San Lucas 19:47 - Ti Baro a Naimbag a Damag Biblia

⁴⁷ Inaldaw a nangisuro ni Jesus iti Templo. Kayat a patayen dagiti panguloen a papadi, dagiti mamaestro iti Linteg, ken dagiti pangulo dagiti tattao.

Ti Biblia (1973)

⁴⁷ Ket nanursuro nga inaldaw idiay Templo; ngem dagiti panguloen dagiti papadi ken dagiti escriba ken dagiti nangnangrona cadagiti umili inagawaanda a papatayen:

San Lucas 19:47 Iomraidhean Croise

San Mateo 21:23

Nagsubli ni Jesus idiay Templo. Idi madama a mangisursuro, immasideg kenkuana dagiti panguloen a papadi ken dagiti panglakayen a Judio, ket sinaludsodda, “Ania ti kalintegam a mangaramid kadagitoy? Siasino ti nangted kenka iti daytoy a turay?”

San Mateo 26:55

“Tulisanak aya, ta nagtagikampilan ken nagtagipang-orkayo nga umay mangtiliw kaniak?” kinuna ni Jesus kadagiti tattao. “Inaldaw nga agtugtugawak a mangisursuro idiay Templo ket didak tiniliw.

San Marcos 11:18

Nadamag dagiti panguloen a papadi ken dagiti mamaestro iti Linteg daytoy a pasamak. Ngarud, impampamuspusanda ti panangpapatayda ken ni Jesus. Nagbutengda kenkuana agsipud ta nagsidsiddaawan dagiti amin a tao ti pannursurona.

San Marcos 12:12

Pinadas dagiti panguloen dagiti Judio a patiliw ni Jesus gapu ta naawatanda a sinaona daytoy a pangngarig a maibusor kadakuada. Ngem agsipud ta nagbutengda kadagiti adu a tattao, binaybay-anda ni Jesus ket pinanawanda.

San Marcos 14:1

Dua pay nga aldaw, dumtengen ti Paskua ken ti Fiesta ti Tinapay nga awan Lebadurana. Agsapsapul dagiti panguloen a papadi ken mamaestro iti Linteg iti nalimed a panangtiliw ken panangpapatayda ken ni Jesus.

San Marcos 14:49

Inaldaw a nakipulpulapolak kadakayo ken nangisursuroak idiay Templo ket didak tiniliw. Ngem masapul a matungpal ti Nasantoan a Surat.”

San Lucas 19:48

Ngem awan masarakanda a panggapuanda a mangibanag iti panggepda gapu ta napasnek dagiti amin a tattao a dumngeg kadagiti saona.

San Lucas 20:19

Ammo dagiti mamaestro iti Linteg ken dagiti panguloen a papadi a sinarita ni Jesus daytoy a pangngarig a naiturong kadakuada. Isut' gapuna a pinadasda a patiliw ni Jesus iti dayta met la nga oras. Ngem nagbutengda kadagiti tattao.

San Juan 10:39

Pinadasda manen a tiliwen ngem nakalapsut kadakuada.

San Juan 18:20

Simmungbat ni Jesus, “Nagsaoak a silalatak kadagiti tattao. Masansan a mangisursuroak iti uneg dagiti sinagoga ken iti Templo a paguurnongan dagiti amin a tattao. Awan a pulos ti imbagbagak iti nalimed.

San Juan 7:19

Saan aya nga inted ni Moises ti Linteg kadakayo? Ngem awan kadakayo ti mangtungpal iti Linteg. Apay a kayatdak a papatayen?”

San Juan 7:44

Kayat idi ti dadduma kadakuada a tiliwen ni Jesus, ngem awan uray maysa a nangsagid kenkuana.