San Lucas 19:17 - Ti Baro a Naimbag a Damag Biblia

¹⁷ “‘Nasayaat ti inaramidmo,’ kinuna ti ari. ‘Naimbagka nga adipen. Agsipud ta mapagtalkanka kadagiti babassit a bambanag, pagturayenkanto iti sangapulo a siudad.’

Ti Biblia (1973)

¹⁷ Ket isu kinunana kencuana: Naimbag, nalaing nga adipen; agsipud ta iti bassit unay napagtalcanca, adda turaymo iti sangapulo nga Ili.

San Lucas 19:17 Iomraidhean Croise

Genesis 39:4

Naay-ayo ni Potifar kenkuana, ket pinagbalinna a katalek iti balay ken mangaywan iti amin a sanikuana.

Dagiti Proverbio 27:18

Aywanam a naimbag ti igos ket mangankanto iti bungana. Maidaydayawto ti adipen nga agserbi a siaayat iti amongna.

San Mateo 25:21

“‘Nasayaat ti inaramidmo, naimbag ken mapagtalkan nga adipen!’ kinuna ti amongna. ‘Gapu ta napagtalkanka iti bassit a banag, pagaywanenkanto iti adu. Umayka makipagragsak kaniak.’

San Lucas 16:10

Ti tao a mapagtalkan kadagiti babassit a banag, mapagtalkanto met kadagiti dadakkel. Ngem ti saan a matalek kadagiti babassit a banag, saan met a mapagtalkan kadagiti dadakkel.

San Lucas 19:16

“Dimmatag ti umuna nga adipen. ‘Apo,’ kinunana, ‘nakaganansia iti sangapulo a bagi ti balitok daydi intedmo kaniak.’

San Lucas 19:18

“Dimmatag met ti maikadua nga adipen. ‘Apo,’ kinunana, ‘nakaganansia iti lima a kuarta a balitok daydi intedmo kaniak.’

San Lucas 22:30

Mangan ken uminumkayto iti lamisaanko iti Pagariak ken agtugawkayo kadagiti trono a mangituray kadagiti sangapulo ket dua a tribu ti Israel.”

Taga-Roma 2:29

Ngem ti pudno a Judio, isu ti Judio iti uneg, kayatna a sawen, nakugit ti pusona babaen iti Espiritu ti Dios a saan ket a babaen iti naisurat a Linteg. Ti pannakaidaydayaw ti kasta a tao aggapu iti Dios, saan a kadagiti tattao.

1 Taga-Corinto 4:5

Ngarud, saankay a mangukom agingga iti dumteng ti naituding a tiempo. Wen, urayenyo ti yaay ti Apo ta isunto ti mangilatak kadagiti palimed ken mangibutaktak kadagiti panggep a naitalimeng iti puso ti tao. Ket awatento ti tunggal tao ti kaikarianna a pammadayaw nga aggapu iti Dios.

2 Timoteo 2:10

Isut' gapuna nga ibturak ti amin gapu kadagiti napili a tattao ti Dios tapno awatendanto met ti pannakaisalakan nga adda ken ni Cristo Jesus, agraman ti agnanayon a gloria.

1 Pedro 1:7

Nairanta dagitoy a pangpaneknek iti kinapudno ti pammatiyo. Uray pay ti balitok a madadael, magugoran iti apuy. Ket ti pammatiyo a napatpateg ngem balitok, masapul met a masuot tapno mataginayon. Iti kasta, awatenyonto ti dayaw, dayag ken tan-ok inton maiparangarang ni Jesu-Cristo.

1 Pedro 5:4

Ket inton agparang ti Pangulo a Pastor, awatenyonto ti nadayag a korona a dinto agpukaw ti raniagna.

1 Samuel 2:30

Siak, ni Yahweh a Dios ti Israel, ti nangikari idi iti familiam ken iti kaputotam nga agserbida kaniak a padi iti agnanayon. Ngem ita, ibabawikon! Ta raemek laeng dagiti agraem kaniak, ket umsiek met dagiti mangumsi kaniak.