28:18

Immasideg ni Jesus ket kinunana, “Naited kaniak ti amin a pannakabalin idiay langit ken ditoy daga.

San Mateo 28:5

Nagsao ti anghel kadagiti babbai. “Dikay agbuteng,” kinunana. “Ammok a sapsapulenyo ni Jesus a nailansa iti krus.

San Marcos 1:15

“Dimtengen ti aldaw,” kinunana. “Asidegen ti Pagarian ti Dios. Agbabawikayo kadagiti basbasolyo ket mamatikayo iti Naimbag a Damag.”

San Marcos 16:15

Imbagana kadakuada: “Inkay iti entero a lubong ket ikasabayo ti Naimbag a Damag kadagiti amin a parsua.

San Lucas 1:13

Ngem kinuna ti anghel kenkuana, “Dika agbuteng, Zacarias! Impangag ti Dios ti kararagmo. Aganakto ni Elisabet nga asawam. Lalakinto ti anakyo ket panaganamto iti Juan.

San Lucas 1:19

“Siak ni Gabriel,” kinuna ti anghel. “Agserserbiak iti imatang ti Dios a nangibaon kaniak a makisao ken mangidanon kenka iti daytoy a damag. Ngem dika met mamati iti mensahek a matungpalto iti naituding a tiempo. Gapu ta dika mamati, agumelkanto ket dikanto makasao agingga iti aldaw a matungpal dagiti sinaok.”

San Lucas 1:30

Ngem kinuna ti anghel kenkuana: “Dika agbuteng, Maria, ta pinaraburannaka ti Dios.

San Lucas 2:11

Ita nga aldaw, ditoy ili ni David, naipasngay ti mangisalakan kadakayo—ni Cristo nga Apo!

San Lucas 24:47

Iti naganna, maikasabanto kadagiti amin a nasion, manipud Jerusalem, ti mensahe maipapan ti panagbabawi ken pannakapakawan dagiti basbasol.’

San Lucas 8:1

Iti saan a nabayag, sinursor ni Jesus dagiti il-ili ken barbarrio ket inkaskasabana ti Naimbag a Damag maipapan iti Pagarian ti Dios. Kimmuyog kenkuana dagiti sangapulo ket dua nga adalan.

Dagiti Aramid 13:32

Ket addakami ditoy a mangyeg kadakayo iti Naimbag a Damag nga inkari ti Dios nga aramidenna kadagiti kapuonantayo.

Taga-Roma 10:15

Kasano a maiwaragawag ti mensahe, no saan a maibaon dagiti mangasaba? Kas kuna ti Nasantoan a Surat, “Nagsayaat ketdin ti yaay dagiti mangyeg iti naimbag a damag!”

Taga-Efeso 3:8

Siak ti kanumoan kadagiti nanumo a tattao ti Dios, ngem siak ti pinili ti Dios a mangipakaammo kadagiti Hentil iti di matukod a kinabaknang ni Cristo,

Taga-Colosas 1:23

Masapul ngarud nga agtalinaedkayo a natibker ken natalged iti pammati. Diyo itulok a magunggonkayo ket mapukawyo ti namnama a nagun-odyo idi nangngegyo ti ebanghelio. Daytoy ti ebanghelio a naikaskasaba kadagiti amin a tattao ditoy lubong. Daytoy ti gapuna a siak, ni Pablo, nagbalinak nga adipen.