San Lucas 19:44 - Ti Baro a Naimbag a Damag Biblia

⁴⁴ Dadaelendakanto a mamimpinsan agraman dagiti amin a tattaom iti uneg ti padermo. Awanto ti bato nga ibatida iti sigud a yanna, ta dimo binigbig ti tiempo a yaay ti Dios tapno isalakannaka!”

Ti Biblia (1973)

⁴⁴ Ket rebbaendacanto agingga iti daga, sica ken dagiti annacmo nga adda iti unegmo, ket awanto ti matda a bato iti rabaw ti bato kenca agsipud ta dica binigbig ti aldaw ti pannacasucnalmo.

San Lucas 19:44 Iomraidhean Croise

Dagiti Salmo 137:9

Wen, nagasat daydiay mangrabsut kadagiti maladaga nga annakmo, ket itupakna ida iti bato!

Isaias 10:3

Anianto ti aramidenyo inton dusaennakayo ti Dios? Anianto ti aramidenyo inton idissuorna kadakayo ti didigra nga aggapu iti adayo a daga? Sadinonto ti pagkamanganyo nga umawag iti tulong? Sadinonto ti pangilemmenganyo iti kinabaknangyo?

Isaias 29:3

Rautenkanto ket agaramidak iti panglakub iti lawlawmo.

Jeremias 11:23

Nangitudingak iti tiempo a panangyegko iti didigra kadagiti taga-Anatot ket inton dumteng dayta a tiempo, awanto ti makalasat kadakuada.”

Dungdung-aw 1:8

Napukawen ti dayawna, lamolamo ken lalaisenda. Agasug ket sibabain a mangilemmeng iti rupana. Tinulawanna ti bagina gaput' nadagsen a basolna.

Daniel 9:24

“Mamimpito a pitopulo a lawas dagiti tawtawen ti kabayag ti intuding ti Dios a mapalabas sananto wayawayaan dagiti kailiam ken ti nasantoan a siudadmo iti dakes ken panagbasol. Mapakawanton ti basol ket maipasdekton ti agnanayon a kinalinteg, tapno pumayso ti parmata ken ti padto, ket maidaton manen ti nasantoan a Templo.

Daniel 9:26

Inton aggibus dayta a tiempo, mapapatayto nga awan gapgapuna ti pinili ti Dios. Madadaelto ti siudad ken ti Templo. Dadaelento ti rumaut nga armada ti maysa a nabileg a pangulo. Kaslanto layus a dumteng ti panungpalan. Yegnanto ti gubat ken pannakadadael nga insagana ti Dios.

Mikias 3:12

Ngarud, gapu kadakayo, maaradonto ti Sion a kas iti maysa a talon. Marebbekto ti Jerusalem ket agbalin a nagrebbaan. Agbalinto met a kabakiran ti bantay nga ayan ti Templo.

San Mateo 24:2

Kinunana kadakuada, “Wen, makitayo amin dagitoy ita. Ngem ibagak kadakayo nga awanto ti uray maysa a bato ditoy a mabati iti yanna. Marbadanto amin.”

San Marcos 13:2

“Makitam dagitoy dadakkel a patakder?” insungbat ni Jesus. “Awanto ti uray maysa a bato ditoy a mabati iti yanna. Marbadanto amin.”

San Lucas 1:68

“Madaydayaw ti Apo a Dios ti Israel! Immayna tinulongan dagiti tattaona ket winayawayaanna ida.

San Lucas 1:78

Naasi ken naayat ti Diostayo; Pagbannawagennanto ti pannakaisalakantayo,

San Lucas 19:42

kunana: “No ammom la koma ita nga aldaw ti masapul tapno maaddaanka iti kappia! Ngem ita dimo makita.

San Lucas 21:6

“Makitayo amin dagitoy,” kinuna ni Jesus. “Dumtengto ti tiempo nga awanto ti uray maysa a bato ditoy a mabati iti yanna. Marbadanto amin!”

1 Pedro 2:12

Agbiagkayo koma a natakneng iti imatang dagiti Hentil. Uray no kunada a managdakdakeskayo, mabigbigdanto met laeng dagiti naimbag nga aramidyo ket idaydayawdanto ti Dios inton dumteng ti Aldaw a yaayna.